طلعت طلعتن الله لايعيده انا ومعي عمي <ابو صعفق>
هو مهو عمي عسى تعمى عين العدو بس اني اتلزق بوه
يقول انوه يبي يجوزن ولاتهيا يجوزن <كل ماقلتلوه جوزن قال ياما تغدي رجل>مشيوله
الوكاد كل حاجتن يبيه يكلمن واجيه اسرع من البرق
يابغى محطة الغنم مايوديه الا انا ويبغى يجلب من غنمنوه مايمسكهن
ويوديهن حراج الغنم الا انا ويبغى سوق القشله <هذا سوق شيبان وعجز كل شي بوه رخيص>
مايوديه الا انا <وعلى طاري التودات مرتن من المرات رحتبوه لسوق القشله وهو يدخل هكا المحل
وهو ياخذ هكا الثوب الصوف الاشهب وهكا القبع الادهم وهكا الكنادر الخضر وهكا البجامه الدهما
<حقت شيبان >بس والله تدفي يالبسته مايحتاج فروه> ويوم جاء الحساب وهو يلتفت يمي يملا
البعد يلمح وانا احاسب 130ريال الله لايخسر <هوبس يجوزن كل شي يهون>
قدمت الغالي والرخيص <معاناه>
بسبت ها العرس <ياقشر الحاجه الله لا يحيجنا
المهم ماعلينا ننكس لطلعتنا الله لايعيده كله بسبت جاري المطفوق <ابو دلي>قالي طلع
<ابوصعفق> ياعل تطلع روح العدو وونسوه غديه يلين راسوه ويهداوه الله ويعجل بعرسك على بنته
<بنته عاد صايرتن بعضهن>والله ياضحكت تقل شايفلك ذيب الله لايبلاء الصديق مالكم بطويله
يوم وصلنا النفود وحنا نحول وانا اقمز ونزل الخيمه والعزبه وابني الخيمه وهو جالس ماتحرك
يبخقن بعيونه <يعني يراعيلي>يملا الفضخ لعيون العدو واصلح القهوه وجهويه وهو يشرب
ست طعش فنجال <ول يادغيم الظلماوي> ايملا الضمى
وانا افوع <اي اقوم بسرعه>واذبح الذبيحه وانا اعلقه بالحوض واجزره <انذخ قداموه>
واطلع الشواياء واشويهن واجيبهن طاير وحطهن قداموه <بس بقي التوكيل ماوكلتوه>
المهم وهو يدلي ياكل وانا اراعيلوه وابلع ريقي وثاني لقمه وهو يشرق <الظاهر اني لقطته>
وهو يعجز لا يتنفس وانا اقوم اجلبوه وانا وياوه وانا وياوه يمار ماش ماينفع بوه ناشبتن اللقمه
وانا اتحمالوه هكا البقس بالعلباء وهي تطير اللقمه وثلاث ضروس طاحن قداموه <خوش فزعه>
وهو ينصفر من الظهر ولا ياعي الا عقب العصر يوم وعى وهو يقوم يشتم ويلعن الساعه الي
عرفن به وانا اقولوه تعوذ من الشيطان قال انت الشيطان براسوه يملا ويملا <تقل مداعي عجوز>
وانا اركبوه واجيبوه ناكسنبوه ياطلعت الشر والشرير ونزلوه عند اهلوه قال لا تشوفك عيني
ولا لك حريمن عندي <وهو يطنى علي> وحسافت خدمتيلوه هالسنين عسى الله يعوضنا
واجيك ناكسن لمضيف شمر والحسرات تقطع قلبي <احلى يالغه عربيه>
وسلامتن تسلمكم
