نور السراج في ترويض الزوج الداج
ححححححححححححححححححححح :p
ياهنووووووووووووووه :p
تغطن يابنات :D
سلاموا عليكم :)
ياشين الرجل بوسط الربايع بس اخوكن بالله يقدر جلسات الضحويه ويموت بشئ اسمه سوالف عجز :p
ولاني من مناصري الجنس الناعم ( مع التحفظ على الاسم في ظل المتغيرات الآنيه :D ) على الجنس الخشن ( نفس اللي بالقوس الاول :D ) حبيت اني اشاركن بمشاكلكن ياخيواتي :p
عزيزتي حواء :)
اذا كنت تعانين من سه زوجك وتوخره ليا تالي الليل مع شلته الداجه متسكعا بين المقاهي والاستراحات :( فكل ما عليك اتباع نصائحي الذهبيه لحل المشاكل الزوجيه :p
نور السراج لترويض الزوج الداج :p
نوع المشكله : سهر الزوج ودشرته بالقهاوي والشبات :(
الحل :
المرحلة الاولى : ( مبتدئين :p )
1- سكري الباب الداخلي للبيت بالمزلاج واذا طق الباب الطعيه ربع ساعه على اقل تقدير :D
2- انشدي من اللي يطق واذا رد قولي منهووووووووووو بصوت عالي :D
3- يبي يكرر الرد وانتي كرري الرد بعد لياما يطق جوله :p
4- افتحي اباب وسوي نفسك منخرشه وتراعدي وان حصلة بتسوه مهي شينه ( عاد هذي ما تعوق معكن :D )
المرحلة الثانيه : ( مستورد :D)
اذا ما نفعت معه المرحله الاولى حاولي افهامه بانك تعانين من خوف بغيابه وانه لازم يغير كوالين البيت بدل المزلاج وياخذ معه مفتاح للباب الداخلي بدال لطعته وخرعتس تالي الليل :(
وهو بكل دلاخه يبي يستانس على انه يرجع متى ما بغى بدون ما يحسب حساب اللطعه والمغثه ويبلع الطعم ;)
بعد كذا عطيه اسبوع ( او اكثر حسب طيبتس ) يتونس به :)
بعد ما تخلص المهله تحريه ليا ما يلفي زين الحلايا وتاهري بالنوم ( تنيومي ) واول ما يدخل الغرفه ويسكر الباب انقزي من فراشتس وعلي الصوت بالصياح وسوي نفسك منصفره ( تصيفري ) عاد زين الحلايا :D يبي يسمي عليتس وينشدتس وش نوحتس لا تردين عليه مررررررررررره وكملي , بعد كذا يبي يرشقتس بقرايه , واذا رشقتس قومي شوي شوي وناظريه بنظرة خوف وروحي لفراشتس ونامي بدون ما تردين عليه حتى لو كثر الحتسي , بعد ما ينام بساعه فزي مثل المقروص وطبقي نفس الحركه الاوله , طبعا هو يبي يتذيكي ويجيب الدزروه على طول ويرشقتس به وانتي خوذيه على قد نيته واركدي شوي ليا ما ينام ثمن ازعجي الصوت هيجني واضحكي واذا لعبتي بقرونتس مهي شينه :p.
بعد هذه الخطوات المباركه يبي ينزع واهس زوجتس ويتبهذل معتس من مستشفى لمستشفى ومن شيخ لشيخ ليا ما تحسين انه ركد ثمن سوي نفستس تشاويتي وطبتي وهو يبي ينكل :p
الاثار الجانبيه للوصفه :
ان هذه الوصفه قد تسبب لكِ بعض التشوهات اذا كان زوجكِ من النوع العصبي وقد تصل في بعض المراحل الى انتس تقابلين امتس 24 ساعه :(
وفي هذه الحاله تذكري انكِ كنتِ خبلةً تاكلين النكوث يوم انتس تطيعين كل من هب ودب ( قطبي :D )
ختاما نتمنى لك حياة طيبة بين اخانك وخواتس :D :D :D: :D :D
<<<<<< :p :p :p :p
يالله حيهم يالله حيهم وتذكروا اني شين ليا منت والظاهر اني بديت امون
ابو صياح :
ههههههههههههه
بين حتسي العزوبي :p
اما تطلقه وعلى ظهرك ثلاث دداسن كثر منه :D
ليا جا الصملي قلت مانا اطيب من غيري :p
حياك يالغالي :)
ابو مرزوق :
انا قلت بس الرجال تحمس وباعه بقشر بصله :D
اثاريك من النبيطه وجاي :p
بس يعجبني الواقعي زيك ;)
حياك :)
الشمريه :
اشكرتس بعنف على تقديرك لوقوفي لصفكن اخي الفاضله
وانني اذ اشجب واستنكر تصرفات الرجال الطائشه لاحيي فيكن
روح التحدي والصبر :p
<<<<< يتفرج على اخبار غصب ون :D
الكتراز :
اسمك مارن علي قبل . بس وييييييييييييييييييييييييين مادري :(
<<<<<<<<< الشفايه مليون عنده :D
وبالنسبه للطلاق فلا تخاف اذا طبقن التوصيات بحذافيره .
<<<< يبي يقول بحذافيره بأي وسيله :D
تسلم حبيبي :)
الظبيانيه :
<<<< قاعد يترجم رده :D
وش دعوى اتكلم فصحى انا علشان ما تعرفين حتسيي :D
<<<<< قايلكم ما ينعطى وجه ما صدقتوا :p
حياتس )
بشير اللويش :
بالله لا تقول لي هالحتسي ترن اصدق ثمن ينتفخ راسي وابلش بالطاقيه ( <<< هذا كل همه :p )
بس حلوه حركة اخوك الصغير هذي , يعني تبي تقعنا انك شباب واضناتك سنة السقطه ;)
حياك ابوي :) <<<<< يبي يقهره
عاد هاللحين نجي لفلاحوه :
وش رايكم انا اصفطه وللا لا :p
والله ياصفطته ما قالت شئ :D
هاه تجزموني اصفطه ؟؟؟؟؟
يالله علشانكم وللا انا ماودي:p
<<<< يبي ياكله علقه بس ضرب الحبيب مثل اكل الزبيب ( ايه هين :D)