هله طحاطيح عنـزه والسناعيـس ؟
عتــــق الـــرقاب وفك قــــــيـد المحابيـس
عادتـه مـاواللــــه خــــــــــذاهـا سيـاسـه
هــــذا ملهسها علـى الطيــــــــب تلهيـس
غيـــــره يطيــــــــــــب بلجنتيـن ودراسـة
هله طـــحاطيــــــــح عنـزه والسناعيـس
خــــوالـه يشــــــــــوف المهالـك وناسـه
مـارد غــــــيـر معــــــــــذربينـه مفاليـس
المستــــقــــيـم مميـــــــــل عقـال راســه
تحت اخمـــص اقدامه تشوف القواميس
تقـرا دروس المــــــــــرجلـه والحماسـه
يحـــــط مـا بيــــنـه وبيــــــــن المتاريـس
شــــعبه فهــــــم حراسـه مـن الحراسـه
ما شــــيبت راس الظـــــــلام الفوانيـس
تشــييــــــــــبته في صابـر همـوم ناسـه
دربك وعـــر ميـــر ابشري يالنواميـس
ما يُفـطــم عــــــــن ديـود مرقـا مداسـه
لطام خشــــم العايـــــــل مـروض بليـس
عـــــبد الله املا يابحــــــر نصـف كاسـه
عل الفـهـــــــد في ظل روض الفراديـس
اللي عهــــد لـه بالـــــــــــولا والرياسـه
ياشـــــــعر . واختلطت علينا الاحاسيس
بايـــــــــع.. وبارك له.. وعزه.. وواسـه
فـــهـــد عـــافــــت
