الشيخ صفوق الجربا والفارس هايس القعيط
اعجبتني هذه القصه الجميله وهي بين الشيخ الفارس صفوق الجربا والفارس المشهور هايس القعيط ولاني اول مره اقرأها احببت ان انقلها لكم ..
هذا النص منقول وهو بقلم الاخ الفاضل سنجار :
___________________
فيه فرس كانت طيبه عند جار للفارس هايس القعيط ارسل صفوق الجربا عليه وخذاه وزعل هايس وقرر الرحيل وكان مزعوج من الزعيلي
كان واحد من مستشاري الشيخ صفوق الجربا وقال هذه الابيات يوجهها لمثقال الزيدان وهو جليس الشيخ صفوق الجربا:
[poem=font="Simplified Arabic,5,white,bold,normal" bkcolor="transparent" bkimage="" border="double,medium,white" type=1 line=0 align=center use=ex num="0,black"]
مثقال يامشكاي صرتوا مناكير = صفرى سنون عندكم هي ثمنا
بالعون رحلنا ولا نسمع مشير = وظعوننا لظعونكم فاختنا
منت خابرن يوم الزعيلي تقل زير = يفتخ برشمه ياالسنافي محنّا
منت خابرن يوم السبايا مقاطير = بذبحة (بنّيه) ماثنا كود حنا
منت خابرن يوم اختلاف المظاهير = ليا هجّت الاظعان يرجح ظعنا
ليا جا النذر ننزلهن منفخ الكير = يومن رعيب القلب ينير عنا
اطعن لعيني فاطر من الخواوير = غبوقة الخطار ليا روحنا[/poem]
وهو يرحل هايس ومعه جماعته البريك من الخرصه وانتشرت اخبار زعلت هايس بين شمر وغيرهم من القريبين لهم وهاظت قريحة الشاعر فدغم ابن سرداح البعيجي من قبائل العراق وقال:
[poem=font="Simplified Arabic,5,white,bold,normal" bkcolor="transparent" bkimage="" border="double,medium,white" type=1 line=0 align=center use=ex num="0,black"]
ياراكبن حمرا بتوج الدويه = حمرا وتهاوز موميات الفتايل
عنيتها لصفوق ماابي العطيه = وإلا... انتم عطاياكم مهارسلا يل
الشيخ ولد الشيخ للشمريه = ياريف (غلبا) باالسنين المحايل
اطعت حكي اللي علومه رديه = ظعيف حظ ويودع العدل مايل
منت خابرن ليا صاحت المانعيه= لياطار ستر منسفات الجدايل
هايس لكم درع حلاقه قويه = حق لكم من دون كل القبايل
منت خابرن يوم الخوي مع خويه= ظنا خميس مهدية كل عايل
داس العراق وداس خشم الحنيه = وتبشرت به شمر عند حايل[/poem]
وبعد فتره من الزمن يقصد علي ابن شباط من الهظبه يتوجد على فخذ البريك ويحث الخرصه على التحرك لرجعة البريك ويذكر بقصيدته دهام الوليغي من الفرسان المشهورين في وقته:
[poem=font="Simplified Arabic,5,white,bold,normal" bkcolor="transparent" bkimage="" border="double,medium,white" type=1 line=0 align=center use=ex num="0,black"]
عويت باالمرقب على رد سفان= عن لابة عني بعيد طخوخه
ظنا خميس هم ذرانا باالاكوان = ماهو ردى مار وخروا عن شروخه
ظنا معلى مع نظايظ عليان = راحوا مشاهيب الرجال الزنوخه
اهبوا هبيتوا يامثاورغنم ظان = البيظة الهشه تدانى فظو خه
يادهام قم صيح وصفق باالايمان = فكاك باالوندات داني دلوخه[/poem]
وتجتمع الخرصه وتقرر اما يرجع هايس القعيط وجماعته البريك وإلا نرحل عن الشيخ صفوق الجربا ويذهب ثلاثة رجال من كبار الخرصه وعندما حلوا عند الشيخ صفوق الجربا قال الاول اللي هو محمد ابن جحيش من الهظبه:
[poem=font="Simplified Arabic,5,white,bold,normal" bkcolor="transparent" bkimage="" border="double,medium,white" type=1 line=0 align=center use=ex num="0,black"]
ياشيخ ياللي نافل كل اهاليك = يانازلن راس النبا باالبياحي
فروخ البواشق لاتنزل حواليك = تلقط العظمان حول المراحي
عليك بااللي يلبس الدرع ياتيك = وقت اللقى يروي زروف الرماحي
ربعي لياركبوا عليهن .......=مركاظنا يشبع خفوق الجناحي
كم واحد فزع علينا ولا .....= ومن فزعته مايندرى وين راحي
على لزوم الشيخ حنا نواليك= نزرن ليا شفنا خبيث المشاحي
كان تفهم باالوصايا بغن اوصيك = وان كان ما تفهم زعوج الرياحي[/poem]
وقال الثاني براك ابن غشم من كبار الخرصه :
[poem=font="Simplified Arabic,5,white,bold,normal" bkcolor="transparent" bkimage="" border="double,medium,white" type=1 line=0 align=center use=ex num="0,black"]
يا شيخ ربعك نايدين بعادي = الحر مايكسر جناحه بيمناه
تر الرفاقه مثل قصرن سنادي = ولياانهدم عسرن على الشيخ مبناه[/poem]
وقال الثالث جعيثن الوليغي من البريك :
[poem=font="Simplified Arabic,5,white,bold,normal" bkcolor="transparent" bkimage="" border="double,medium,white" type=1 line=0 align=center use=ex num="0,black"]
هبيت ياجيل غشى وجهك السود = لياصار ما يدرى ولا له مهابه
من عقب ماحنا ذرى كل مظهود = اليوم باالهزلا ندور الذرى به
كسبت مراجلنا وراحت تكل فود = اشوف انا اللي ماينوله غد ابه[/poem]
ويطلب الشيخ صفوق الجربا من الرجال انفسهم الثلاثه يروحون باسمه على الفارس هايس القعيط وجماعته البريك ويرجع هايس وجماعته وتعود المياه الى مجاريها...
