((*** القصيدة الثانية الموجهه للامير الشاعر طلال الرشيد **)) رحمه الله
[align=center]بسم الله الرحمن الرحيم ..
تحياتي للجميع ..... واسعد الله مساكم بكل خير ....
في هذه الليلة .. اطرح بين ايديكم القصيدة الثانية من القصائد التي وجهتها للشاعر الكبير الامير طلال العبدالعزيز الرشيد رحمه الله رحمتا واسعه واسكنه فسيح جنانه ...
(((((**** النيّه ****)))))[/align]
[poem=font="Simplified Arabic,5,black,bold,normal" bkcolor="burlywood" bkimage="" border="inset,medium,gray" type=4 line=0 align=center use=ex num="0,black"]
من يقول الوفا والطيب بالنيّه = من يقول الحيا يستر جسد عاري
قوّة الشمس ماتحرق وطى الفيّه = والوطا ما تصيح وسيلها جاري
الوصايف بوجه الحر مقريّه = كل ما جيت اعده ضاعت افكاري
ومن يعد النجوم ألاّ الهواويه = وإن نصحت الهواوي قال أنا ضاري
العزيمه وأعرف إنّه هلاليّه = والكرم حاتمي والطيب سنجاري
من رجال(ن) سناعيس(ن) اسنافيّه = كاسبين المديح اصغار وكباري
أنت بدر(ن) علينا شارق(ن) ضيّه = نور وجهك يبدد ظلمت الساري
وأنت مثل النسيم إن هب عصريّه = من رياض(ن) تخالط فيه الازهاري
المعاني بمدحك دايم(ن) حيّه = فيك عزة يتيم وهلهلة قاري
ما مدحتك انفاق ولا هي احميّه = قبل اشوفك واعرفك جاني الطاري
يابعد حيّ حييّ جبت الاصليّه = ما عطك بعض حقك جملت اشعاري
ما نبيع القصيد بشوفة الميّه = يلعن اللي يبيع ويلعن الشاري
القصيده إلى جبته شماليّه = عزتّه غصب تجذب يمه القاري
وإن بغيته تجي ميّه على ميّه = قلت شوقك طلال وطيعي اشواري
قالت احذر تراني توّي ابنيّه = قلت أنا ادري وابو نواف بك داري
لا تخافين بيرك محكم(ن) طيّه = ما تركنا مجال لهرجة الزاري
فيك برد الشمال وشمس نجديّه = ومزنة(ن) بالجنوب وسر مشواري
قال وش بالمشاعر قلت مبليّه = اعجبت في طلال وزادت اصراري [/poem]
[align=center]اخوكم :::: فهد الغنام الشمري [/align]
