مصداقية الاتحاد السعودي لكرة القدم على المحك
سلامو عليكم
جت والله جابه :)
نبي نشوف هاللحين وش يبي يسوي الاتحاد السعودي لكرة القدم مع قضية نادي الاتحاد .
وش توقعون يالربع ؟
بالنسبه لي اعتقد والله اعلم انهم يبون يفركشون السالفه ويخلون لاعبين الاتحاد يتنازلون عن القضيه واذا ما تنازلوا اعتقد انهم يبون يحطونه برأس سكرتير النادي او واحد غيره علشان تصير الدعوى تسنه تصرف فردي ويعاقب عليه الفرد لحاله . لانهم اذا اعتبروا التصرف من قبل النادي ككيان فتغريمه وهبوطه للدرجة الثانيه مابه طقة عصى .
نبي ننتظر ونشوف مصداقية هالاتحاد المخرم :)
تنويه :
اللي ما يدري وش السالفه زي العزي مثلا , هذا ياطويلين الاعمار نادي الاتحاد مزوّر عقود ثلاث لاعبين ( هذولا اللي اعلنوا اما الساكتين فما نعلم عنهم ) .
وقام محمد نور برفع قضية ضد النادي لان عقده مدته سنتين بس والنادي زوّره خمس سنين خخخخ
ايضا اللاعب صالح الصقري بس الظاهر انه مهو مشتكي لياما يشوف وش يصير على ابو نور :)
واللاعب الثالث هو مبروك زايد لكن النادي ما ادري وش سوو له وخلوه يبلع العافيه خخخخ
عزتي والله للجبلين اللي راح طعام جحوش ولا احد دري به :(
