عدن الشمر حاميه شقـح الالـوان
بسم الله الرحمن الرحيم
السلام عليكم ورحمة الله وبركاته
اللي أبناء شمر الكرام
أهدي هذه القصيدة المتواضعة إلى أبناء هذي القبيلة العريقة بما وجدت عندهم من حسن الجوار
قالها : بركة عياده عيد الكريباني العازمي
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عسا الحيا يسقي جوانب ارميثـان=عسا المطر يسقيه من كـل غيمـه
عدن الشمر حاميه شقـح الالـوان=أهل الوفاء وهل اليديـن الكريمـه
تاريخهم يرفع علىروس الازمـان=يوم القتال أو يوم هـاك الهزيمـه
يوم الحصان ويوم غيبات الأذهـان=ويوم الشداد أيمس من فوق ريمـه
قصيرهم يرقا علـى راس مابـان=يوم القصير الـه مقامـن وقيمـه
قصيرهم عشرين عـام الـي الآن=في وسط شمر كاسبيـن الغنيمـه
نرعا زماليق الحيـا كـل ميـدان=الجار شمر مـا تحـب الظليمـه
العازمي يرفع لهـم كـل نيشـان=ما ينسون أهـل العقـول السليمـه
شمر مطوعت العدا في زمن كـان=في حد مرهف هز خصمن خصيمه
حفظ لها مجدان ومرجع بالاو طان=شجره عريقه باصل ماحدن يظيمه
امنزحين الضـد ذربيـن الإيمـان=شمر بعيده عـن جميـع الذميمـه
شمر لها بالفعـل برهـان برهـان=تشهد هبايب نجـد وحـلا نسيمـه
وتشهد لها بابطالها اجبال بـرزان=اخيول شمـر للمواقـف حطيمـه
شمر الي من الخصم جاه شيطـان=وضـد شمـر راح حالـه يتيمـه
هذا وأنا موفيت شمـر بـالأوزان=يستاهلون المدح مـا هـي نميمـه
هذي ترى شمر الي ثـار بركـان=سحبِن من البركان يرهق حميمـه
يقولها منـه ربوعـه لهـا شـان=عوازم يحمون وضحـى وسيمـه [/poem]
الشاعر / بركة عياده عيد الكريباني
