قصيده في نجاح عضو مجلس الامه الكويتي محمدالخليفه
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
نبارك للكويت العرس هذا سيّد الاعراس=بلادٍ من بدايتها على الخيرات مجبوله
تصفى للبلد خمسين نائب بأختيار الناس=على وضح النقا حرية التعبير مكفوله
بلادٍ سيسّوها بالعداله طيبين الساس=محبتهم على عروش القلوب البيض محموله
تحت ظل الصباح الشعب حر..ورافيعن الراس=سيوفٍ في سبيل العدل والانصاف مسلوله
فهم قاداتنا العليا وحنا للوطن حراس=جميع قلوبنا شتله بحب الدار مشتوله
ميادين التنافس بالشرف والصالح المقياس=تجولنا بها والحمد لله طابت الجوله
جهود اهل الظماير ماتجي حبرٍ على قرطاس=ومن خارج قبيلتنا كثير جهود مبذوله
رجالٍ شاركت معنا بصنع العز والنوماس=لهم منّا الوفا لاشافهم ياقف على طوله
رجالٍ في ثقتهم وصلوّنا هامة النبراس=ثقتهم عندنا تبقى على الهامات مشيوله
لهم تقديرنا واجلالنا ياقف وهم جلاس=وجميع انصارنا في مزنة التقدير مشموله
رجالٍ تمكر المعروف معدنها صفر ونحاس=عسى يمنى الذي مايحفظ المعروف مشلوله
وحنا نحفظ المعروف والمعدن ذهب والماس=نرد الطيب طيب..ونذكر المعروف ونقوله
نقول الفوز فوزٍ للجميع وطابت الاوناس=ترى ماهو لناس وناس والاخيار منقوله
هلا بأهل الكويت وكل من فينا من الاجناس=لهم رد الثنا وابوابنا ماهي بمقفوله
نيابه عن محمد قلتها ماهي من الهوجاس=عن لسانه نقول وكلمة المعروف مقبوله
تراهنا ..ولا خاب الرهان بهدة القرناس=عطى للدايره والتفت الاحرار من حوله
غرس كل العلوم الطيّبه ياحي من غراس=وكم قرر بوقفاته مصاير ناس مجهوله
له الفعل الجميل اللي يرجّح كفة القسطاس=ومن يطمع بحب الناس مثله يفعل فعوله
..
..
وليد العمودي[/poem]
