ذيب الشمري ومحمد الخليفه ووليد الجري(محاوره)
ابيات شعريه للشاعر ذيب الشمري عن لسان النائب محمد الخليفه يدعو النائب السابق : وليد الجري لحضور ندوة الافتتاح 2006/6/23
وكان وليد الجري ذاهباً الى اسبانيا برفقة والده للعلاج...تقول ابيات ذيب الشمري:
بقلوبنا تبقى عضو مجلس امه=لو تترك الكرسي ترى ما تركناك
في كل موقف ناجدك راس قمه=على المبادي حبك الشعب واغلاك
واليوم اخوك اللي حضورك يهمه=ابو خليفه يا ولد يام ينخاك
..
..
وجاء الرد من عضو مجلس الامه السابق وليد الجري من اسبانيا كالاتي :
دربٍ تركته يامحمد تتمه=فيك الكفايه والسعد لاعدمناك
والحر مثلك تنقل الناس همه=لاتستضيق وكل الاحرار وياك
لولا الضروف الكايدات المهمه=يابو خليفه لاحشا ما تعداك
..
..
وسمع بها معد قناة العربيه الشاعر سعد العجمي ومجاراة للابيات قال:
يابو خليفه زود عزمٍ وهمه=والله يازبن المناعير ياقاك
وحزب الفساد اللي علومه مطمه=رز البيارق للشمال وتنصاك
يبقى بدارك ينفث اليوم سمه=خابت مساعيهم ولا خاب مسعاك
مادام شمر بالعدد مستتمه=والله مايفرح عدوّك ويشناك
يقطع صبيٍ مافزغ لابن عمه=لاجاء نهارٍ فيه صوتك ( ومخباك )
من الاحمدي جتك الرساله مهمه=من ربع (ابو خالد) عضيدك وشرواك
..
..
ابو خالد: وليد الجري
