وقصيدة للشيخ مسلط الجربا احد شيوخ شمر ....

اخواني الاعزاء..

هذى قصيدة للشيخ مسلط الجربا احد شيوخ شمر وقالها قبل محدار الجربان ومن معهم للجزيرة.

ولكن للاسف لم اضفر الا ببعض الابيات منها..

عدّيت روس امشمرخات المراقيب ***** رجمٍ طويلٍ نايفٍ مقلحزّي

جرّيت صوتٍ مثل ماجره الذيب ***** أوجس ضميري من ضلوعي ينزّي

خوفي من اللي روسهم كالجعابيب ***** وسيفٍ على غير المفاصل يحزّي

لاصار ما ناتي سوا الجلاليب ***** بقلايعٍ بايماننا له نخزّي

أحسن تصبر وأجمل الصبر بالطيب ***** هذي حياةٍ كل ابوها تلزّي

والحرّ لاصكت عليه المغاليب ***** ملزوم عن دار المذلّه ينزّي

ــــــــــــــــــــــــــــــــــــــــ ــــــــــــــــ

هذا وتقبلو تحياتي...

سـايـر الليــفي الرمـاحـي

الاخ ساير الليفي

تسلم على الادراج وياحبذا لو ادرجت قصه نزوح الجربان
معها وتلم لنا اخي الليفي

اخوي ابو حلا..

سبب نزوح الجربان معروف..

وذلك انه امحلت ديار نجد،سبع سنين متتاليه ومات الحلال..

واضطر الجربان ومن معهم من شمر وكذلك ابن هذال وعنزة النزوح للعراق وسوريا...

ونزحت الجربان ومن معهم من شمر وكذلك عنزة بسبب المحل وقل المطر على نجد...

والدليل قصيدة لعبد الله بن ماجد من الهذال شيوخ عموم عنزة واللي يقول:

يا نجد يا جاك الحيا صايحي لنا ******** وشبي لنا براس المقودي نار

يا جد لا جاك الحيا وصي لنا ******** لا زان وقتك فارسلي عمّار

جلس قليل الفود من شان الغنم ******** وخلى بنات الهرش معنا بكار

وخوه خذا زوجة من اهل القرى ******** وشارت عليه وطاوع الاشوار

ومن طاوع العذرا على غير صايب ******** يصير كما اللي ضاع بالنهار

حلفت انا يا نجد ما ارخصك عندي ******** مير الدهر والوقت فينا جار

جرتي علي وانا معذّي جنابك ******** وبالسيف الاملح نهدّي الاشرار

سبع سنين مالمع فيك بارق ******** مات الحلال ويبست الاشجار

حاميك انا يانجد بالرمح والقا ******** في لابةٍ تسقي الخصيم امرار

حنا هل العادات اخوان بتلا ******** إلا جفتنا الدار نلقى دار

لا جارت الديرة علينا وامحلت ******** وشفنا لنا بدار العدو مخضار

نجي على وضح النقا نرهب العدا ******** ما كننا الا يمهم زوار

يانجد شفي فيك طير وعيره ******** وغمر الحطب لا حط فوق النار

اقفيت من عندك بنمرا ضرية ******** عسى ماها يغطي الجبال غبار

ادنا منازلنا بوادِ النعايم ******** واقصى منازلنا بغارٍ شار

وعمار هو اخو مسعود عبد بن هذال وكلنا عبيد لله
n

وكان شيخ الجربان وشمر ذاك الوقت هو مطلق الجربا ، كان حامي من العليم للعظيم،ومن تيماء لين القصيم ، والجبل كله وعندي بهذا قصيدة طويلة للي يطلبها مني ...

وتقبل تحياتي يابو حلا ..

اخوك : ساير الليفي الـرمـاحي




ــــــــ

الاخ ساير


سلمت يداك


وحفظك الله

ودمت لنا اخا وراويا


ولك مني جزيل الشكر

الأخ ساير الليفي

السلام عليكم

سلمت يمينك

وبيض الله وجهك

وحفظك الله من كل مكروه

والله وشهادة حق ماقصرت

اتحفتنا بهذه القصص ونريد المزيد

فلا تبخل علينا

راجيا ان تنسق وقتك بحيث نراك في اجتماعنا القادم واعتبره ضروري الا اذا هناك مايمنعك.

تحياتي

الاخ فلاح السعد:

تحيه طيبه

ومشكور على تفاعلك مع الموضوع..

ومشكور على اشادتك..

ولا تبخل علينا بمشاركاتك المميزه

وتقبل اجمل تحياتي..

ساير الرمـاحـي

الاخ العزيز

ساير الليفي

شكرا من الاعماق

فعلا انت راويه

نفخر بوجودك في هذا المنتدي

قصيدة بها حكم بليغة

والحرّ لاصكت عليه المغاليب ***** ملزوم عن دار المذلّه ينزّي

بيت ولا اروع منه


اخوكم الحربي

اخوي الحربي:

مشكووووووور من الاعماق على هالكلمات..

وفعلاَ كلمات ليست كالكلمات...

والحقيقة انت بعد تعجبني بمواضيعك...

لكنك بصراحة مقل..

ومشكور مرة ثانية

وتقبل تحياتي


اخوك:

ساير الرمـاحـي


.

الاخ ساير ..

شكرا لك على هالموضوع الحلو..

ولك مني كل الشكر

اخوك الوليد..

مساك عنبر اخوي ساير.......... والف شكر على ايراد هالقصيدة ..........

لكن لي توضيح بسيط وهو ان مسلط الجربا قال هالابيات ما عدا الابيات الي تقول :

اصبر وتصبر واجمع الصبر بالطيب******* هذي حياة(ن) كل ابوها تلزي

خوفي من اللي روسهم كالجعابيب ******* وسيفٍ على غير المفاصل يحزّي

والحرّ لاصكت عليه المغاليب ******** ملزوم عن دار المذلّه ينزّي



وهذي الابيات للشيخ مطل الجربا والد مسلط وكانت هذه القصيدة بعد




معركة الودعة وبعد ان طلب الجباة اخذ الابل من الشيخ مطلق الجربا .



وتقبلوا تحياتي.

اخوكم:

راكان العيادة