[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
من عقب ماهي للنشاما شكاله = عشيقها من بعد خشمة يــدله
جيته وشفته ليت ماشفت حاله = مليت من شوفه وأنا مـــأمله
شفته وهي تركن بعيد لاحاله = في طيه النسيان يطوى سجله
عزي لحاله يوم غيربداله = لو مجلسه مابين نار وملــــه
معشوقتي ماهي محاسن هلاله = معشوقتي ياطيب الفال دله
لي بالدلال الصفر أقوى زماله = ولي بالدلال البيض شوق وفله
نواف شف اللي ثقيل مشاله = وشفه قبل لا يعرف الناس عله
وسقها على اللي شوفته حي فاله = الشايب اللي ننحني تحت ظله
وكم بالقبائل من تجينا فعاله = وياما من اللي كل عسر يحله
وش حلها وش جابني في مجاله = احله الترمس لابالله دلــــــه [/poem]
تحيــــــــات أبو نواف
صح لسانك وصح عشقك ياابونواف
.
