من روائع الشاعر الكبير فيصل الطواله
لـــكـــم...
:
:
//
:
:
\\
:
:
من.../فيصــــ(الطوالـــــــة))ــــــل
[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="outset,medium,gray" type=1 line=0 align=center use=ex num="0,black"]
ماكـل "عكف الشوارب" طــيب مفتوله ="كل شارب له مقص اليا قصر.. طاله..!!
والنـاس للنـاس .."شياله" و "محموله" =ولا كل "حمل "...يبي يقواه شياله
بعض الحواجب"على الطولات" مفلوله =وعض الحواجب " على العثرات " نزاله..!!
والحــر اذا " ماارتفع " ..مايقبـل نزوله =والبوم لو يرتفع .. بالقاع منزاله
نفـس من الــوقت والأيــام..."معـلولــه" =ونفس عليله ..من الرجال وافعاله..!!
من يرتجي من"سحاب الصيف "هملوله =يموت"ضامي" قبل يذوق هماله
والرجـل لاصا "شيــخ" وابن حاموله =يضفي على الربع والمحتاج بجلاله..!!
لاصار "شفق" على الناموس والطوله =مفروض ماتنزل افعاله عن اقواله
و"المهبد" اللي .. يرد القـــوم في قـوله ="مسرد حكي" في مجالس ناسٍ حثاله ..!!
"حمامة الوجــــه" من يمنــاه.. مقتـــوله =ماللحيا فيه "دم" يشربه ..فاله..!
وعـــز الله ان "الحـميا" فيه ..مشلــوله =رخوٍ "نهار العزاوي" تقصر حباله..!
"الشيخـه الزايده" وابلـــــيس وطـــبوله =خلن "عمى القلب"يمشي شايفٍ حاله..!!
ليته عطى "صغر عقله" من "كبر زوله" =اوليت زوله نفع .."من لاذ بظلاله"..!!
خـــــبلٍ .. يدربي "ســلوم البدو" بنــعوله =يطيح قدره "تحت رجليه" ماشاله..!!
أبـواب "كل المـــراجل" عنــــــه مقفوله ="والنعم" كايد عليه .. ولا يتهيا له..!!
يـــا وسـع بيته ويــا عـرضه ويــا طوله =وياقل جود "العفين" وياكثر ماله ..!!
مــثله اذا مااستحـــى من هالبشـــر حوله =على الأقل يستح من "ميلة عقاله"..!!
ودام يتذرى "عن ضيوفه" اليـــــــا جوله =حلال "وسط المجالس" دفق فنجاله..!!
لكـن نصـــــيحه "لوجــه الله" قـولـوا لـه : =لو يلبس "ثياب إخته" يمكن اشواله..!![/poem]
دمتم
