صندوق خادم الحرمين ابو متعب ( دراسة واقعية )
السلام عليكم ورحمه الله وبركاته
اخواني صبحكم الله بالخير \ مساكم الله بالخير للي بيقرأها مع الصباح
هالصندوق طول الله عمر ابو متعب ابوه الملك عبدالعزيز الله يرحمه وخواله ال شريم شمر وساع الطعون كبار الصحون شمر الطنايا شمر السناعيس ونعم والله في آل سعود وفي شمر القبيله العريقه والنخوة والشهامه والطيب باينه في وجهه الله يطول عمره ويمده بالخير والشعب السعودي من مكرمه الى مكرمه وآخر مكارمه وليست الاخيرة ان شاء الله
هالصندوق اللي من 500 الف وتحت يقول حفظه الله في حله وترحاله سنتين ان زاد فلكم وان نقص فالحكومه تزيده وتعطيك حلالك
قلبه على الشعب ويقول ماهمه الهوامير همه ذوي الدخل المحدود الله يوسع له في رزقه وعسى دمه مايجيه الدكتور ابو متعب
يعني ياللي تبي تهابد وتلعب بحلال عيالك وتخرب بيت زوجتك وتبي تناقز من صاله في صاله ومن شاشه الى شاشه وقف يامسلم ولا يامسلمه لااحد يخرب بيته ويضيع حلال عياله بعضهم زود على الخساره جاته الامراض وجاب لعياله واهله المعاناة وخلاهم يسجلون في الجمعيه الخيريه وهم من اول مايصيفون الا في مانيب قايل ولا يسكنون الا مانيب قايل بالعربي هاي هاي فوق فوق ومابين عصريه وضحاها الا اخونا يقول ماحولكم 500 الى المعاش لاحول ولا قوة الا بالله
فمن هذا المنطلق ابو متعب قريت تفكيره تلقاه يقول هالمهبل اللي يناقزون مضاربات ليتها مضاربه شباب عند المدارس صفق ومصافق ذا مفلوق راسه وذا ضايعه غترته ليتها كذا
البلا مضاربات بفلوس يعني ماتلمسها بيديك مافي يدك الا ريموت مرة على العربية ومرة على الاخبارية وراسك مفتر تقول القهوجي نور منت مع العالم الامام يقول ولا الضالين وانت تقول الا بيشه عليها توصيه ضايع وطاير هاااااا
ابو متعب امد الله في عمره قال هذولا بحط لهم صندوق بحفظه له ولعياله واهله ان زاد زاد خير وبركه وان مازاد الحكومه تعوضك الناقص
يعني احفظ لااهلك شئ ينفعهم ياللي تضارب بالاموال وتفكر الاسهم بلاي ستيشن وآخر شئ يقول ليت وياليت
خادم الحرمين قلبه على شعبه همه حفظ المال واموال الشعب وكما قال قال دخلونا غصب الناس وفعلا دخل وعمل اللي عليه بالسوق والخير قادم بأذن الله
اخوكم
فالح الهاجري
