السلام عليكم ورحمه الله وبركاته
اخواني اخواتي الكرام
ماضوعنا طول الله عماركم هو عن هئية الامر بالمعروف والنهي عن المنكر
هالجهاز العظيم الله ياهم يستاهلون رواتبهم اضعاف مضاعفه ومايضيع شئ عند الله سبحانه
قال الله تعالى ( ان الله لايضيع اجر من احسن عملا )
الحين الشباب المغازلجيه والله يالربع ماهي مدح بس استحي اطالع الانثى بالسوق لانها ماهي حلال ومن شيمه العرب مايناظر بشئ ماهو ملكه خاصة لاصارت تمس محارم الناس
بصراحة امكن الانترنت خرب هالقاعدة صارت الناس من بيوتها ويتكلم مع كوندليزا رايز تقول الجدار بالجدار قريبه مرة
الانترنت قرب كل شئ لكن وش بعد النت ومن الواجب على الجميع لابنت ولا ولد يضعون جدران حمايه من الفايروسات الحية والعقارب السامه وخطوط حمراء لايتعداها الانسان هذا اذا يبي السلامه واذا مايبي المقبره ماترد ميت
والله عنوان الموضوع عن الهئية ومدري وين طمرنا على النت عموما الهئية جزاهم الله خير يتضايق منهم البعض طيب انت ياللي تتضايق
اختك بنت عمك قريبتك لاراحت للسوق وتعرضوها احد ماتبي احد يردهم ؟؟
طيب شئ ماترضاه لنفسك لاترضاه للغير
شفتو شلون حزب البعث من عقب العنطزه والفشخره والسلطه ماهي سلطه الاكل لا سلطه القيادة وينهم الحين
الله يمنعنا من ماجرالهم
فالدنيا مالها امان وكما تدين تدان والهئية ودنا تصير وزارة وان شاء الله تصير وزارة وتتطور شوي
لان بعضهم سياسه عرعر طخه ولا اكسر مخه
قال الله تعالى وادعو الى سبيل ربك بالحكمه والموعظة الحسنة
ومجتمعنا مجتمع خير واهله ناس فيهم خير ولا ننسى بعضهم من بنات الذين آمنو شاطرة بفتن الناس
وليه طيب هذا اذا ماكان اهلها معها وعيني عينك تقزك بعين الى انت منصرع استغفر الله
ليه تفتنين الناس الستر زين واعتقد ان هاللي يسوي هالاشياء ماترضاها لااختها الصغيرة او بنتها هذا اذا تزوجت
ولاننسى ان مجتمعنا فيه الخير ومحافظ وملتزم بالاسلام قبل العادات والتقاليد الا ان فيه بشرية مدري كيف تسمح لمحارمها تفتن الناس وتضرهم ولاينطق بكلمه ولا يقول برم لبيته ليه طيب ؟؟
فمن باب امسكو عنزكم تيسنا مايجيكم
عزكم الله فعلا هناك بنات وشباب كالتيس والعنز تفكيرهم يضيع وتقول مولودين بنيوجرسي ولا لندن ونسو انهم في ارض الاسلام والعادات والتقاليد
وامكن لاشافتك عفيف ماتناظر لها استحت وقال انا على غلط
ونفس الشئ امكن لاشفتها عفيفه استحيت وقلت انك على غلط
ولكم مني جزيل الشكر والاحترام
