حكي لفاني

حكيٍ لفاني

بديت باللي جــاب مـــزنٍ وهــــــــمّال
رب كريــــمٍ ترتجـــــــــيه العــــــباد(ي)

ربِ كريمٍ محصيٍ كل الاجــــــــــــــيال
بديت باســــــــــمه قـــــــبل كل بادي

ومن بعد ذكره جبت انا زين الامــــــثال
مثـــــــــــــايلٍ بيض ولا به ســــــواد(ي)

وحكيٍ لفاني ضيَّق الصــــــــدر والبال
ومعاني جتني على غـــير جـــــــادي

وكثر عليَّ القيــل والقـــول والقــــــــال
واشوف ناس ناحرينه عـــــــــــماد(ي)

(وعامد)يسوق البيض من نايف الجال
ويــبـي يهلفيهن على غير جــــــاد(ي)

يالقرم تره ما صــارت بماضي الاجيال
تسوقهن ســـــــوق الجلب بالبلاد(ي)

جنب طريق البيض زينات الاشكال
بناتــــنا ومعربات الاجــــــــــداد(ي)

جنب طريق البيض يا قرم الاعــــيال
وان عدتهن ترك متــّيــــــه وغـــــادي

ولو ســـــــــقتهن ترهن يردّن بالاقبال
وما دمت حيٍّ مـــــــــا يكــتـــّن بوادي

ولا تنهج البل وراعيه زاد خيّـــــــال
وان جنبه قالوا هـــــــــــــــبودٍ ربادي

واللي برك يصير للحمل شيّــــــــــــــال
والزمل يشـــــــــيل الحمول الضهاد(ي)

والحر دايم لابرق الريش شــــــــــلاّل
وكفه عطيب ومضــــــــــربه بالثنادي

وواديك هزه بالعواصيف زلـــــــــــزل
واصبح هدام واصـبحت للعمر فادي

صبَّح خرابه وانت صبَّحت مهتـــال
وقام يتدالنُّه صواقع رعـــــــــــــاد(ي)

واصبحت عن دربك متــَّيه وسعّال
والناس ما جدوك لو كنت غــــــــادي

واسنــّعك كانك عن الدرب ميـّـــــال
واقضبك بيض الدروب الجـــــــــوادي

وهذي مِهِ لك وانت فاهم ورجــــــال
تصلح لمن حكيه على غير جـــــــادي

وابي انصحك يالقرم يا طيـّب الفــــــال
هوّن وجنـّب عن طـــــــريق العناد(ي)

قيلي كما طعسٍ ليا هيل ينــــــــــــــــهال
وليا بغيت القيل بالصــــــــــــدر زاد(ي)

ولا كما حوران يزمي الى الجـــــــــــــال
ليا جاك يَدْوِي من فروع الحـــــــــماد(ي)

وقلته وانا من لابةٍ يوم الاقتــــــــــــــــــــــال
بالكون يشــــــــــــدون الزمول الهدادي

ربعي هل (الجدعا) لهم ماضي الافعال
وعاداتهم بالكون صطم المـــــــــــعادي

وعاداتهم ذبح الشـــــــــفيـّة ليا عـــــــال
وعاداتهم ضــــــد الرجــــــال النوادي

ولهم على روس المشــــــاريف منزال
وضـد العديم اللي يريدالعنـــــــــاد(ي)

وخوالي اللي من قديمات الاجيــــــال
عز الخوي والضيف شيٍ وكاد(ي)

ورجالهم يوم المهمات رجـــــــــــال
ولا دوّروا عند القصير الفساد(ي)

وانا ابن منـّاع كان انت ســــــــــــعّال
واعاند اللي يطلبون القصــــــــاد(ي)

الزين نبدي له على زين الامثـــــــــال
والشــــــــــــــــــــين نثني له لياكان بادي

والعذر يالاجــــــــــواد يا كان انا زال
ويا كان ما حكيي صحيحٍ وكاد(ي)

وصلاة ربي عد ما واديٍ ســــــــال
على الرســـــــول اللي للاسلام هادي


....هليل فهد البقعاوي....

صح لسانك اخي هليل , قصيده تمتليء بالفايده والنصيحه لمن يهذي ويتعدى الحدود والادب , اجمل المنى ... !!!

صح السا نك ونعم بهل الجدعا
يا ابن منا ع

اللهم صلي على محمد وصح الله لسانك ياهليل ولا هنت