قصيدة في خادم الحرمين الملك عبدلله
بسم الله
مسائكم ورد وسحاب
لدي الكثير والكثير من القصائد
التي أقدمها لكم
ولكن ....
سوف أختار لكم آخر هذه القصائد
والتي كتبتها قبل ساعات
ولأنها كُتبت في ملكنا الغالي
وأبانا الحبيب
حبيت أن استعجل في وضعها
أمام أعينكم
عسى أن تكون في مقام صاحبها
وتحوز على رضاء ذائقتكم الراقيه
إليكم
(( تااااااج العرب ))
خادم الحرمين الشريفين
(الملك عبدالله بن عبدالعزيز آل سعود)
حفظه الله لنا وللإسلام
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يابو متعب ياسحاب الخير يايسر العسير=ياسحاب طول الأيام يعطي ما نضب
ياملكنا وأنت للأرض وأهل الأرض خير=ياذرانا و ياغلانا ويا تاج العرب
نشهد إنك ياحبيب الشعب مقطوع النظير=خيرك أقرب من سحاب الوسم وأرموش الهدب
أنت خيرك ..مثل حبك .. مثل قدرك كبير=انت سيفين علي الظلم من بينه رطب
أنت يا أبو اليتامى وياريف الفقير=وأنت ياظل المقلين عن حر ولهب
انت عز وتملك العز من يومك أمير=وأنت تاج فوق راس الشعب من هلت رجب
ياملكنا خادم البيتين يا جبر الكسير=ياجزيل المد والجود حلال النشب
مدك اللي يشبه البحر يالبحر الغزير=وعفوك اللي يرحم الحال ويزيل التعب
نصرك لدين الرساله وسحبك للسفير=والمساكن والرواتب وترفيع الرتب
العسير يصير لاجيت مطروق ويسير=تحني الأغصان للشعب ويطول العنب
منجزاتك لو تعدد على المحصي كثير=بأول أعوام الزعامه وتتويج اللقب
جعل تبقى ياملكنا على طول المسير=خطوتك في صفحة المجد خطوه من ذهب[/poem]
وسلامتكم
وأعذروني عن أي خطأ او تقصير
الشاعر/ فالح الناهي
