هذة سنة الله تعالى وهذة الحياة
هناك من يرى النور فيها ويقدم عليها مولودً جديد يفرح به أهله وأقاربه
وهناك من يفارقها ويحزن عليه أهله ويبكونه.
قد تكون الدموع وسيله لدينا لتخفيف عن أنفسنا
ولاكن أبى الشعر إلا أن يشارك دموعي في التخفيف عن مصابي
هذة القصيدة مرثية في والدي رحمه الله وأسكنه فسيح جناته
[poem=font="Arabic Transparent,5,black,normal,normal" bkcolor="white" bkimage="" border="inset,medium,darkred" type=2 line=0 align=center use=ex num="0,black"]
الله مـن هـم بصـدري مخفـيـه=عند الخفوق ومسكنه بين الأضـلاع
لادالـه عنـه ولانــي بناسـيـه=وليا سليت أشـوي القلـب ماطـاع
من سبتـه عينـي نومـه مجافيـه=تسهر طوال الليل والنـاس هجـاع
بسباب فرقى آللي ليا حـل طاريـه=أوجست في نفسي من الحزن نـزاع
فوق النعش شلـوه والنـاس تتليـه=لحفرة طولـه مـع البوعيـن بـاع
وحطوه في قبرٍعن العيـن يخفيـه=وقفوا وانا مطعون من حر الأوجاع
يالله عسى وبل من المـزن يسقيـه=ويمطر على قبرٍ حوى ذيك الأضلاع
وعن مظلمات القبر والنار تحميـه=وتأمنه في يـوم هـولات الأفـزاع
وتسكنه في جنـات عـدن وتسقيـه=خمر ولبن صافي مع كـل الأنـواع
وفيما أشتهت نفسه يقطـف ويجنيـه=بفردوسك العالي مـن غيـر منـاع
وفـي جنتـك يالله طالبـك نلقيـه=مع الرسول الهاشمي خيـر شفـاع
يالله يامنجـي منهـو لجـى فـيـه=أقبل دعى عبـد ذليـلاً ومنصـاع[/poem]
سديد الراي
