امحلت الجزيرة سنة1990
وانوت البل تريد مرابعها التي كانت في سوريا،
هذه القصيدة تعطي شيء من صورة اهلها آنذاك
بديت باسم اللي علم خافي الغيب
الواحـــــــد اللي محصي الناس كله
قال الاديب ورتب القــــــــيل ترتيب
بيوت كبـــــــــــــار ليا بدا بــه يدلـّه
لا والله إلا بين براســي الشـيب
وكثر التصـــــبّر جاب للقلب علـّه
والوم قمت انطنب كما يعوي الذيب
وقلبي اللي صــــــــار به تقل ملـّه
وقلــبي اللي يجذبنـّــــه جواذيب
مثل الرشـا يوم الســواني تتلـّه
وقلبي دلنـّه حامــيات المشاهيب
ولا صيد قلبي مفختٍ شوف خلـّه
ماني على بيض العذارى الرعابيب
ونعس العيون المظلـــمات المظلـّه
غديت أروقب عاليات المراقيب
وروس الرجوم النايفات المطلـّه
خلاوي واشرف بروس العراقيب
والقلب صيده مفختٍ لابةٍ لـَه
ربعي هل الجدعا هل الفعل والطيب
واليوم قلبي شــــــــــوفهم منوةٍ لـَه
عدوهم ســقوه مر المشـاريب
واعطوه من مــــــرٍ ومـرارٍ وعلـّه
والبل تلوج وصـايرن له جناديب
واليوم انا بعيـني أزوالـَه مخلـّه
من يوم صـاير شفها اليوم تغريب
حرمت عليهـــــا ما تجي ديرةٍ له
واليوم تروا البل سـروحَه عذاريب
وتروا الحضيض ألي مُــهُ راعيٍ له
من عقب ما له النشــاما مقاصيب
هذاك يومٍ وقتــها صـــــــــــافيٍ له
والوقت الاقـشر مودعٍ جنيَتَه عيب
من عقب ما فرّيســـــــها فدوةٍ له
ودنيـا دنيـه مشـيها بالتقاليب
تروا البشـر وقته مـُـــهُ دايـمٍ له
ولا بد ما تسقيه مر المشــاريب
ولا بد ما سمر الليالي تشــــلـّه
شلـّة هل الطولات كسابة الطيب
والمرجلة راحت وراحــــــوا هلٍ له
وادخل على الله ما نسب الاعاريب
والناس كلٍ فعــــلها جـايـــــــــــزٍ له
يا قلت انا اجدي كلامي عن العيب
والنـاس كـلٍ لـه مذهب ومـــــــــلـّه
وحكيي صـحيح ولا به عذاريب
وموضّـح قيـلي للي فاهـمٍ له
وان كان ما هوحكينا صدق ومصيب
بَغْـنٍ أَتعذّركـان بالقــــــــــــول زلـّه
وصلاة ربـي عد خـط المكاتيب
وعداد ما نوٍ بلت من المزن هلـّه
على نبيٍّ رتب الديـــن ترتيب
محمد اللي حافــظ الدين كلـّه
.
.
