خيّال البغي أخو سوسن !!!

:good1:

ما ادري أنا فشلت اكتب بهذا المضيف وإلا عندي مشكلة ثانية :g:

المهم أني أحاول لعلي أنجح في هذه أو في اللاحقات >>>>> واثق من نفسه!!!

سوف أقص عليكم من قصص " تريترا " الجميلة وأتمنى أن تعجبكم :

يروي لنا الراوي أنه ومنذو مبطي وفي زمنٍ مضى وولى غزت العرب الفلانية على العرب الفلانية
ولا من أحد يردهم حيث أن العرب اللي غزوَه ما بها إلا الحريم ، كانوا في حالة غزوٍ مماثل وبعد أن عزلوا الغزاة البشر عن الحلال قاموا
الغزاة الأشاوس بأخذ الحلال والعودة الى ديارهم ، وأثناء ذلك عاد أحد الصناديد من أهل العرب المنكوبين ليسمع نواح وبكاء النساء :106r: فأسرع ليعرف " وش بلاهن " وبعد أن عرف فأذا به ينتخي " أنا أخو فلانه " وين
وجهت الغزاة فأشارن له بأحد الأتجاهات ، وأذا به يمتطي جواده وبيده سيفه البتار ليلحق بركب الغزاة الذي يتجاوز عددهم الخمسين ، وعندما لحق بهم أنقض عليهم كالأسد فضرب عنق هذا وبعج بطن ذاك وفي فنرةٍ وجيزة سيطر على الوضع حتى قضى عليهم وأستعاد حلال عربانه المنكوبين .:(

السالفه مو هذي أيها الربع والربعات :
السالفة هل تعقل تلك القصص ويمكن لنا أن نتقبلها يعني يومن كنا متجمعين عسى الله لا يفرقنا
بالمخيم الفايت وجانا خيال على البغي وبيده سيفه وحنا حروت الخمسين تهقون ياخذ سياراتنا واللي بمخابينا ، وتهقون أنه يقدر علينا مثل ما نسمع من هالقصص اللي نسمعها ؟؟؟

يا جماعة ما أدري هل يعقل ما نسمع أو هو مبالغ فيه :232r:

تحياتي

يبيلك كويسة شيح ومخمخه يابوقاسم



لي نكسه وليا نكست على طول افتح على العربيه تلقى خبر عاجل ثاير بركان بفنزويلا:)
عاد هكالساعه على طول طف التلفزيون وتغط ونم:)








BRB

هالحين حتى الكوايته يعرفون

تريترا


يامشالله


المهم مثل ماقال عشير ي ابو نطول لي مخمخه ونكسه

يخسى ما يقربهن وانا خيال النمله

الخضراء

بعدين منهو خيال البغى هذا

اقتباس:

---

المشاركة الأصلية كتبت بواسطة المطنوخ

يبيلك كويسة شيح ومخمخه يابوقاسم



لي نكسه وليا نكست على طول افتح على العربيه تلقى خبر عاجل ثاير بركان بفنزويلا:)
عاد هكالساعه على طول طف التلفزيون وتغط ونم:)








BRB

---

طنخان

والله ادري اني مقصر معاكم في هالمضيف

وكل ما دخلته ابي اكتب ما احس الا اني مسيس الماضوع

عاد قعدت لي اسبوع وانا احضر لهاذ الماضوع

واضني فشلت كا الماضوع اللي كتبته من هاك الشهر

تهقى انام احسن :p:

اقتباس:

---

المشاركة الأصلية كتبت بواسطة ابو خليف

هالحين حتى الكوايته يعرفون

تريترا


يامشالله


المهم مثل ماقال عشير ي ابو نطول لي مخمخه ونكسه

---

ابو خليف

تريترا من التراث المصري وإلا لا

ترانا نعرف اللي ما يعرفه غيرنا بس نخاف من الحسد :p:

مخمخ على كيفك ونكستك راح تفرحن بزود يالغالي

اقتباس:

---

المشاركة الأصلية كتبت بواسطة ابو خليف

يخسى ما يقربهن وانا خيال النمله

الخضراء

بعدين منهو خيال البغى هذا

---

خيال البغي قرابة خيال الدباب

محمد الشمري
والله ما أدري هو بعض سوالفهم ما تدخل الراس و اجدادي متوفين الله يرحمهم ولا معهم جوالات والا كان سألتهم لك:smooch:


بس يمكن لا نهم كانوا على حصانات ويقولون كفانا شر ما يقولون ان الحصان يعرف صوت الشجاع فيمكن ان الحصانات هن اللي يهجن ولا الفرسان ماودهم هماهم يقولون يسدون اذون الخيل بالحروب علشان ما يهربن اذا سمعن صوت الشجاع (ايه جمع حصان خيل توي القاه) ؟؟


وعموما انت فعلا جبتها على الجرح دايم افكر فيها و كيف حروبهم عموما هو زي المسلسلات؟؟

طيب واذا فريق الف وفريق ثلاث الاف؟؟ كل ثلاث يتجمعون على واحد ويذبحونه او ثنين منهم بس واحد يحارب وااحد ينجخه من ورا :) ا؟! اما انه يتعافرون ويتبارزون عشر دقايق همن يذبح حديهم خصمه هم يدخل به السيف همن يطلعه همن يقوم يتلفت بعديييييييين ينطق له واحد من الجيش طيب وين هاللي توه ينطق مشوين قبل خويه لا يموت!!! اوجعت روسكم صح؟؟ وبتقولون هذي هي الشجاعه الصدقيه:)


لا واللي يقهر عمايمهم مايطحن متسردن ثوبه وعمامته على راسه ماتزحزحت الله واعلم يلصقونهن ببتكس او يسمرونهن بمسامير:)


الله حيوه بالفله :hala1:

يوم قريت ردي اثريني مارديت يم السالفه الاصليه

أما انكم تنوخذ سياراتكم ومابمخابيكم وانتم ساكتين !!

حلوكم وجيه وانتم هاجين معرتين يم جهة حايل وخيال البغي سافكم على سيكل ابو ثلاث كفراب ويلحس عسكريم الحويدا اخذه من حدا ثلاجاتكم بس متأكده ان ساعتها ان شمغكم رح تطيح وتطلع انواع الصلعات ورح تركضون رافعين ثيابكم وسيقانكم عيدان الشخاط انواع الشهاب وانواع الدزدحات :)
ابو خليف يقول للمطنوخ انت انكس وش تبي معنا تر اهلك ورانا__ وهو يبوه المطنوخ وهو ياقف وهو ياصله خيال البغي
قاله وشنوحك واقف ليه ماتهج مع اخوياك؟؟
قال المطنوخ اول شي اهلي وراك ويين اهرب مع هالنفد حدي السمك انا وبعدين ابسألك اذا تبي توقيع ولا محتاج احد يدفك علشان تاصلهم بسااع
قال له الخيال لا بس رح جب لي عسكريم ثاني لان هذا يبي يخلص :)


تخيلوا اشكالكم وانتم هاجين :surprised







منهو السبيق :p:

الله يحييك مرتن ثانيه يابو شمر:7ayyoh:

اقتباس:

---

المشاركة الأصلية كتبت بواسطة &آخر العنقود&

محمد الشمري
والله ما أدري هو بعض سوالفهم ما تدخل الراس و اجدادي متوفين الله يرحمهم ولا معهم جوالات والا كان سألتهم لك:smooch:


بس يمكن لا نهم كانوا على حصانات ويقولون كفانا شر ما يقولون ان الحصان يعرف صوت الشجاع فيمكن ان الحصانات هن اللي يهجن ولا الفرسان ماودهم هماهم يقولون يسدون اذون الخيل بالحروب علشان ما يهربن اذا سمعن صوت الشجاع (ايه جمع حصان خيل توي القاه) ؟؟


وعموما انت فعلا جبتها على الجرح دايم افكر فيها و كيف حروبهم عموما هو زي المسلسلات؟؟

طيب واذا فريق الف وفريق ثلاث الاف؟؟ كل ثلاث يتجمعون على واحد ويذبحونه او ثنين منهم بس واحد يحارب وااحد ينجخه من ورا :) ا؟! اما انه يتعافرون ويتبارزون عشر دقايق همن يذبح حديهم خصمه هم يدخل به السيف همن يطلعه همن يقوم يتلفت بعديييييييين ينطق له واحد من الجيش طيب وين هاللي توه ينطق مشوين قبل خويه لا يموت!!! اوجعت روسكم صح؟؟ وبتقولون هذي هي الشجاعه الصدقيه:)


لا واللي يقهر عمايمهم مايطحن متسردن ثوبه وعمامته على راسه ماتزحزحت الله واعلم يلصقونهن ببتكس او يسمرونهن بمسامير:)


الله حيوه بالفله :hala1:

---

تحيا يالغالي

لو ما معهم شين راح يتعب من قطع الرؤوس ويطرحونه مسك يد :p:

لاهنت آخر العنقود