إلى كل بنت ناشبة في حلق اهلها /// تبين تتزوجيـن الي تبيــن //تعالي تعلمي السحـر
--------------------------------------------------------------------------------
--------------------------------------------------------------------------------
السلام عليكمـــ
كيف حالكمـــ
شخباركمــــ
اموركم زينــه
صراحة يطول الحديث عن العوانس ... ويكثر الحلم بفتى الاحلامـ ....
والصحيح يا جماعـه ... الاسبوع الي فات كنت بالريـاض
ورحت للمسجد الي بحي احد اصدقائي هنـاك ...
وكنـا نمشـي سيرا على الاقدام ... وبعد خروجنا من المسجد لصلاة الجمعـه
مرينــا على احد المنـازل ..وكان ذالك المنزل بالطريقـ ...
وفيه ولد توه شباب تقريبا عمره 17 سنــهـ جالس عند عتبـة البابـ ..لابس نظاراتـ شمسيــة... جاهـ صديقي وسلمـ عليهـ
قلطنـا الولــد ..قلنــا .. الله يغنيكـ مشغوليــن ...
وكان هذا الولــد من جـــد وسيمـ جــدا.. ماشاء الله عليــه
قلتــ لصديقـي ليه هو جالس على البابــ !!!؟؟ ماصلى الجمعهـ ؟؟
قال يا ابن الحلالـ هذا ولــد مزهد(( رافع ضغط)) ابوهـ مجننـ،ـة..قلتـ ليه!!!
قال يفحط واجد بالحارة ومشغل الناس .....
قلت يسحب منه السيارهـ .. وخلاص يفتكـ
قال المشكلة ان خواته اربع او قال خمس مدرساتــ... واشترن له سياره على شان يوصلهـن لمدارسهــن ...
والحين هن بلشانات به ..وابوه بلشان بهـ ...والمدرسات مابعد اعرســن.. ويمكن لهن اكثر من ثلاث سنوات مدرساتــ .. حتى ان ابوه يجي ابوي ويشرح له السالفه .. ودائم يردد عليه ذا السالفه.... تسنه حاط عينه عليّ ... وانا مالي فيهمـ ... اخاف بكرة يجي عليّ ولد مثل خالهـ ذا... وبعدين ... كذا كذا..... الخ
قلت ماعلمتني ان خواته مدرسات قبل ......يومنا مقبلين عليهـ .. على شان يوم قال اقلطو اني قلت تمـ وحسنت العلاقات معهمـ ..
....
المهمـ قلنا الله يصلحهـ .. وانت انصحهـ.. قال عجزت بهـ ....
السالفه انتهتــ ...
نرجع لطاري المدرساتــ ... فصراحة وظيفة وراتبـ ... وماشاء الله استقرار حياتي../// مايسوى بدون زوج ... ولاله طعم ولا شي بدون ابنـاء. وبنات
8
8
طبعا هذه المقدمـة حزنتكمـ .... بس اليكمـ النصائح الذهبيـة السحريـة.. لاكتساب الزوج المثالـي .. الي تبينه انتي.. n)
إلى كل بنت ناشبة في حلق اهلها
وماتزوجت مع انهم حاطين معها اختها مجــاناْ
* كيف تصطادين المعرس ..... هنا تجدين طريقة السحر بالاسلوبــ
للإجابة على هذا السؤال إليكِ مايلي :-
* أهم نقطة شوفي على العجوز اللي حاطه
عينك على ولدها ثم نفذي ما يلي :-1) خليك مع امك لاتروحين مع البنات
وتتهيبلين اصبري عنهن كم شهر
لين تتم العمليه .
2) امشي وانتى حاطة راسك بين كتوفك
لاترفعينه ابد حتى لو يصير كله تسفطات...مثل رقبة ياسر عرفاتـ. :d: .( خلي
الفكس دايم في متناول اليد )
علشان يقولون مؤدبه وماهي متكبرة.
3) كلمة لبيه ياخالة اويا يمه خليها على لسانك وخاصة
لأم المعرس علشان تحس بنوع من التميز عن بقية
العجايز ولامانع تنادين عجوز ثانية بيالبيه يا خالة او يايمهـ
علشان اذا مانجحت الخطة مع العجوز نمبر ون
تنجح على الثانيه <<< الاحتياط واجب يابنيتي :)
4) اذا بدت امك تتكلم انغزيها بكوعك
علشان تدخلك بالموضوع حتى لو مالك داعي تطبيقاْ
للمثل ( كثر الطق يكسر الحديد ) ادري المثل ماله داعي بس مالقيت غيره .
5) اخوانك الصغار
لاحقيهم وطامري
معاهم وين مايروحون حتى لو ماهي عادتك بس تصرفي
معهم كانك امهم عشان العجوز تاخذ فكرة انك حريصة على ذريتك
( جعلهم عقبك )
6) كل ما اكلت امك من اكلة زينة خليها تقول :
نفس الأكلة اللي تسويها بنتي
( حتى لو الاكل من المطعم الصيني أو المكسيكي!!! ). :tongue:
7) اذا جيتي بتمدين ايدك جعلها للكسر <<< خربهــا
توجعي وخلي امك تقول : قايله لك وانا امك لاتنظفين
جدران الفلة الخارجية بس انتي
الله يهديك ذابحتك
النظافه <<< جعلي ما ابكيك
اجل بتنظفين جدران الفلة نظفي غرفتك أول . او الاصح اسميهـا ارشيف جريدة الاهرام اللي تقولين
ثايرة فيها قنبلة ذرية :puzzled:
8) اذا تكلموا الحريم عن العرس اكتمي نفسك لين تحمر :luvlove:
خدودك
عشان يقولون البنت تستحي
ومالنا حق تكلمنا عندها << بس لاتكتمي نفسك واجد أخاف تروحين فيها واصير قتلت نفس بغير حق ؟؟! واصوم على شان خشمك الي تقول خشم خفاش محنط شهرين كامليـن :chinese:
9) مهما كان موضوع الحوار او الحاشي حماسي لاتبدين رأيك خليك مثل الطرمان
لان اللقافه تجيب اجل الخطه
10) شعرك افرديه لاتخلينه طاير وشوشه
مهما كانت الموضه لان العجايز ما يدورون إلا اللي
شعورهم ناعمه والا اللي شوشهن
طايرة محد يلتفت لهن (مع احترامي للي لهن شوش طايره )
11) إذا أدلت العجوز (أم المتوهق) بأي راي سواء سياسي ولا وطني
ولا اقتصادي وافقي عليه حتى لو انه ماسخ وماله داعي
مثلاْ تقول العجوز: أمس بوش متقهوي
عندنا يا فلانه قولي لها
وليه ماعلمتينا ياخالة نجي نعاونكم؟؟
12) في العروس لا ترقصين
واعتبري الرقص عيب وشق جيب
اقضبي ارضك وانثبري.
13) اذا جا طاري السوق وهو طبعا
لازم يجي الطاري لانه ملح الجلسه
عند الحريم خلي امك
تقول ( الله يعظم اجر اميمتك) بناتي
مايطلعون للسوق ابوهم يجيب اغراضهن .
))))))))) احتمــــــــــال وارد الحــــــــــدوث (((((((((
يمكن تكون العجوز طارحة عينها على بنت
غيرك لكن بعد النقاط السابق ذكرها بتصرف نظر
عنك وعنها <<<< امزح لاتصدقين
ماعليناااااااااا المهم اللحين العجوز بتكون وقعت بالفخ
* نروووووووووح للمعرس
اهجدي في بيت اهلك ولاعاد تطلعين
واذا جا المعرس بيشوفك خلي
ابوك يقول والله ودي
تشوف البنت بدون ماتدري علشان تاخذ
راحتك وانا عمك وبعدين تشوفها على
الطبيعه علشان ماتقول غشيتوني <=< تقول بسكوت ايو ميزان .. منتهي تاريخهـ
<< إيه هين يالشايب والله لو بيدك لتحط مكانها
باسكال مشعلاني ولا عتاب (( الله يرحم الفـن)) ولا غيرها وغيرها
* وقبل يجي اليوم اللي بيشوفك فيه
بحوالي اسبوع او اكثر ( على حسب شين وجهك )
اركضي من صالون
لصالون (صبغه، فرد، تنظيف بشرة ....الخ) لاتخلين على روحك
قاصر ولما يجي المعرس خلي اخوك ياقف جنبه عند الشباك
عشان ما يطوّل بالبحلقة ويبان المستخبي وذلك تطبيق لنظرية اللمحه ذبحه.
* بعدها عاد كيف بيشوفك هذي عليك
ماهوب كل شي بعلمك اياه
دبري عمرك بس خلي ابوك
بنهاية المشهد يقول : العذر والسموحه
وانا عمك
<< العود ضمن الولد يوم يقوله وانا عمك
ترا البنت حوسه (مع انك طاقه كل زينك ) بس
بهاللحظه الولد بينط على راس ابوك و
يبوسه لين يشفط مخه وبيقول متى العرس ياعم
( اللهم ارحمه فقد كان باراْ بوالديه )
عاد الله يوفقك ولا تنسيني من
حلاوة العرس واياك تعلمين الولد من معلمك
هالعلوم ولا حتى باسمي اتفقنا
(((((((( تحذيــــــــــــــــر ))))))))
ابتعدي عن امهات العيال اللي متعلمات
راعيات الشنطة مثل لون الجزمة
لان هذولي يبيلهم خطط بعيدة المدى
(((((((( نصيحــــــــــــه )))))))))
رفيقاتك بيلاحظون التغيرات المفاجئه
اللي صارتلك فانتي قولي لهم انك
خلاص انسانه عرفتي درب السنع والعداله
منك العيال ومنه المال
وتخلفون صبيان وبنات
هذا وانا خارج المسئــوليـــة.. واتمنى لكمـ التوفيقـ
