][®][^][®][ ياوجد حالي وجود اللي يتل أمه ][®][^][®][
[poem=font="Simplified Arabic,4,chocolate,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياوجد حالي وجود اللي يتل أمه =
ويقول لاتتركين وليدك الغالي
مايدري أن الليالي جات بمطمه=
وأمه توفت ولا والي ولا تالي
مات من الجوع وهو فاتح(ن) فمه =
جور ومجاعه وطاعون وسلالي
الله على الساعه اللي فورت دمه =
والله على الصورة اللي ضيقت بالي
من شافها بيتذكر حال هالأمه=
بيقول ياوجد وجدي ويابري حالي
أحد ياخذله شهر والخبز ماشمه=
وأحد طعامه يجيه ألوان وأشكالي
أفريقيا جوعها كم مسلمً سمه =
وحنا نبذر هذا فال وهذا عقالي
نسعى ورى المال ونجمعه ونلمه=
حلال حرام ماندري ولا نبالي
نشري كاسيت نانسي والمطرب نضمه=
ندعمهم ومن ورانا جمعوا المالي
والعاهره اللي الخليج وشعبه تذمه=
حنا وراها نجر الصوت ونلالي
نرسل sms واللي يقصر نتمه =
على قناةً هدفها دمر الأجيالي
ياناس ياناس لا غيره ولا ذمه =
يامسلمين بالاسماء مابه أفعالي
وشلون من ينحرف نمدحه مانذمه=
وشلون مانفرق بين الواطي والعالي
لاصار لا وازعً ديني ولا همه=
لاتأمنون العذاب وقدرة الوالي
تصدقوا وأنفقوا والعيش في القمه =
ماهوب دايم إذا وقت النعم زالي
يالله أنا طالبك ياكاشف الغمه=
تحيي قلوب العباد وتصلح الحالي[/poem]
تحيي قلوب العباد وتصلح الحالي
تحيي قلوب العباد وتصلح الحالي
هذا ماوصلني قبل قليل على الجوال
كتبته .. لينتشر و ينشر ..
وطحياتي .....
