-
صاهود بن طواله
صباح الخير .........
هذه قصيدة قالها صاهود بن زياد بن طواله من الأسلم من شمر ..............
وسبب هالقصيدة ان صاهود نزل غار......... عن ام رضمة جنوب .........
ولما اصبح بالغار ...... تذكر ربعه وجماعته الذين دائماً بجانبه وبجانب كل شمري
وهم آل طوالة شيوخ شمر من الاسلم ..........
فقال هالقصيدة:
ياصاح ظل الغار شبيت به نار*** وقلطت محماس على شف بالي
ابا انشدك ياغار ياغار ياغار*** عن اللي قعد بك من قديم وتالي
ياما حضرت من القبايل والادوار*** وياما مضى لك من عداد الليالي
وياما حكوا في فيتك فصل الاشوار*** وخيل تربط من جديد الحبالي
باطراف جالك مطبخ القدر وكتار*** وصحون تقلط به سمان جلالي
وشربو بظلك دلة البن وبهار*** الي قديم يتعبون الدلالي
برغش وسالم والمشاكيل وذعار*** حصن الرجال اللي تحصر الجمالي
وكردي وفارس وضاري وافي الاشبار*** عي على العيان قولة يقالي
من شافهم يبحل بهم كل مختار*** زحزيح عن حزيح ماضي الفعالي
من جا مجالسهم رغب يدله الجار *** وتقصر يدين ما تنوشه نوالي
وليا خبط وسط العرب علم الانذار*** بنو بيوت كنهن الجبالي
عقيلهم قامت تراود بالاشوار *** وجهيلهم ما خبطوا بالهبالي
عيال مناعير على قب ومهار*** مثل السحاب الى تردم خيالي
طوال الخطا قطاعة البيد وديار*** شيوخ الشيوخ اللي تهاب الرجالي
وراحوا بدور تقل ياناس ماصار*** اللي من العدوان جابوا حلالي
ودور الرشيد اللي بعد كارهم كار*** منزال فيه زال الظلالي
مثل حلام الليل بالحكي واذكار*** ور قضب طاروق دور الهلالي
سبحان رب دبره والي الاقدار *** الواحد العالي على كل عالي
يامزاوم الدنيا على كل ماصار*** ما راح بالاول يجي بالتالي
اخوكم:
راكان العيادة
-
ياساح ظل الغار شبيت به نار*** وقلطت محماس على شف بالي
--------
عيال مناعير على قب ومهار*** مثل السحاب الى تردم خيالي
-------------------------------------------------------------------------------------
تسلم اخي راكان ... لإيرادك هذه القصيده والرائعه والخالده في الاذهان
تحياتي
-
شكرا لك على طرح مثل هذه القصه والقصيده
رحم الله الشاعر صاهود
ولااحد يلومه على هذا الوجد والهيام على جماعته
ارنا بالمزيد من هذه القصص والقصائد
تقبل تحيات اخوك الصغير
-
باطراف جالك مطبخ القدر وكتار*** وصحون تقلط به سمان جلالي
وشربو بظلك دلة البن وبهار*** الي قديم يتعبون الدلالي
برغش وسالم والمشاكيل وذعــار*** حصن الرجال اللي تحصر الجمالي
وكردي وفارس وضاري وافي الاشبار*** عي على العيان قولة يقالي
+++++++++++++++++++++++++++++++++++++
+++++++++++++++++++++++++++++++++++++
رائع أيها الرائع
شكرا أخي راكان على هذه القصيدة الجميلة
ولا تحرمنا من إطلالاتك البية
-
لك الشكر يا الغالي ...
اخوي ذعـــار ....
مساك عنبر ...... والف شكر لك على تعقيبك
-
[size=4]الله يرحم الجميع ..........................................وانت مشكور ل على نقهالقصيده ياراكان .[/size]
