هذهي القصيده موجهه لي من الشاعر الكبير سعود ابن ضفيدع العنزي
[poem=font="Simplified Arabic,6,orange,normal,normal" bkcolor="black" bkimage="" border="double,4," type=2 line=0 align=center use=ex num="0,black"]
يالله تجعل للعسير أنفراجي = يامن خلقت البيت وأمرت بالحج
ياواحدن دايم لعفوك أنراجي = أنت الرجى يوم المخاليق تخرج
يادباس بن ردن ترى القب ساجي = ومن سوجته يادباس سج القدم سج
يادباس أوجس بالضمير انزعاجي= روابعن يادباس قامت تواهج
يادباس اشوف الوقت فيه انعواجي= أشوفلي يادباس عوجن تعاوج
يادباس أشوف الحر مثل الدجاجي= ماعاد لاينفع ولافيه مخرج
ومسحّ الريضان يادباس هاجي= كفه يسوي بين الأضلاع له فج
والذيب يجفل مايدان النعاجي =مع الفهد يادباس والضبع الأعرج
شياً جرى يادباس خبث ّ مزاجي= وعيني لذيذ النوم عن جفنها هج
يضيق صدري من خباث المهاجي= عيال الرخوم اللي علينا تحجج
وقتاً رفعهم ياطليق الحجاجي =خلى لهم ضمن الرجاجيل معرج
من أولاً لحمايته حط باجي =ياخذ عليه الباج من يركب السرج
يادباس مانارد عدود ٍ هماجي= نارد مثل هداج العد الأبهج
الوقت محدن من بلاويه ناجي=واللي يخاف أليا أضلم الليل يدلج
الله من همن بين الأضلاع لاجي= قلبي تقول بشذرت السيف يزرج
روابع ٍ في ضامري ماتجاجي= يادقته يادباس هو مثلها لج
أوكن ّ يركا بثومت القلب تاجي= يركا عليه أليا أشتعل والهب صج
يادباس دورّ للمريض العلاجي= ياسند عليك العلم يالحر الأبلج
تبينت يادباس ماهي مناجي=أبينّ من اللنبه على قمت البرج
يابوردن هذا صحيح أحتجاجي=وحطيت بالمكتوب لك جوهر الهرج
عقدن تعقد وأنعقد بإنحلاجي =سبت خبيثاًً يتبعّ ميلت الخرج
وسلامتك عدتّ بروقن هجاجي =وتحيتن مع وسطها العود يمزج
وصلات ربي عد نبت الأهباجي=على شفيع الخلق بالموقف الحرج
[/poem]
[ALIGN=CENTER][/ALIGN]
رد علي الشاعر الكبير الشيخ سعود ابن ضفيدع العنزي
[ALIGN=CENTER][/ALIGN]
[poem=font="Simplified Arabic,6,orange,normal,normal" bkcolor="black" bkimage="" border="double,4," type=2 line=0 align=center use=ex num="0,black"]
ياهمي يا للي بين الاضلاع لاجي= قام يتجدد لا سمع طاري الهرج
مالي علي بعض المماشي مزاجي = كن الكلام ينقص الجيب والدرج
لوالكلام ابلاش مالي خراجي = ماشوف مع كثر التماثيل مخرج
واليوم داع القاف غناء وهاجي = سبب علي اسعود في مست السرج
ابن ضفيدع شد قافه علي اجي = والماقف الثاني توقف علي اج
ونصاني المكتوب ماهو رواجي = شاعر ويلقىللمعابير مدرج
قال وتشكى يالله انك تناجي= من دورة الايام والماقف الحرج
يقول بعض الناس يمشي اباجي = ويشوف له عوجن طولن تعاوج
وماشافه ابدع به وفيه انزعاجي= من زايد التفكير حتى القدم سج
شاف وتكدر وانبهر ما يناجي = وكنه مع الماضي تذكر وسوهج
ويامرحبا به عد نقد الخراجي = واعداد مالبى الملبين با الحج
وصداقتك دايم علي الراس تاجي = تاج علي راسي لبسته متوج
وعملن ذكرته يا طليق الحجاجي = مشيوف ولا بيدين الازوال مدرج
وكان ان هذا داك مالك اعلاجي = الا الصبر محمود يا الحر الا بلج
وياسعود ما تمشي الليال بمزاجي = ولو تبتل القمرخسر راعي السرج
ولو يزعل البياع سوم الحراجي= ما شفتو الجلاب فيه ايتفرج
وبين الغلط والصح حبس وسياجي= ولا يدمج الثنتين ياكود مرتج
واللي يضيع صيدته با العجاجي = لا تشتحن منه ولا تكون محرج
وقت الرخايمثل عقاب العواجي = والا بوقت النايبه مايتخرج
لا تشيل هم مكثرين اللجاجي = اهل العقول الخاليات المرجج
ومالاح برقن با الدجا بالتعاجي= ضوه حدر غر المزون يتلاعج
صلو عدد منهو علي الارض داجي =علي النبي ماشب جمروتسارج
واسلم وهذي فكرتي وانتهاجي = وسامح بقولي يا الاديب المحجج
[/poem]
[ALIGN=CENTER][/ALIGN]
