نزف المــــــــــــــــشاعر
[poem=font="Simplified Arabic,4,black,bold,normal" bkcolor="transparent" bkimage="backgrounds/5.gif" border="none,medium,gray" type=1 line=0 align=center use=ex num="0,black"]
سهيت وكل من ناظر شمت بي وقال يالمحزون= علامك ساهي ولاهي ؟00 ودمع العـــــين همالي؟
علامي ساهي ولاهي ؟00 بلاكم صدق ماتدرون= عسى غربالكم يكبر 000 عشان يـــــخف غربالي
عسى الله لايهنيكم 00 وعساكم دايما تبكون= تذوقوا لوعة المغرم وتعيشوا نفس مـــــــــــوالي
وعسى امراضكم تكثر00 وآخر عــمركم تنعون= وتموتوا (دفعة وحده) ولايبقابكم تـــــــــــــــالي
انا الله قدرن (شاعر) يعني كل أبــوي (شجون)= يعني مااحب الظلـــــم00 ولاارغب كيـــد الانذالي
انا مااحب أية (حــــب) انا حبي يغطي الكون=ولاانزل في قلوب الخــــلق إلا بخير مــــــــنزالي
انا حبي وفا واخـــلاص للي يستــــحق ويمون= ولااطـــــــــــلع من عيــون اللي احبه بعد مدخالي
الا يالعــــنبو حب يجينا من ســــماع فنــــــــون= والا يالعنبو حب يذل النفــــــــــــس بالتــــــــالي
ناس همها (نجوى) و(نوال الزغبي)و(سيمون)= (شو بدك؟) و(عاوز ايه؟) ويحـــــــلالك ويحلالي!
ناس فكرها ضايع 000 ناس ضايعــه بجــــنون= محال اصير انا منــهم000 وفال الله ولافالـــــــــــــي
يحسبوني احبك بس 00 لانك يالغلا مــــــــــزيون=امانه ماتحس ان حكـــــــــــــيهم ممزوج بهبالي؟
ولاواحــــــــــد رحم حالي وانا من حالتي مغبون= ولا واحد فهـــــــمني زين00غـــيرك يابعد حالي
كأني من بعد ماغــــــــــبت يتيم عاش عمره دون=بدون ام تراعيله 000 قضــــــى عمره بالامالي
الى من قالوا امــك وين؟ 0يموت الفين ابو مليون= اليا منــــــــــــــــه تذكرها تذكر زيـــــن الافعالي
وكأني من بعد ماغبت000فــــقير غارق بديون=عجز لايـــطعم عياله000 بسبايب سوء الاحوالي
الى من جاء نهار العيد بدل مايــــــفرحوا يبكون=عسى ماللفقر والي 0000000عسى ماللفقر والي
الى من شاف اطفاله بســـــــبت جوعهم يشكون= شكى ضعفه وبكى معهم00 وقال العذر ياعيالي
وكأني من بعد ماغبت00 بغرفه مظلـــمه مرهون=ومن حـــــــــولي اطباء واجدين الوان واشكالي
يقولون المرض اعياك00؟ بلاهم فــــيك مايدرون00 = بلاهم ماســـــــلوا مثلي ولو في نصف ماجالي
وكأني من بعد ماغبت 00 سجين في سجن مسجون= حطوا القيد فيديني وشـــــدوا الرجل بحبالي
وغطوا عيوني الثنتين بشاش ابيض خفيف اللون= وعلى راسي وقف رجل يسل الســــيف مايبالي
اصيح بصوتي العالي00 امانه يابــــــــشر تكفون= امانه لو ربع ساعه 00 امانه فــــــــكوا اغلالي
قبل ماتقطعون الراس بــشوف احلى واغلى عيون= ابسمعها قبل مامـــــــــوت تقول اغليك يالغالي
وكأني من بعد ماغــــبت00بحفره موحشه مدفون= بحفره موحـــــــــــشه ظلماء علاها قرع الانعالي
اقول بلحــــظته ياليــــــــــتني فوق الثرى واكون= قريب من نظر عيني00 قريب من هــوى بالي
كفاني ياعذابي ماجـــــــــــــــرالي من الم وطعون=كفايه يابـــــعد (جدي )و(عـمي) ويابعد (خالي)
انا الغـــــــلطان والمخطي وشيطان البشر ملعون= انا كلي فدا عيـــونك (بروحي) و(دمي) و(مالي)
طلبــــــــــــتك يانظر عيني مادامي فيك انا مفتون= طلبتك ماتــــــــــــــجاهلني وتنــسى رقم جوالي
ولا واحد رحم حالي00 وانا من حـــــالتي مغبون= ولا واحد فهمني زين00غيرك يابـــــــــــعد حالي[/poem]
