السلام عليكم ورحمة الله وبركاته ،،،،،،،
نهاية الأبطال:315r:
.
.
.
الفله .. تعني المزح البريء في إطار الذوق والأدب
المشرف العام : هو أخ عزيز له مكانه واحترام في قلوب جميع أهل المضايف
وله الفضل بعد الله في أن جمعنا في بيتنا الثاني ... المضايف .
وهنا ،،،
أخوكم الأصيل .. يحب أن يداعب عواطف المشرف العام .. لعل وعسى أن يحطوه
بمنصب : نايب المشرف العام ( يانهار مش فايت !!!!!!! ):eek:
،
،
،
،
ياهل ترى ...
هل أجد مشاركه من خالي العزيز //// أبو غازي ///
،،
،،
،،
قظت المقدمه .. وآن لنا الآن أن نخش في الموضوع ،،
**************************
يالربع أنا من جيتكم بهالمضايف المبروكه ونا من نكبه إلى نكبه
ومن كارثه لأخرى ..ومن قراده لأختها ...:408r:
وبالذات مع الإداره ،،، وأخص من الإداره الـ ...
حولو شوين لايسمعنا أحد:359r:
.
.
معركتي مع ...
المشرف العام !!!!!!!!!!!!!!!!!!!!!!!:goooood:
والصراحه إني مزهب موضوعي هذا من رمضان
لكن ..قلت يابوثوب ،، الناس صايمه والشهر شهر عباده
ويوم قضى رمضان .. سافرت ( الله يحفظن في حلّي وترحالي )
أها .....
والحين ... لامفر ولا مناص من تنزيل الموضوع !!!
( بالله عليكم .. تعرفون وش معنى : مناص !!؟؟؟؟ ):o:
المهم ..
قد يقول قايل : ليه اخترت خصمك هو المشرف العام ( الله يطول بعمروه ) ؟؟
أقول : لسببين ،،،،،
الأول : إن المشرف العام مشغووووول بمضيف الشكاوي ...
مكامش بين هذا وهذاك .. ولهذا .. مالوه مسايير على الفله :sleeping:
( ألاّ تسان حظي الحلو يبي يجيبوه !!!!!!!!!!!!!! ):359r:
ثانياً : لأن أبوسلطان .. مالوه بالقصيد والشعر
فلهذا ... قلت خل أستعرض عضلاتي بقصيده ...
وأما موضوع الشكوى .. فهو :
1 ـ كل شوين يبون ياخذون اللقب ( ثوبي ) .:315r:
2 ـ اقترحت أن يزيدون صندوق الرسايل .. قال : الرام ماياسع والهاردسك تعبان
والميموري مدري وشبلاه !!!!!!!!!:001b:
وكل ما أقترح اقتراح يمار إنوه مرفوض جميتن وتفصيلن وفصلتن وتجميلن:biggrin:
ولكن ،،،،،،،،،،،،،،،،،،،،،،،،،،،،،،
ليعلم روّاد الفله ...
أنني بعد كل هذه الفتره من الصدمات التي تعرضت لها ... لم أجد منهم
الفزعه المطلوبه .. ( اللهم ألا بعض الأعزاء )
وكنت أظن أن أهل الفله .. كلٌ لايتجأ وجزء لايتكلل ...:goooood:
بيد أنني ( إنتبهو لـ : بيد ):thumb:
بيد أنني أيقنت أنني أصارع الأمواج لوحدي
لهذا ... قررت الانسحاب من الفله ..إلى مضيف آخر سيرد إسموه في ثنايا القصيده
والله من وراء القصد ،،،،،،،،،،،،،،،،،،،،،،،،،،
يقول أبوثوب :
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامعتلين أكوار فجحات الأقدام=تريّضو ياعيال خوذو كتابي
مدّو .. وخلو حادي الهجن قدام=من شان يقطع به صعاب الهضابي
مسيركم من ديرتي تسعة أيام=بالضبط مايخطي عليهن حسابي
قولو لبوسلطان : يالمشرف العام=وشعلمكم حطيت دابك ودابي؟
لعوزتن وحنا مع الناس صيّام=وبمضيفكم لاشك أبا افقد صوابي
الناس تعطي غالي المال والخام=ونتم خذيتو يالإداره ثيابي
قلت: الرسايل... قال : ماياسع ( الرام )=مطلوبكم ( ياصيل ) ماهو مجابي
كني مثل طير ابن برمان لاحام=يجدع على راعيه حيه ودابي
ون قلت أنا المظلوم .. قال إنت ظلاّم=ون قلت عطني تهمتي قال : مابي
ون قلت: صنعا باليمن ... قال : بالشام!!= جنوب من غزه شمال الروابي
يالقاضي .. احلم لاتحكمن بالاعدام=ياعونت الله لاتحسبن ارهابي
لاصار خصمك يصدر أنواع الأحكام=لا واعذابي منهم واعذابي
(ياصيل) عن دارك إذا خاطرك شام=لو صك باب(ن) ينفتح ألف بابي
من عقب ماأفنيت عام(ن) ورا عام=ودفنت بالمضياف زهرة شبابي!!
جبت القرار اللي مختم بالأختام=وأعلنت بالفله قرار انسحابي
ياصار ما تاتي علينا بالاولام=شوفو لكم واحد يسد بغيابي
و .. دنّو لي اللي فوقها خرج وخطام=منقيت(ن) من بين كل الركابي
أبا انحر اللي تشبع الطير لاحام=عسى مضيفه يرتوي بالسحابي
في مطبخ(ن) فيه الموايد والأنعام=مابين مثلوثه وصحن الكبابي
بين اللحم والرز والخبز ويدام=وأتسله نوخرها والاخرى تجابي
هذا وقلبي في هوا ( فلتي ) هام=أذكر غلاها من نسيم الهبابي[/poem]
نعم ... سأرحل إلى مضيف المطبخ ..
وأتمنى من خيواتي أن لايموتن من الفرحه العارمه والعامره والغامره !!!:480r:
لاشك سيستفيدن منّي في أشهر طبخه لي وهي : بيض عيون !!!!!:135r:
كما أنني خبير في تقطيع الطماط .
ولا أريد أن أوضح لهن أنني اختصاصي في طبق الزيتون !!!!:d:
.
.
.
( يابو ثوب ... الزيتون مايبي لوه شطاره ):p:
المهم ...
هذا قرار نهائي لا محيد عنه
وها أنا ذا ...
أودعكم كلكم
لأن المشرف العام إذا قرا قصيدتي ...
سيقوم خلال 3 دقايق و 14 ثانيه بشطب عضويتي !!!:g:
يقول رحمت جرير :
فإما حياة تسر الصديدز * وإما ممات يدبل التسبد !!:eek:
وهكذا فلتكن :
.
.
.
نهاية الأبطال !!!!!!!!!!!!!!!!!!!!!!!!!!!!!!!!!!:001b:
[05]همسه أخيره ..
طنخاااان
مالك شغل بموضوعي
حسّك عينك خشمك إذنك تقرب لموضوعي
لايكون أشوفك مغلق الموضوع أو حاذفوه
ترا .. أدل بيتكم ..
وأعرف سيارتك الكامري الجديده:c:
قظى الموضوع:480r: [/05]
