[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أحب أنا الجيد والسلسـال والدبلـه=يامشقي الروح والخفـاق مدهالـه
عزاه ياقلب حرّكتـه مـع القذلـه=يامتلف القلـب ياهمّـه وغربالـه
يلعب بي الحظ في ميله وفي عدلـه=ويلعب بي الوقت من يمناه لِشمالـه
لا ما قدرته ولا ياكيف باقدر لـه=ولا كل من يطلب المعـدوم بينالـه
في حالتي كل ما سجيت وأبغى أدله=القلب ياخـوي لاسالـي ولا دالـه
شبيت ناري وأعقـب الدلّـه بدلـه=ياما حلا الجو لامن زانـت دلالـه
وأقدح فتيل القصايد وأقصد الجزله=الليل يعجبك إلا من جاتِك إجزالـه
وأجنب الليل عن منطوقي الهزلـه=لا شك أميز سمين الهرج وإهزالـه
واقول يا الله ثـم أستقبل القبلـه=وأستغفره في دبور الليل وإقبالـه
الهرج بعضه يزود الطيـن ويبلـه=وبعضه يعبر عن المكنون واحواله
وبعضه يلا زاد تسأم منـه وتملـه=ونادر من الهرج تطرب له وتعنا له
إن كان حطيت أنا لك همي تشلـه؟؟=معي بتشعر بجور الوقت واذلاله
وتجرع معي بس من ليل العنا دله=وإن كان لا بد أنا بسقيـك فنجالـه
حقيقة الوضع ماهي دايـم بسهلـه=لامن تفكرت في دقه مـع جلالـه
يا راعي الجيد والسلسـال والدبله=يلعب بي الوقت من يمناه لشماله
الله يخلي إعتدال الحظ فـي ميلـه=ما دام ميلات حظي تسبـق عدالـه[/poem]
وسـلآمتـكم لشـآعرهـا
صـآلح آل شنيـف
