عرض للطباعة
.
ياجماعة الربع
دائم انتخيكم .... وانتوا رجال اجواد ماتقصرون معاي
الله لايهينكم
ابي لاهنتوا ...
حل هاللغز ....
وهو للشاعر ...فهد الدبيسي..
يامن دري وش عود طويل قامه
مع الملا ماشفت طولـه وزيـه
عياله الـف وميتيـن بمقامـه
وبناته اللـي شيبـن فيـه ميـه
معروف يوريك الغضب وبتسامه
وليا توفـا العـوّد سلـم خويـه
اللي خـواه ودعـه بالسلامـه
تقصر يمينه عن شـداد المطيـه
**
ياليت ماتتوخروا علي الله يرضى عليكم ...
حياك الله
واللغز جيد وفيه حسابات وعندي لي رمعه
بس أبيه تخمر شوي ولا تسنه فضخة عينه
لي عوده تسان ما سبقت على حله
تحياتي
ننتظرك اخوي
الاصمعي
وشاكر لك ترحيبك الله يسلمك ويرعاك ....
تكفى لاتتأخر علينا ....
مدام فيها تكفى الا أبشري من هالحين:)
أنا كنت أبعطي الشباب فرصة بس راحت عليهم والسبب تكفى,,
هذا طال عمرك ((القرن من الزمان))
تحليل اللغز: القرن كما هو معروف مئة عام
بناته الي شيبن فيه هن السنين>>مئة سنه
عياله الله وأعلم الشهور لأنه يقول 1200 ولو قسمناه على 12 يطلع لنا مئة سنه,,
بالأخير يصف من بلغ عمره القرن أو تعداه بأنه سيكون عاجز عن ركوب المطيه وهذي ما به جدال,,
اذا الحل مهو عندك "لأني أشوفك تنخين على الحل" فأنا أتوقع هذا هو الحل الصحيح لأنه راكب عليه تماماً
تحياتي
ياسلام عليك يالاصمعي
لله درك
وصح لسانك
ويسعد ايامك كل قرن
تحياتي لك
صح لسانك اخوي الاصمعي
وفعلا الاجابه
صح
جزاك الله خير