-
السلام عليكم ورحمة الله
هذه قصيدة للشاعر عبدالرحمن بن مساعد ... أعجبتني فأحببت أن أطلعكم عليها ...
اسئل الاعمي .. ان كان في نومه يشوف
ليه يصحى
واسئل الى مادرت عنه الهموم
الى درا ان العمر محدود
وان الفرح مهما اختفي.. موجود
اسئله ليه ينوم؟
وان جاوبوك اسئلني ليه حنا افترقنا
ياصاحبي مابه سبب لفراقنا
غير اننا جينا بزمن ماهو زمنا
ياصاحبي مابه سبب لفراقنا
غير انن في حبنا عشنا الصدق
وفي وقتنا وشهو الصدق
في وقتنا لجل القاء تكذب
ولجل تاصل ماتبي تكذب
ياصاحبي خذها من جرحي نصيحه
كانك تبي تاصل ؟ اكذب .. اكذب .. اكذب
الصدق في وقتنا اصبح فضيحه
في وقتنا دايم تهيم في شي ماتعرف مداه
دايم تهيم فلي بعد عن سكتك
والي زهد في محبتك
والي فيدك ومتحمل جروحك معك
مايهمك تنساه
ولو تقتله مايالمك وبقدامك تاطاء على دماه
ياصاحبي وقتنا في اوله ضيعنا اولا القبلتين
وفي آخره الله اعلم وش بيبقي
\nفي وقتنا صار الغدر شيٍ عظيم
والوفاء ماظنتي ان كان بتدور بتلقى
ياطاحبي في وقتنا اطول مسافه ممكنه
تمشيها بين النقطتين
الخط المستقيم
ياصاحبي في وقتنا وقت الالم
من يسمعك مهما حكيت
من ينصفك مهما شكيت
منهو الى مايضحك اذا ذلتك دنياك وبكيت
ياصاحبي في وقتنا
ماللمشاعر ناس
ياصاحبي في وقتنا لبعض القلوب احساس
ياصاحبي في وقتنا وقت الكلام
وقل الفعل لامات احد وانتقل لعلا رفيق
من طيبنا نحزن عليه
نصلي عليه
ناص معه للمقبره
وفي المقبره غير الدعاء وقولت الله يرحمه
مابه كلام وندفنه .. ولادفناه نبكي
بدون دموع او بدموع
المهم بعد مانبكي نتركه ونروح
وتلقانا نقول مسكين يافلان مسكين
من دنيتك وش الى خذيت؟
وبعد باب المقبره بشبرين
واقل من الدقيقه لامن دخل فينا الزحام
من طيبنا نضحك ونسمع اغنيه
لجل نتسلي في الطريق بين المقبره والبيت
ياربي سبحانك يالي تجير من العذاب
قلوبنا وش صابها ؟
في وقت غدا بين الحياه والموت
وبين البكاء واضحك
شبرين ودقيقه وباب
ويدننا الى قد حثت في وجه ميتنا التراب
هي نفسها الى بعد شبرين واقل من الدقيقه
اختارت شريط وحطته لجل تقتل طول المسافه
بين المقبره والبيت
ياصاحبي في وقتنا احسن كثير
من بعضنا
في المقبره على الاقل ميت وندري
المشكله متنا ولالحين ماندري
ياصاحبي في وقتنا ضاع احترام الموت
في وقتنا حكينا ما اكثره
وللأسف كل الحكي من غير صوت
وان كان به فم صدق
وسمحو يحكي بصوت مانسمعه
ياصاحبي قدامنا كان اخيارين
يانجاري وقتنا ونكذب ونخدع نفسنا
يانفترق لان الفراق في وقتنا
هـــو الـــصــدق
افــتــرقــنــا
ياصاحبي كانك تشك في اسباب الفراق
دور لك اعمي واذا صحى اسئله
ان كان في نومه يشوف ليه صحي
!!!!!ولـــيــه افــتــرقــنــا؟؟؟؟؟
---------------------------------------------------------
واللي يحب يسمعها بصوت الشاعر يضغط على الرابط هذا :
http://d1d.net/1/shaer/27.htm
وعلى دروب الخير نلتقي ،،،
-
قصيدة رائعة من شاعر أروع ...
وأنت يا أباخالد .. أروع منهم جميعا ...
شكرا لذوقك الرفيع .. ولحسك البديع ..
وعلى المحبة ...
-
صح لسان قايلها ...
وتسلم أنامل كاتبها لنا
