سوالف فرسان مغبرين وجرى عليهم الوقت
هذى سالفة يذكر فيها اسامى فيريس معروفين ولهم صيتهم بالحروب
اول فارس % عيون السروق
يومن من الايام القشر غزيت قوم عيون السروق وكان عيون السروق نيم
قلت الا اخذ كل شين عندهم وخططنا نهجم باليل عليهم
ويوم هجمنا وخذينا قشهم قام عيون السروق وسمع صوت خيولو وحده اسمها
شقحه ونمشة الوكاد ركض يبى يركب الخيل وهو يجى على وجهو من الحماس امحق فارس
وهى تعور عينو يعلها الفضخ
الوكاد رد لجحرو تقل جحر ظب وهو يقعد وقال هذى الابيات عن نفسو
يـا رب عجـل بالنظـر والعوافـي
وافـرج لعينيـن قـد تدانـا نظرهـا
تسعيـن ليلـة مـا تهنيـت غـافـي
كن الحمـاط بمـوق عينـي جمرهـا
وخمسة عشر ليلة جـرى لي هفافـي
ازريـت أميـز شمسـها من قمرهـا
يا حـظ أبو مـن قـام عـدل وقافـي
يمشـي يريضانـن تخالـف زهرهـا
صاح الصيـاح وقيـل ما من عوافـي
وقامت تـرادي سابقـي من سكرهـا
وقعـدت أنا مـع لابسـات الغدافـي
كن ما جرى لي ساعتـن في ظهرهـا
أنا إن لحقـت الخيـل جاهـا خفافـي
يفـرح بي اللـي يرتجينـي بأثرهـا
الفارس الثانى ابو هدلا %
امحق من فريس
سالفة ابو هدلا رجل صاحب صيت وشهامه ورجوله وكريم ولدرجت كرمه مافى احد ما يطلبوو هههههههههههه ونفس الوقت صياد وراعى قنص
الوكاد بو ذيبه اسمها تريترا
هذى تريتراا يوم من الايام دشت على مره بيتها وخذت وغدها واكلتووو وزعلت ام الولد يوم درت وقالولها هذى يومو الوغد
قالت الا انتقم لولدى قالت وشو الحل ما فى الا افزع الصيادين والصيادين هم ثنين وثالثهم ابو هدلاا
الاول اسمو الصقيطى والثانى اسمو المريرى والثالث تعرفونو ابو هدلا
الوكاد الثنين اللى معو صقط
قالت ام الليد الابيات هذى تبى تهيجهم
وين السقيطى جرح قلبى محيطى
على وليفى شلتة تريترت الناب
وين المريرى صار نفعك لغيرى
يا حاسين صيد الغراميل بحساب
وين ابو هدلا والبكا ما نملا
يالـطـنـايـا يحـجا كــل مــن هــاب
الوكاد يوم سمعو القصيده جو من اقصاهم وانطنخو هكا اليوم
وراحو للجبل السقيطى والمريرى مابو حصنى ما ذبحووه وابو هدلا يقولهم ذيب مو حصنى
قال الذيب ذكى يمكن متنكر
قال ابو هدلا يربى وش الله بلانى بالخبول هذولا
المهم خذ بندقو ابو هدلاا ومعو فرد ( مسدس ماء )
ومابو ذيب بالجبل ما ذبحو واللى يذبحو يشق بطنو يمكن يلقى علامه
واخر ذيب ذبحو طلعت تريترا شق بطنها ولقا خشم الوغيد وارسل الذيب معى خشم الوغد يأكد
انو ذبحها وخشمو الدليل
ودارت الايام والحين ابو هدلا لو يلقى بصوه ما يقوى يذبحه
عاد قال المقوله هذى
لكل جوادن كبوه
<<<<<<<< بدى يخورها هههههههههه
والفارس الثالث اسمووو المطنوخ
والله لو انا شيخ قبيلة وهذولى فريسى تسان مابو احد ما يغزينن امحق
سالفة الفارس مطنوخ
مطنوخ ملعون الجدف متحظر بس فارس وشهم وكريم
حب وحده من بنات شيخ القبيله بنت الشيخ فؤاد الملقب ( اخو فريال )
الوكاد جانن وقالى ابى اخطب بنت الشيخ وراعيلو بطرف عينى اقول اقضب ارضك بس
انت وجهك وشعرفك بالسوالف هذى
قال انا حبيتها
قلت حبك برص تبى تجيبلنا العيد اسكت بس لحد يسمعك
قالى ليه قلت خليت بنات القبيله وما حبيت الا بنت الشيخ
قالى وشو به قلت يرجال ما يعطون الا فرسان وشعار معروفين وانت اعرفك دجاجتن صقعه
قال افا وانا مطنوخ قلت اقعد لا تهايط عندى بس اقضب قاعك
وليلتن من اليالى القشر
غزونا ناس وخذو نياق الشيخ انا كنت اسوى القوه كنت مسالم مالى بالمشاكل
<<<<<<< كنت ارجف مكان قال مسالم قال
الوكاد مطنوخ نايم
قام يهذرى وهو نايم قعدته قلت وشعلمك ازعجتنا هذى وانت نيم وشلون لو قاعد
هههههههههههههههههههههههههه
الوكاد قام وهو يتقهوى هكا الفنجال كنت حاكرو من الخوف ههههههههههههه
قال وين العرب ما اشوف احد وعلمتو انا انياق الشيخ انوخذت
قال افا نياق الشيخ ماخوذه وانت جالس
قلتلو اجل تبينى اوقف قال ما هقيتك قلت يرجال اقعد بس لا تهايط على بس خلنى اجرلك الربابة واسمعك شين طيب
قال تحرم على اسماع الربابه اذا ما جبت نياق الشيخ
قلت لعنبو حيك فرسان القبيله كلهم ردو ومحد قوى يجيبهن
جاى انت تبى تجيبهن قلتلو انت احد يقربلك من الاسلم القراده واضحه بعيونك قال خوالى قلت اى
باين القراده
ركب خيلو وينهج يمهم يبى يجيب البل وما خذينا ساعه الا وهو جايبهن صج
وهو جاى شافوه وقام ينذخ قدامهم
قلت اخس واعقب سواه ملعون الصلايب طلع مو هين
<<<<<<<<< اتوقع انو قالهم ابى انذخ قدامهم وردهن لكم دبل ههههههههههههههه
اها هنى اجبت البنت فيه وقال هذى الابيات:
الله لحد ياما غزينا وجينا
ويا ما ركبنا حاميات المشاويح
وياما على اكوارهن اعتلينا
ويا ما ركبناها عصير مراويح
ويا ما تعاطت بالهنادي يدينا
ويا ما تقاسمنا حلال المصاليح
وراك تزهد يااريش العين فينا
تقول خيال الحضر زين تصفيح
ترى الظفر مهوب للظاعنينا
امقسم بين الوجيه المفاليح
البدو واللي بالقرى نازلينا
كل عطاه الله من هبة الريح
يوم الفضول بحلتك شارعينا
والشلف ينحونك سواة الزنانيح
اعجبت البنت فيه وبشجاعته
ركب فرسه وهو يودعهم تولعت البنت فيه وارسل ابوه يمه وقال اذا تبى البنت ترانا موافقين
حزته بخاطره وقال بينه وبين نفسه
من باعنا برخيص بتراب ينباع وخلهم ومشى
السربوت طلع فارس وشاعر وطلعت انا الدجاجه الصقعااا
والفارس الرابع اللى هو انا ( اعوذ بالله من كلمت انا )
ما يحتاج تعرفونن كلكم
مره من المراريت جوعان وامشى لقيت واحدن ياكل منو هذى اللى ياكل
عيون السروق
جالس يتغدى
قلت خلنى اكل معو بس وشلون اقولو عاد عيون السروق ذكى وملعون جدف شوفو وشو صار بيننا
قلتلو الابيات هذى ورد على البخيل :
قلت : السلام عليك يالمتغدى
قال : عليكم السلام وانت تعدى
قلت : ابوى وابوك صحبان
قال : الله يرحم الشيبان
قلت : نفسى على الزاد تذرف
قال : هذى مشعاب وانت تعرف
ومشيت وخليتوو
وين الله وقعنى بالمروح قمت اتحلطم عذه ولا يطوفو شى
عموم اسمحولو على الاطاله
وهذى اول مشاركه لى بفلة احجاج
وانشالله يعجبكم الموضوع
اخوووووووووكم : فتى حايل
