!!.. اطــــلا لة (ملك) في يوم الــــوطن..!!
[poem=font="Simplified Arabic,6,white,bold,normal" bkcolor="seagreen" bkimage="" border="ridge,9,blue" type=2 line=0 align=center use=ex num="0,black"]
يحفظ الله حبيب الشعب عبد الله= سيد ارض الجزيره شامخ الهامه
كل ماطل قلنا حي هالطله= شعشع النور لامن طل قدامه
بالبها والسعاده والحلا كله= والفخر والكرامه فارع القامه
دام عزه وعز اللي تحت ضله= سيف هذا الوطن والدرع وحزامه
ابلجٍ يدحر الخارج عن المله= ما يهاب العدو ياطاه باقدامه
غصب روس الفتن ترضخ وتذعن له= خادم البيت ابو متعب وخدامه
ماتهون الكرامه في ذرى حله= حاكماً بالشريعه سارت اعلامه
الزعامه خليله والفخر خله= اسعد الله ليال الشيخ وايامه
بالوطن عهده الزاهر فرش زله= من شواطي بحر جده لدمامه
جاد بالخير وجه الخير واستله= وابتنا له بيوت وشرّع اخيامه
نطلب الله بطول العمر يمهله= ويحفظه من شرور اعداه واخصامه
صانه الرب في ترحاله وحله= في مسيره وفي ملفاه ومقامه
عاد عيد الوطن في عهد عبد الله= سيد ارض الجزيره شامخ الهامه[/poem]
