يبي القزيعه طفت ناره

[align=center]يالله حيهم

قديما كانت الذلول او الفرس السابقه له قيمه كبيره عند اهل الباديه
حتى ان بعضهم يمكن ان يبديه على اهلوه
لانه تنفعوه بالمغازي
كان ربعوه باكا المغزى منتصرين يكون باول القوم واطيب الغنايم لوه
وكانهم منهزمين هو اول من يسلم والفضل يعود لله ثم ذلولوه
عبدالله بن عبار العنزي يقول:[/align]
[poem=font="Simplified Arabic,4,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياراكب الحمراء سريعه بالانكاف=شيبا ظهر بوج الفيافي نحفها[/poem]
[align=center]والانكاف هو الرجوع او الانهزام [/align]


[align=center]المهم ننكس لسالفتنا
هذا فيه واحدن يقال لوه فالح من الشمروخ من الزميل من سنجاره من شمر
لوه ذلول طيبه يقال له "القزيعه"
واشتهر صيته يامار هو متزوج انت يافالح
وهو ينوي الزواج على مرتوه وهو يعشق اكالبنت
يامار فالح بس يتردد على ابو البنت يخطبه
اليامار ابو البنت تقل بخاطروه شي
يبي يقولوه

المهم بالاخير قال ابو البنت اجوزك بنتي وابيك تعطيني القزيعه مهر لبنتي
فهم السالفه انت يافالح ولايقدر يفرط بالقزيعه

يقول فالح[/align]
[poem=font="Simplified Arabic,4,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تو الرجل بينه ليّه=يبي القزيعه طفت ناره
ولابيع بنت الشراريّه=وانا خبر جضت الغاره
مع جمعةٍ تاتي الميّه=مع وسط غلمان سنجاره
وخطو الطيوح الشماليّه=ياما حلا فوقها دياره
والله ماعود اكا النيّه=ولاخذ على حرمتي جاره[/poem]
[align=center]"لو هو انا كان اقول خذه قومٍ تاخذه بس جوزن"

اعذرونا على القصور[/align]

وخطو الطيوح الشماليّـه ** ياما حلا فوقهـا ديـاره

الطيوح والا الطموح:)

مشعـــــــــل !!

تسلم يابعدي على هالسالفة الطيبة لاهنت ،،،

تو الرجـل بينـه ليّـه ** يبي القزيعه طفت نـاره

ولابيع بنـت الشراريّـه ** وانا خبر جضت الغاره

قل لقط حبّه على طول:)

والنعم بالشمروخ وبسنجارة عموم ،،،

وسلاااااااااااااام ...
..

[align=center]الأخ مشعل :
الله يعطيك العافية على الإيراد الرائع ...
:869:[/align]

[align=center]يعطيـــك العافيـــه يامشعلــ على الأيراد الطيــّب..

لاهنــت..


ღ
ღ
ღ
تحياتي
عشـق القصـيد [/align]

ولابيع بنـت الشراريّـه
وانا خبر جضت الغاره
مع جمعةٍ تاتـي الميّـه
مع وسط غلمان سنجاره

والف نعم بفالح عز الله هذا الرجل اللي نفخر بعلمه
تسلم يامشعل على هالسالفة الطيبة لاهنت ،،،
والنعم بالشمروخ وبسنجارة عموم ،،،

الا يامشعل ودّي انشدك الشمروخ ديارهم بالنفود اللي قبل الجوف او لا ؟ لان ماخبر لهم قريه بحايل ؟

[align=center]الله يعطيك العافية يالغفيلي
سالفة طيبة
وعزالله ماتجيب الا الزين
وانا متابع مواضيعك بالموروث وانطرهن دايما
وبانتظار سالفة اخرى ولاتبطي علينا
وتسلم وتقبل تحياتي[/align]

[align=center]
الله يعطيك العافية أخوي مشعل

وتسلم على هــالسالفة الطيبة يالطيب

لاهنت.[/align]

[align=center]ومن قال يسلم يابو فيصل

وماعليك زود يابعدي

لاهنت[/align]

[align=center]هلا حياك الله اختي ايمان

شاكر مرورك[/align]

[align=center]ومن قال يتعافى اختي

شاكر مرورك ياسيدة القلم[/align]