واللي يسب مطير ماأرخى شرفهم

السلام عليكم ,,

هـذه القصيـده للشــاعر الكبير ::

{{محمد بن جازع بن دله الصهيبي المطيري}}

يرد بها على متحذلقين التاريخ الذين لاتوجد عندهم امانة تاريخية ,,


بعنــوان ..(( مسيــرة قبيــــلة مطيـــر )) ..


هاض الضمير وهاجس القلب هيضه =
وقزيت من نومي وخلق الله ينامون

أبي السكات وقام عزمي يشيلني =
وبينت تاريخ(ن) له الناس يقرون

كني وكيل ادم على ذريته =
يومي وليلي مجهد(ن) تقل مفتون

ماني بدماحن لغلطات مشتهي =
اللي مثايلهم تقول يتهزون

أبتكلم واترك الزود والخطا =
واشوف وش يصلح عن الكذب مضمون

عزمي يساعدني على ما طرالي =
ودالوب فكري ينهض اللي يطيحون

واليا بغيت أقول عزمت بالله =
وابا احتمل باللي عليه يشيلون

أنا اختصرت من السوالف دلايل =
نقل عن التاريخ واللي يحفظون

عن قولهم في وقتهم ما اختلفنا =
ناخذ صحيح العلم والكذب مدفون

بعلم الجاهل بدرب المسيرة =
يوم(ن) بعض الناس للحق يخفون

الشاعر اللي يبدع القاف ضيعه =
يبا الدليل وعن طريقه يتيهون

مثل الذي هام البحر في سباحته =
شاله غروره وسط موجه يغرقون

يالمعترض مالك ورانا طلابه =
مالك قصير ولا عواني تثورون

كذبت فعل مطير واللي ذكرنا =
حظك حمول وبالظليمه تهرجون

اما صغير السن يجهلك فعلهم =
والاردي العرف ماتفتهم لون

واللي ذكرته بالقصيده نحله =
ونعلمك في دربهم وين يمشون

واللي يسب مطير ماأرخى شرفهم =
واللي مدح بمطير ما زادهم لون

سقم الحريب اليا تعدى حدوده =
اليا طارت الغدفه وقاموا يعنون

كم واحد(ن) يزمي ودسنا كرامته =
عقب هديره دايخ الراس ممهون

تقول أهل نجد جلوا عن ديارهم =
والا مطير في نضركم يطيرون

نجد(ن) سكناها سنين طويله =
يوم الهوى صافي وفيها يصولون

من مويه هكران عليه انحدرنا =
وفيها من أجواد القبايل يحربون

تاقع منازلهم جنوب وشمالنا =
وضرب الهنادي بينهم ما يكفون

نوب(ن) علينا نعترف في طعنهم =
ونوب(ن) عليهم ومن نحرنا يصدون

ولابه نهار(ن) مايطير غباره =
هذا طريح وذاك طاعن ومطعون

عشرة مناويخ بنجد اقتحمنا =
نوب(ن) لنا الزوده ونوب(ن) يغلبون

أحد(ن) يهاجمنا ونرد خيلهم =
وأحد(ن) يناوخنا ومنا يشدون

قبل السعود بحكمهم يملكونه =
وقبل الرشيد اللي بفترة يحكمون

قصيرنا منهم حراب العريني =
وشلف(ن) نروي جبها لين يقفون

وسرد السبايا للعدو ذاخرينها =
وحمر النواظر للحرايب يصالون

قبقب شراع العز والطير غنا =
وعن وجهنا بعض القبايل يحوزون

يم الحصاه ويم صبحا نزلنا =
وحوطه تميم اليا بغوها يمدون

ومدهالهم شمال حبر والغرابه =
ومرباعهم على أبانات يظفون

طرت عليهم طاريه صملوها =
نووا على المحدار والناس يدرون

ما أحدن قدر يردهم مع قفاهم =
ولا علقوا عاني من اللي يخافون

جوا من فقارة نجد يزمي ضعنهم =
لين من سوق الكويت يتقضون

تمشي ضعاينهم بدرب أسلافهم =
لديره اللي بسمها الناس يوحون

يوم أقربوها نطحوهم حرابه =
اللي على بيض الحباري يجيرون

جونا وجيناهم وصارت معارك =
وعقب مناخين(ن) سكانها يحدرون

ما قلت بالأجواد قصدي رداهم =
من أدبرت دنياه فيها يذوبون

حظن يطيح وحظ بالله يرتفع =
وهاذي تدابير الولي خالق الكون

ولاني بقراض للأجاويد مسهم =
سلطه من الله ينقص اللي يزودون

ولاني بقراض للأجاويد بالقفى =
اللي لهم فعل على الموت يردون

وفي منزل الصمان بس انتهينا =
وعند النفود ودبدبتها يحامون

محدن عطانا طيب ولا شرينا =
أسباب مركاض به الناس يدرون

من فوق شهب ما قصرنا غذاها =
ومصقلاتن للجماهي يشيلون

وان طوّحن بيض العذارى غطاها =
علوى لعسرين القبايل يردون

في شف شقح(ن) دايم الدوم بالخطر =
دايم جنبها من وراها يبارون

دايم وحمران النواظر حماها =
ومن ذاق منهم طعنه مايعودون

وواصل سندنا درعنا من اعدانا =
دايم على النزل الموالي يميلون

دايم تهاذب خيلهم لحددانا =
ومن جيشهم بعض الأجناب يشكون

وألد علي بين الحفيفين نزلهم =
دايم لصولات القبايل يوالون

اليا أختلط عجاجها مع خلاجها =
مركاضهم فيها المصاليح يرعون

وان قيل ألاد عباد نعم القبيله =
مثل الجبال الراسيه ما يزولون

قصيرهم من الأجناب روس حرابهم =
وشلف(ن) بها شوخ القبايل يحذفون

كم فارس تحت الحوافر وطنه =
اللي بهم ضلعان نجد يسمون

تجاول عند الطريح وتعاقبن =
والكل طلق حرمته ماتشيلون

راحت على اللي شاله الكبر ضيعه =
ومن قال أنا الطيب له الناس ياطون

هاذي شهود الفعل والخابر الله =
ماهوب هرج(ن) بالمجالس يقولون

وهاذي فعول مطير ياجاهل بها =
ياللي تغطون الحسب ماتخافون

فهود الزراج اليا انتووا يم ديره =
بعد المسافه دونها ما يهابون

نمسي بدار وصبحنا يم ديره =
وكم(ن) عدون غافل(ن) له يفاجون

ماهم شواوي بالقرايا مربهم =
طوال الخطى اليا ركب القيض يمشون

بادت سمارى جيشهم من حفاها =
في لاهب الجوزاء عليهن يسوجون

من دار أبو جابر على الشام كونهم =
جابوا مغاتير(ن) عليها يغنون

أربع أكاوينن بقيظن تعاقبت =
ما قيضوا تحت السقايف ينامون

ولو أذكر اللي خابرن به بلشنا =
أتعبت نفسي واللي ورانا يعدون

ذكرت لي موجز وبينت بعضها =
وهاذي مسير مطير وأنتم تخبرون

من الحره السودا اليا سيف البحر =
قصور تبنا والنخل له يغرسون

واللي مكذبني يجينا نفرجه =
يلقا صحيح وللقرايا يعدون

من قصر ابن شلاح نبي نجيبها =
وإنشد الشيبان عما يخبرون

أما لقيت الهرج لا صحتله =
والا أعترفت ومن سنعنا تصدون

أما ركبت الغوج ياطابك الوعر =
والا كسير القين والجنب مطعون

تم الجواب وما خبرته ذكرته =
أنقل عن التاريخ للي يحرصون

نقلت من شيبانا من قصصنا =
لعيالنا اللي بالمدارس يحفظون

وترى المراجل للعرب تفتخر بها =
خطلان الأيدي للعوالي يشومون

والناس مثل الناس لافرق بينها =
الا كبار الحظ فيها يفوزون

أحد(ن) نصيبه يقصره عن طموحه =
وأحد(ن) يجيله حظ باللي يسوون

وكل القبايل بالفعايل مجربه =
وشعارها تنقل عن اللي يخبرون

واللي يبا يذكر فعايل قبايله =
الباب مفتوح(ن) على ما يريدون

تمت وصلى الله على سيد البشر =
أللي تشفع لأمته يوم ينخون



تمـت بحمـد الله في (( السعيــره )) .. عــــــام 1993 م

وسلامتكمممممممممممممممم .

الاخ wolf65 حيّاك الله ونعم بالربع اللي انت منهم بس مستغرب من بعض مكابرة الشعراء وتهويلهم للاحداث

بيني وبينك كل شي مخبور وما يحتاج موجز ولا نشره لا لمطير ولا غيره من القبايل والاجواد كلن به حقه والفلاح مقسم ويوم هي باليمنى كل خذى قسمه وعرف

وحيّاك الله بالمنتدى مع اخوانك

دايم وحمران النواظر حماها = ومن ذاق منهم طعنه مايعودون

اعرف ان حمران النواظر فخذ من عنزه:)

في منتدى شعبي يقول كاتب الموضوع ان حمـران النواظـر لقب يطلق على الفدعان من ضنا عبيد

ويطلق على قبيلة الكواكبه من الروله وهو كنيه عن الشجاعه ..

والشيخ الفارس الصنديد/ النوري الـشـعـلان عرف بـ(حمر عين) أيضا ً :)

وش جابهم لمطير:)

والنعم بالجميع:)

تحياتي:)

[align=center]يعطيــك العافـــيه اخوي الوليــف على الأيراد

وتحذلــق المتحذلقين لايلغـــي الحقائــق .. ..


ღ
ღ
ღ
تحياتي
عشـق القصـيد[/align]

[align=center]ونعم بمطيـــر

اخوي الصيرمي سالفة حمران النواظر
هذي بين عنزه ومطير مالنا به دخل
اللي يجينا نقول حياك الله واختلافهم بيناتهم

على العموم والسبعة انعام بمطير

وقليله بحقهم

ننتظر مشاركاتك القادمه[/align]