ردا على الشاعر براك

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يالمعبود يالمستعاني = بامرك لقت الكون كيف وتحديد

بامرك نزل جبريل باعظم بياني = على الرسول المصطفى سيد السيد

وبين احكام الشرع للمودماني = شريعه لانقص فيها ولازيد

واقول قول يسبقن به لساني = وانا على مااقول ثابت ولاحيد

واسرجت سرجي وامتطيت الحصاني = وادليت دلوي مع دْلي القواصيد

واخترت للموضوع زين المعاني = مثايل غرد لها الطير تغريد

ياشيخنا الجربا حداني حداني = للقول ماظنيت يابن الاجاويد

ظنك خطا واطلقت فيه العناني = واوصدت باب العلم ياشيخ توصيد

تبغي الجهل يعم هذا الزماني = بناتنا ماتعرف مدٍ وتوكيد

وتبقى حبيسة بيت بين الصياني = تطبخ وتنفخ لاجل عنتر وابو زيد

بتهميش دور العلم تنشر اعلاني = شاركت للضبعان لكنك تزيد

والمدرسة خليتها خلق ثاني = شمتها واحزنتها في ضحى العيد

خليتهن هزلات ماهن سماني = ولايقمشه ياكود من هو مقيريد

واللي خذا منهن ربط بالعناني = يقفي ويقبل به على كيف ماتريد

وتعيب زين مخضبات البناني = واميتك مجدتها كل تمجيد

والمعلمه بالمجتمع له مكاني = واضح مكانه دون شرح وترقيد

تعلم فتاة اليوم تبني كياني = وتدرس التفسير واحكام تجويد

وخيره شمل من كان قاصي وداني = بالعلم ترفع له بيوت شواهيد

واللي خذاها ومقصده مطمعاني = يبي يحقق من وراها مقاصيد

هذاك يفشل وعند ربعه يهاني = ولاله من المحصول غير التناكيد

والعلم يبغى مخلص ومتفاني = يشد من وزره ويرفع له الإيد

ماهمه مدخول صاف الثماني = لو يسأل عن الراتب عنده مناقيد

يفزع اليا من جاله من الناس عاني = بليهان شيال الحمول المناضيد

ولك التحيه ياسهيل اليماني = ياشيخنا وابوك شيخ الصناديد

وصلاة ربي عد ماالنجم باني = على الرسول المصطفى سيد السيد[/poem]



الشاعر / ابو عمر المفضلي

[align=center]صح لسان الشاعر

قصيده جزله ورائعه ورد جميل


شكرا لك للنقل


اخوك[/align]

[align=center]صح الله لسان الشاعر ابو عمر المفضلي

وسلمت أناملك الذوّاقه اخوي mudbaj

لاتحرمنا المزيد من إبداعاتك ...

أطيب المنى
اختكـ غيث السحايب[/align]

[align=center]يعطيـــك العافيه على النقل الجميلــ ..
وصح لسان شاعرهـــا


ღ
ღ
ღ
تحياتي
عشـق القصـيد[/align]