[align=center]*
*
*
*
*
*
قصيدة ..ابحث عنها .. اتمنى ممن يعرفها ان يأتي بها الى هنا
من لي فتره ودي انشد عنه مار الكسل ذبحن عاد واليوم ياراعي الوقيد قلت ابي اسأل عنه
وهي :
يامن يودي العلم لي يم أهل نوف .../
هذا شطر البقيه ماعرفه .. وهي لحمود العبيد الرشيد
.
.
.
عاد وانت ياراعي الوقيد راجع صندوق الرسايل به نشدتن خاصه لك :)
دمتم بود [/align]
يالله ياعياااااااال افزعوا لنبراااس اقعد يهجينا بله له له هجائية نقع منه مانقوم:)
والله انا يابناخيك ما اعرف القصيدة والمعذرة !!؟
واللي بالخاص يجيك خبرهـ ،،،
والسلاااااااااااااام ...
..
[align=center]كالعاده ما عندي شي للأفاده..
بس جيت ابشووف وش تسوون هنــا..
ويوم مالقيت شي ينقــري.. استحيت اطلــع بدون ماسلم عليــكم..
ღ
ღ
ღ
تحياتي
عشـق القصـيد[/align]
السلام عليكم
والله يانبراس اني ماعندي شين من هالقصيده
مار قلت اسلم وارفع الموضوع فوق اغدي هالشباب يشوفونه ويفزعون
يالله انك تجيب الفزاع اللي يعرف تكمله هالشطر
وبمان الله
[align=justify]البيت المتقدم ذكره من أبيات لحمود العبيد الرشيد - يرحمه الله - يخاطب بها صهره سليمان المبارك القريشي - من أهل حائل - ، وهي موجودة في مخطوطة الصويغ كاملة ، ومنها :[/align][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامن يودي العلم لي يم اهل نوف
هل الحمير اللي كما وصف غزلان
إن جيتهم سلم عليهم على الشوف
خصص بها قوتٍ ورجله سليمان
حبي لهم ماهو على شان مصروف
مانا من اللي حبهم كود باثمان
ودٍ لنا من خلقة الجلد والصوف
لمحمدٍ خالٍ ولي زاد خلان ..[/poem]فأجابه القريشي بأبيات منها :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله لو ينزل محمد ورا الجوف
بالبعد كني بين فتقٍ ورمان !![/poem][align=justify]وقوت المذكورة في القصيدة هي قوت الكريشان زوجة القريشي ، ومحمد في رد القريشي هو محمد بن رشيد يرحمهم الله جميعاً .[/align]
ياحي الله ابو هلا ومسهلا:)
وينك يامعوّد مالك عينة !؟
تسسسسلم يابو هلا على الإجابة الوافيــــــــة لاهنــت يابعدحي
لك التحيــــــــــــــــة ،،،
والسلاااااااااااااااام ...
..
[align=center]راعي الوقيد
الشكوى لله .. قلت مار محدن يبي يجيبه غيرك
لكن يجيب الله خير[/align]
[align=center]سيدة القلم
شكرا لحضورك ..عاد لو بس جبتي اي شيء اي حاقه بأ .. :)
***************
شوق سلمى
شكرا لك لرفع الموضوع / الله لايهينك
شاكر ومقدر[/align]
[align=center]ابو هلا
شاكر لك مرورك وما ادليت به من فائده
لك جل تقديري وامتناني وشكري
بارك الله فيك
اخوك[/align]