قصة الامير ماجد الحمود الرشيد مع زوجته صيته الخالديه
بسم الله الرحمن الرحيم
هذي السالفة منقولة طبعا :)
لكن انا لقيته باللغة العربية الفصحى تقريبا
وحبيت انقله لكم بالعامية
راعي الوقيد تكفى لاتقول انه موجوده :)
سالفتنا اليوم ياطويلين العمر عن الامير ماجد الرشيد وحرمتوه صيته الخالدية
تزوج الامير ماجد بصيته المنديل وهي من بني خالد وهو بعدوه صغير بالعمر وصيته كان ينضرب به المثل بجماله بين بنات جيله.
المهم .. الامير ماجد زوجوه ابوه فوق صيته بنت عموه رقية المتعب الرشيد لكن صيته مارضت بهالشي وقالت لزوجه ماجد ردن لاهلي بالاحساء وراحت لاهله وهذا الشي اثر على الامير ماجد لانوه ماتخيل بيوم انوه يفارق حرمتوه صيته
وقال هالابيات لاخوه الامير عبيد الرشيد :-
[poem=font="Simplified Arabic,5,white,bold,normal" bkcolor="transparent" bkimage="" border="double,7,white" type=1 line=0 align=center use=ex num="0,black"]
ياعبيد انا من شرب ألأمرار رويان=وعيشتي يا عبيد ماهي هنيه
من قولتك ياعبيد ابوك زعلان=والعين عن نوم الخلايق امعّيه
قولوا لصيته تنحر العصر( سلطان)=لما ندوّر باكر ٍ له مطيه
ماهو طلاق ٍ روحته مار زعلان=يلزم تجيكم صيتة الخالديه [/poem]
المقصود بسلطان بالقصيده .... اخو الامير ماجد سلطان الحمود الرشيد
وبعد ماراحت صيته للاحساء اشتاق له الامير ماجد الرشيد وقال هالقصيده وهي من اشهر قصائد السامري بحايل
[poem=font="Simplified Arabic,5,white,bold,normal" bkcolor="transparent" bkimage="" border="double,7,white" type=1 line=0 align=center use=ex num="0,black"]
يادار وين الحبيب=اللي سلامه هلا
عيا القمر لايغيب=حن الجمل واعولا
عيت جروحي تطيب=من حب ابو ذبلا
صينه وماله وصوف=الا ضبي الفلا
او القمر باالنصوف=او هي بعيني حلا
الراس مثل الرطيب=من كثر مايعملا
يمشط بمسك وطيب=والعنبري والهلا
والعين مثل الغدير=من كثر ماتكحلا
ياسالم واركب لبوك=اللي يجي ماهلا
والله لركب كروش=ويقال ماجد جلا
لم القرايا لطوف=والشرب من ذبلا
يامكرمين الضيوف=يادافعين البلا
لاتقطعون الشفوف=خوفوا من المعتلا [/poem]
وزادت حالة ماجد الرشيد سوءا ً ولاحظ عليه عموه الامير محمد العبدالله الرشيد (( المهاد ))
وسألوه اشبك ياحمود عاد الامير حمود جاوبوه بهالابيات :-
[poem=font="Simplified Arabic,5,white,bold,normal" bkcolor="transparent" bkimage="" border="double,7,white" type=1 line=0 align=center use=ex num="0,black"]
يامير ياخيالهن بالعجاجه=يامير يازبن الضعيّف الى جاع
من غيرك الحكام توسير عاجه=تلعب به الجهّيل بي روس الأصباع
لي حاجة ٍ وأبداه لغيرك سماجه=والله الى منه نوى ضايع ضاع [/poem]
عاد الامير محمد المهاد درى بسالفة ماجد وشكثر هو مشتاق لحرمتوه صيته
واصلح بينهم الامير محمد المهاد وردهم لبعض والتم الشمل من جديد وكانت صيته ام اغلبية عيال الامير ماجد .
ولمن توفت صيته حزن عليه الامير ماجد لكن بنت صيته منيرة الماجد حزنت عليها حزن شديد
وقال الامير ماجد هالابيات :-
[poem=font="Simplified Arabic,5,white,bold,normal" bkcolor="transparent" bkimage="" border="double,7,white" type=1 line=0 align=center use=ex num="0,black"]
منيرة تصيح وغثتن بالجهاله=تقول وين امي على طول ماطال
امك خذاه اللي عزيز جلاله=اللي يبدل ساطع الشمس بظلال
وخانتك يالموت مابك جماله=ياشــــين ماتاخذ رُبيعك بالأمــهال [/poem]
صيته : هي صيته بنت هتيمي بن منديل , امراء العمور من الخوالد " وقبره موجود بمقبرة البويضاء الواقعة الى الشمال من برزان
عيال ماجد الرشيد من صيته الخالديه هم :
1- سليمان 2- عبدالله 3- جوزاء 4- منيرة
5- طريفة 6- نورة
ويعطيكم العافية على المتابعه
انتظرونا بسالفة اخرى ... لكن منقولة :)
تحياتي للجميع
