الا ياليت ربي يوم سوى ****عبيده حط للطيب علامه
هذي قصيده للشاعر ابراهيم بن زيد المزيد من الشعراء المعاصرين
هو له قصايد في جميع مجالات الشعر
ولكن هالقصيده عباره عن نصيحه يبين فيها شرايح المجتمع واشكال الناس اللي يقابلون الشخص
وانه ماينغر بالمضهر لان الرجل ما يعرف الا اذا هرج (من شان كذا الشيبان يقولون للواحد<<<خلك صندوق مغلق)
المهم هالابيات اللي انا بوردها مميزه .... واتمنى انها كتبت من قبل
[frame="7 80"]يقول الشاعر
لقيت الناس ما منهم سلامه###لزوم يلحقك منهم ملامــــــــــــه
ولا تحسب حلالك لو تبيده###يبي يحماك من هرج الفـــــــــدامه
بذرت الجود في من لا جزاني###سوى ذم الا هبت ولامـــــــــــــه
حقود القلب نقال الوشـــايا###هذور مهنته نقل النمامـــــــــــــــه
الا منه طرى له ماطــرى لــه###تكلم ما يثمن وش كـــــــــــــلامه
يقوله يزعم انه مــــــــازح بــه###وهو ينقض ويفتل في عدامـــــه
دخيل الله من هرج السملـــق###الا بالهيذوان اطلــــــــق لجامه
الا يا ليت ربي يوم ســـــــوى ### عبيده حط للطيب علامــــــــه
على شان الذي بالناس جاهل###عبيده يعرف الحر من برق الجهامه
لاجل في الناس شيطان ملبس###ولو لوى على راسه اعمامـه
يغرك بالســـــــــــلام وبالتحفي###وهو شيح وجثجاث طمامـــــه
مثل هذا تحـــــــــــــذر منه جدا###ولا تدني مقامك من مقامــــه
وبعض الناس في ممشاه رافض###يختل الناس في قل اهتمامه
يحني لحيته كنه امطــــــــــــوع###ولا يفرق حلاله من حـــــرامه
حذراك لا تحطه لك ضنيـــــــــنه###ترى ذاك الطمع منه السلامه
وبعض الناس يبدي لك نصيحــه###ولكن ماتـــــــعرفه وش مرامه
وهو مامقصده نصح ولــــــــــكن###يبي يلبسك للحاجه لجــامه
والا منه قضابك مــــــــــــــايريده###اخذ ســــدك وضربك المهامه
وبعض الناس يوريك المحــــــبه###وارق من البريسم في تمامه
الا قام يتمســــــــــكن بالتلفظ###تقول اطهر واصح من الحمامه
وبعض الناس محمود السـجايا###رقـــــــــا العليا بعزمه والتزامه
الا منه بدى لك فيـــــــــــه لازم###قضـــى لازمك ماثمن حطامه
كما انه وافي فـــــي كل خصله###عريب الجد خاله من عمـامه
اسال الله يرفع كل خــــــــــــير ###عن الخذلان لا يهفي مقامه
قضى نضمي ومالاق بضمـيري###حلاة القيل مبداته ختامـــــه
اقول الناس مشكاهم على الله ###لزوم يلحققك منهم ملامه[/frame]
وسلامتكم...
واتمنى انها تعجبكم القصيده
