قصيدة الذاهبه (والرد عليها)
قــصــيــده الـذاهـبــه..ورد عـلـيـهـا
السلام عليكم ورحمه الله وبركاته
حبيت انقل لكم
قــصــيده (( الــذاهـــبـــه))
للشاعــــر
ناصر القحطاني
والرد عليها
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
الله اللي راد والعقده قضاها اللي عقدها=لا على الدنيا السلام ولا لباقي العمر زينه
الفضا ما كنه الى خيمة طاحت عمدها=والفرح ما كنه الى شيخ انقصت يدينه
والعمر قطعة زجاج انكسرت ولا طال امدها =والعرب في العيد بدموع اليتاما مستهينه
والشوارع لفها ثوب الظلام اللي هجدها=والبيوت أطلال من عقب المحبه والسكينه
والشتا والليل والبرد والسما يصرخ رعدها=والعيون اللي ورا الشباك مذعوره حزينه
طولوا في الكهف الأصحاب وبقت روحي وحدها=كنها في كوكب ثاني خلا من ساكنينه
الوداع اللي بعلم لعيني اعبر من رمدها=والوداع اللي بلا علم لقفص صدري غبينه
والوداع اللي بلا رجعه عليٌ أمرٌ وأدهى=والله انه غرغرة سم وسكاكين سنينه
والعنود اللي جفيت الناس والدنيا بعدها=مدة الفرقا لغاليها وهي تعطي الثمينه
وينها كيف اتركتني ليه ماجت في وعدها=والقمر لا طل خابرها تجي بيني وبينه
رحت انادي واتلمس في مهب الريح يدها=كني احصان بلا صاحب طوى البيدا حنينه
رحت أصيح الصبح وينه والعرب ما رد احدها=ما سمعت إلا صدى صوتي يقول الصبح وينه
كنهم من يوم ذيك الشمس غابت عن بلدها=طلعوني في النفود وصكوا ابواب المدينه
كنهم من يوم ذيك الذاهبه محد وجدها=كل رجال من الشرهه قلع في الدرب عينه
أثرها ماتت وماتت كل فرحه في مهدها=والربيع اقفت به اللي كانت التاج لجبينه
جاورت عقب الحدايق حفرة ماأقسى لحدها=حفرة ماني مصدق كيف ضمت يا سمينه
للحزن فيني مثل ما للطهاره في جسدها=ويش اسوي لا فتشت اللي لها وسط الخزينه
زخرفت حلم وبنت له مسكن وسمت ولدها=آآه لو غرد ولدها في خميلة والدينه
عاهدتني وظفرت بيمين أقوى من عهدها=والصبي لا خير فيه كان ما نفذ يمينه
ما تتقى عن رثاها عرق أقتض بشهدها=ولا تبقى خلف قضبان الجفن عذراء سجينه
كيف عند العالم ايام العزاء محصى عددها=ولا انا طالت شهوره والله اعلم كم سنينه
لا الثرى فيها نبات ولا المشي خفف نكدها=لا السما فيها طيور ولا البحر يمه سفينه
لا القمر هذا مساه ولا العصي هذا رغدها=لا الزهر هذا شذاه ولا الذهب هذا رنينه
قا لوا الشيخ الفلاني مرجع القوم وسندها=قال يبشر با العوض والعلم جينا ناقلينه
ساق لك بدر البدور اللي نشدها من نشدها=جادل هزة عروش وخيبة روس ذهيله
قسمها في رسمها في جسمها الافي رشدها=واسمها ان جا للغضب قومه على الالسن رطينه
أترك الناي وعطية شيخنا غنا لسعدها=وانبسط يا عم وانسى اللي ورى التربه دفينه
قلت ولصدري تناهيد تروع من شهدها=آآه وا ويلاه من يجذب على قلبي ضنينه
خلوا اغلى ذاهبه ترعى ربيع اللي فقدها=والعطا راعيه محدن صوبه الله لا يهينه
لو ظمنت الجنه و تفاحة القلب وشهدها=قلت من بكره عسا مجنونها تاقف سنينه [/poem]
وهــذا الرد عليها
للعلم ان كاتب القصيده مجهوول على حسب علمي
واليكم الرد
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
الله واكبر غربه الايام يا مكثر لددها=تتعب الرجل الشجاع وتخلف النفس الرزينه
والعيون اللي تنوح ومطول فيها سهدها=ساري فيها الغرام وباقي للشوق عينه
هزت القلب الحزين ولا صمدها من صمدها=واسدلت رمش المحاجر والظلام ارعب خدينه
ليلة الظلما تخيف وخيرها للي رقدها=يستهيف بها المزاج وجرحها ينزف وتينه
والحلوم اللي حلمنا ماقعدنا في نصدها=يشهد الله ما ستهنت ولا نبي النفس المهينه
خيمه الحرمان بنيت بس من ثبت وتدها=لو تلوف بها العواصف ثابته تبقى حصينه
غابت الشمس بضياها واظلمت وابدت صددها=والنجوم لها مع الشمس الفضاء وقفه ثمينه
في نظر عيني ظلام وطيبها يسبق حقدها=مؤمنه بان القدر يكتب لها زينه وشينه
عاده المسلم صبور وسجدته لا من سجدها=تثبت انه صامد في كل حزاته وحينه
هكذا الدنيا تدور ولا ذكر حي حمدها=يستصيب بها المصاب وكم قصاوي تهينه
والوداع اللي بلا رجعه صحيح امر وادهى=والوداع اللي بشوف العين هذيك الغبينه
حققوا فيها الطموح وخففوا عنها جلدها=ربما انها تارد المارد وتنهل من معينه
مال ذلك العلم طاري والموارد من وردها=ينهل الشهد الزلال وينصرف والله يعينه
والحمام الي ينوح ومهجه الشادي بجدها=هز مفجوع الضمير وتاق له واظهر كنينه
كل ماغنى بصوته عذب النفس ولهدها=والنفوس همومها مثل الجبال المستبينه
لو تفيق الذاهبه من نومها صاحت جهدها=لجل غاليها تسير ولو تجي عنده رهينه
للوفاء فيها مرام وجودها ينفي حسدها=يا صباح الخير يا صبح تبسم من جبينه
ورردة بين الزهور ونودها يطرق جعدها=شاقها جو الجنوب وفوقها هلت غشينه
من يطيق فراقها ليصار باريها قصدها=كود صبار على الشدات وضلوعه متينه
الرجال بعزها والخيل تفدى من وجدها=والبحور امواجها ما تنحني لاعظم سفينه
ماعلى الدنيا ظمان ومن بغاها ما طردها=ليه يالنفس الجزوع وهيه يالنفس الفطينه[/poem]
