من قصائد العوني

السلام عليكم ورحمة الله وبركاته

(الله يستر بستره مادري هي مكرره او ...لا) هذه القصيده للشاعر محمد العبدالله العوني قاله عندما حدثت بعض الخلافات بين ابناء قبيله شمر ورحيل بعضهم عن مدينه حائل ....يقول العوني :


[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
مضى اللي وأنحن النجوم وقام =وضوء النهار يقلع بسناه ظلام
وأنا ساهر ٍ ما لاقت العين بالكرى = أدير قالاتهن وهن عظام
وأقلب الحيلات وأشتري رفاقه = بعادي يريدون الحريب حيام
هم سيفي القاطع لزامة الثنا = وهم لكل النايبات حزام
نخيتهم والضد عندي ودونهم = وتمنيت لو هم يسمعون كلام
وتمنيت لو يشوفون خيولٍ تذودنا = وتضرب بأطراف البلاد جهام
مناديب أنخاكم تردون ماجرى = على كلمةٍ بأثر الفهود همام
حيلٍ رعن الحاجزين وأوردوهن = لين غدن مثل الفحول جسام
هن منية المنيوب هن غاية المنى= هن ليا دعاهن الهجيج شهام
سيروا عليهن يا العوادي = وبالكم تنامون وأنا ما أنام
سيروا كفاكم شر مابان وأختفى = على ظهر خمس البطون ظيام
شاشن من صيحات علوى ساقمه = من الشرب والمرعى جدن عدام
وأركبتكم من فوقهن عقب جفلهن = يا عزوتي سمح الوجيه كرام
وليا أقبلن بكم تباكوا على النظى = وأنخوا وقولوا يالأيام نيام
أصحوا فرق الله شملكم =تراكم نيام والسباع حولكم تحام
ترى لهم عادةٍ لو سمعوا الندا =يجيبون صوته فازعين شمام
تعدون ماشفتوا وشافت عيونكم = وتبدون بالهرج المصيب قوام
وتقولون من الضيم ينخاكم شيخكم = غلامين ماعقب الصياح مقام
تنخاكم السمراء وعكاش والحمى = وأجا وجلديه ترد ملام
وسلمى تنادي وين الأسلم وصيتهم = و دعت على قلوب السامعين حطام
تصيح يا برغش على سالفة مضت = عزاه ماتدري عليا هدام
جونا أهل العوجه كما السيل المنتهي = يريدون دين والديون قدام
وتمنيت لو الموت زارني قبل ذا = ولا أشوف بين الهضبتين خيام
يا ليت عينٍ للسناعيس وايقت = تنظر ثرى السمراء عليه ستام
غلبا بني عمي وعدتي وركني = غلبا ليا شط الحريب وزام
غلبا كل شي يباع ويشترى = سوى الطيب يبقى للرجال دوام
غلبا بكيت وصاحت الدار بعدكم = ونخيتكم وأنتم بعاد مرام
يقول اللي خفراتكم وين دارهم = ودموعهم فوق الخدود نظام
ويصيحن وينخن وين شمر ذرانا = وبأقدامهن عقب التراب لجام
غلامين قوما قومة الليث كلكم = ليا ثار بمزح وبهدٍ وقام
وين الطنايا وين كسابة الثنا =وين الجموع اللي تقل نظام
وشيب عيني مابعد اليوم شفتهم = على عين مزحومٍ يعض إبهام
قلته وأنا منهم وأمد حقوقهم = ومالي وعمري للزوم زحام
وأنا صلب عبدالله وأنا ستر من بكى = و لو مالي عزوةٍ وعمام
عيناي لا تبكي فرقى رفاقتي = مدى العمر يقلب دونكن وينسام[/poem]

خالد فرج الشمري

يستر الله :)

لاهنت على هذا الطرح المميز

سلمت لك تحيااااااتي

تسلم على هالنقل الطيب
ويعطيك العافية
هالقصيد اللي ذكرته قاله العوني بوقعه ياطب بين ابن رشيد والدويش وشمر اكسروهم (( كفو الله يالطنايا )) ولوه قصيده ثانيه اللي هي باضافتي لموضوعك
..
..
واسمحلي على الاضافه اخوي خالد :-
قال العوني هذه القصيده اثناء تنازع ال رشيد على امارة حائل بعد مقتل عبدالعزيز الجنازة .. في ظل تلك الاحداث قام الملك عبدالعزيز ال سعود بارسال فيصل بن سلطان الدويش على راس جيشه الكبير لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش وجيشه امام ابن رشيد ، قال العوني مخاطبا قبيلة شمر على لسان ابن رشيد :-


عزي لقلبٍ كل ما طرف الليـل .......... عليه صـارن الدقايـق جلايـل

واعتاظ عن طيب الكرى بالتعاليل .......... بافكار واذكـار وقـول وقايـل

والعين كن ابموقها يـدرج الميـل .......... عيت تطيق النوم من فور جايـل

على بني عمي اسنادي عن الميـل .......... نطاحة الكايـد اكبـار الحمايـل

اقفوا كما مزنٍ ثقيـل المخاييـل .......... من زاعج الغربي حدر له شعايـل

شمر مقابيس المنايـا هـل الخيـل .......... عصمان الاريا مقحمين الدبايـل

يا دار وين أهل المهار المشاويـل .......... اهل النزول اللـي تعـز النزايـل

بكيتهم يوم ارتكى فوقي الشيـل .......... وذكرتهم يو اقبل الضـد صايـل

وصاح الصياح وطوحن الهلاهيل .......... وهلت ادموع معكرشات الجدايل

وقلت ابشرن ما دام بالعمر تمهيل .......... ما دام ما رزت علينا النضايـل

لا تبكين الوحدة قِل الرجاجيـل .......... ما دام عيـن الله علينـا تخايـل

وظهرت أنا باسم العصاة المشاكيل .......... لو هم قليل يدركـون الجمايـل

هم حاصلي لا كملنّا المحاصيـل .......... غوش الجبل خزني غلامين حايـل

باعوا عزيز العمر دون المضاليـل .......... وحموا حماهـا مقدميـن الفعايـل

قالوا عليهم قلت يزجوا اهل الخيل .......... وقهرتهم غصب ووردوا غلايـل

واذنيت هجنٍ يقربـن المحاويـل .......... هوج هجاهيج اهجـاف نحايـل

عليكم يطرب قلـوب المراسيـل .......... خفقات رفقات صلاب جلايـل

قلايص عوص صعاصع شماليـل .......... من سلسلة نسل السباق السلايل

الصبح مدن كنهن جولـة الريـل .......... رفيحٍ علت من فوقها ارجال حايل

وصبح اربعٍ تلفي نزول كما الليل .......... شمّر إليا عدت فـروع القبايـل

أدنى بالادنى خبروهـم بتفصيـل .......... لا تسفهون اصفارهم والجمايـل

ولازم إليا شافوا اركاب مقابيـل .......... تلزمهم النشدات عن سكن حايل

قولوا لهم يا مقبلين علـى خيـل .......... نجد واهلهـا يطلبـون الاوايـل

جونا هل العارض جموع كما الليل .......... يبغون دار هابهـا كـل عايـل

وجرى لمنا يومٍ يا طب به الشيـل .......... يطيح ما تشنى عليهـا الرحايـل

واضفا على عكاش مثل الهماليـل .......... يا طول ما حنـا لهـم بالاوايـل

وين الطنايا ؟ وين شرابـة الهيـل .......... وين الرجال اللي تشيل الثقايـل؟

وين السيوف اللي نعدل بها الميـل .......... وين الرماح اللي ترد كل عايل ؟

وين النشاما والعصاة المفاليـل؟ .......... وجميع من ضربه تضيع الدلايـل

نشرب بهم صافي القراح الشهاليل .......... وننزل بهم غصب على كل طايل

تذكرتهم يوم ارتدم فوقي الشيـل .......... ونخيتهم يوم اقبل الضـد صايـل

غلبا ترى بلدانكم لبست النيـل .......... تنخى الرجال المكرمين الاصايـل

تنخى اهل العادة كرام الاسابيـل .......... يوم التعازي والدخن له صلايـل

قلته وانا معكم على العدل والميل .......... لعل ما نعتـاظ عنكـم بدايـل

تمت وصلوا عد وبـل المخاييـل .......... على نبي الحـق مـا زال زايـل
..
..
اسمحولي عالاطاله
واسمحلي مرة ثانية اخوي خالد عالاضافة
والله يستر لاتطلع اضافتي مكررة :)
منقووووول
تحيااااااااااااااتي

[align=center]سلمت الانامل على الجلب الطيب
والف شكر للاضافة التي اضافها الاخ الفاضل
دمت بخير
اختك 00 المهرة[/align]

الاخ متفائل حيّاك الله ومشكور على مرورك

الاخ الزقروطي يعطيك العافيه واتمنى انك تقرأ موضوع للاخ بندر الشمري اسمه كون ياطب ومشكور مره ثانيه

الاخت المهره حيّات الله ومشكوره على مرورت

الله يعطيك عافيـــــة ابو خلوووووووووود لاهنت :)

انس سالفة التكرار يابعدحي وخله على شنق:)

تحيتي لك

والسلاااااااام ...
..

حيّاك الله ياخال وابشر نسينا الموضوع .....كم تدفع :)

((( آخر تعديل راعي الوقيد يوم 27-07-2005 في 03:20. السبب: ازرق واسود عوووذأ ))) هههههههههههه

الله يعطيك العافيه ومشكور على المرور