قصيدة ابو جري ببن عجل

[align=center]السلام عليكم ورحمة الله وبركاته

اعجبتن هالقصيده وهي لابو جري شاعر من قبيلة مطير
يقولون نزلوا عليه عبده من شمر وشيخهم جزاع بن عجل الله يرحمه
وخذوا فتره متقاصرين وشاف حلو القصره منهم واستانس بقربهم
جاء بعد فتره وهو يرحل الشيخ جزاع وربعه
يقولون يامار انت يابو جرى يوم شافهم اقفوا وهو يبكي وهو يدخل عليه ولده جري
قال وش الي يبيك يبه
قال ابو جري[/align]
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياجري دن لي القلم كان تشفين=قلبي على قرب الاجاويد عاوي
هات الدواة وهات لي من يحاكين=مادام بالي للتماثيل ناوي
نقول قولٍ للشيوخ القديمين=ابريك هو والعرفجي والفراوي
شدوا هل المعروف ياجري مقفين=هل الرباع محرقين القهاوي
شالوا على العتلات ماهن قعادين=طوال الخطا ماهن رحايل شواوي
ياجري دوك العجل راحوا مقفين=دونك سلفهم مع هاك الريع هاوي
استجنبوا ياجري مثل الشياهين=يتلون قطعان صخاف مهاوي
خيل وقطعان عليهن تقل طين=وكل افتخ قرم شجاع صخاوي
ياما رعوا من خايع باول اللحين=غب المطر ياجري قفر سماوي
يتلون من يصبر على العسر واللين=شيخ على عسر الليالي يلاوي
جزاع شوق الي يحط السباهين=له منزل بيّن ولاهو دناوي
ويدلهون الي نزل مامعه شين=ويزبنون المجرم اللي جلاوي
قاصرتهم ياجري عشر وثمانيين=كنه ربع يوم على الي شفوي
ودي بهم ياجري لوهم تعيبين=لاشك ماعانق هل الخور شاوي
بغيت اشيل وصار مامن بعارين=اهل الندى شالوا وانا اجلدت ثاوي
للجار سخلين وللضد نكدين=فرسان وان جت بالعريني هداوي
ماسميوا عكوز ربع ضريرين=سنانات مكدين العدو بالاهاوي[/poem]

[align=center]
اخوكم مشعل الغفيلي[/align]

ونعم والله ببن عجل وعسى الله يرحمه ويرحم اموات المسلمين

وعزالله مادمعت عينه الا من مرجله شافها ولا ماتحسف على رحيله

تسلم يالغفيلي

وهذي عوايدك دوم تجي بالزين

لاعدمناك

تسلم يالغالـــــي على هالقصيدة الراااااائعة:)

لاهنـــــــت يا شوق البنــــــت:)

تحيتـــــــي لك ،،،

والسلاااااااام ...
..

[poem=font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
قاصرتهم ياجري عشر وثمانييـن=كنه ربع يوم علـى الـي شفـوي[/poem]
بزعمي انه شفاوي ماهو شفوي ..والنعم والله بالفضيل وابن عجل على راسهم
تسلم يامشعل والله يعطيك العافيه

[align=center]حياك الله يالمطنوخ

والله يرحم الجميع

وبالفعل مثل ماقلت العلوم الغانمه هي الي تبكي

شرفنا مرورك[/align]

[align=center]ومن قال يسلم يامشرفنا

وشرفنا مرورك
واسعدنا تعقيبك
لاعدمناك[/align]

[align=center]حياك الله يابو فراج

وعزالله مثل ماقلت

تسلم على هالتعديل
لاهنت[/align]

[align=center]ومن قال يسلم يالميسيسبي

وشاكرين تعديلك واضافتك البيت

لاهنت يالطيب[/align]