ردّيه التوجد بين بن مدعث الدوسري والفراعنه

[align=center]وهذي قصيدة الشاعر خالد بن مدعث الدوسري وهي ( توجد ) ولقد جاراه الكثير من الشعراء مثل : ناصر الفراعنه و مطلق بن شوية السبيعي و عبدالله السليس ومهدي بن عبار وغيرهم من الشعراء :

[poem=font="Simplified Arabic,5,black,normal,normal" bkcolor="transparent" bkimage="backgrounds/33.gif" border="solid,4,gray" type=2 line=0 align=center use=ex num="0,black"]
كل ما فاضت عيوني باشت الأضلاع غنا=الموارد في الضلوع وكل ضلع في ونه

والتمني ما يحقق هقوت القلب ان تمنا=بس قلبي ما يداني تبعد الهقوات منه

وا وجودي وجد من جلي عن دياره مجنا=تو عمره عشر واربع والليالي ما تحنه

ما وراه إلا عجوزٍ واخته وعود مسنا=بين فقر وبين دين وبين ضيم وبين منه

ما ذبحهم غير دمع من الغبينه ما يكنا=ويل من سود الليالي بالمصايب يبتلنه

راح مثل الذيب وهبلته حياة الذيب ظنا=وآمن والموت يومه بين مخلابه وسنه

راح ينقل دم قلبه وان ضواه الليل ونا=الذيابه مروحاته والسيوف يدورونه

ليا ذكر دم القرايب عانق البيدا وثنا=وان تذكر ضحكة امه زاغ قلبه من مغنه

ما يلوعه في حشاه إلا ليا شاف البرق سنا=غاب عشر اسنين ما به من يرد العلم عنه

ان حداه الخوف منا هزت الأشواق منا=يوم طال الوقت عود للديار اللي ربنه

قال ما دام المذله والبلاوي يبتلنا=والله ان الموت في الأوطان بين الربع جنه

يوم وقف في المنازل ما لقى بيت مبنا=غير بيت للهبايب والذواري يلعبنه

راح يمه كنه اللي ضاربه رمح مطنا=وعذابه ما دري ان اسهوم بقعا يحترنه

يوم قرب سمع له صوت من العله يحنا=حصل امه عندها ضيف يقول الموت سنة

قال يمه قالت عيوني من الدمع انعمنا=قال ابويه قالت اطوال النصايب قد خذنه

قال واختي قالت اقفى القوم باختك مع ظعنا=قال ربعي قالت اسنين المجاعة فرقنه

قال جيتك قالت ان الموت ما ظني تونا=واستلمها نازع الارواح روحن مرجهنه

ثم صاح من التفرق صيحة اللي فيه جنا=دق صدره وانطوى من حر ما به طي شنه

كل هذا حال قلب من خلقه الله معنا=الهموم يوكلنه والروابع يوكلنه

ليه ادور للسبايب والسبب فينا ومنا=النفوس وما تسوي واليدين وما حصدنا

لا تسودنا الخطايا نلحق الشرهه زمنا=ما جزانا إلا عملنا والخلائق يثبتنه[/poem]

وهذه قصيدة الشاعر الرائع : ناصر الفراعنه :

[poem=font="Simplified Arabic,5,black,normal,normal" bkcolor="transparent" bkimage="backgrounds/40.gif" border="double,4,gray" type=2 line=0 align=center use=ex num="0,black"]
كـل مـا فـاضت عـيوني نجر ابن حربان دنّا=فـي ضـلوعي يـسمع اللي من ورا بغداد دنّه

يـوم ابـن مـدعث لنا سنّ الوجود الحقّ سنّا=وا فـوادي كـنّ دود الارض يـرعى في مسنّه

وا فـوادي لـو تـضنّى يابن مدعث ما تضنّى=كـنّّه الـمجدور عـقب الـجور مـرميٍٍّ بعنّه

اشـعل الـتنباك مـن خـلقته مـا شبّه و كنّا=مـير كـنّّه مـن عـجاج فاح من صدره يكنّّه

وا وجـودي وجـد مـنهو عضّ بابهامه وحنّّا=واحـدٍٍ شـاف الـثلاث الـبيض سودٍ مستجنّه

شـاف قـدّام الـخيام خـشيف ريـمٍ مرجهنّا=وثـوّر الـبندق يـبي صيده وراغ الخشف عنّه

اطـلق اربـع عـقبها اربع ثم سمع صوتٍ يونّا=واثـرها امّـه صـابها طلقه و طار العقل منّه

واتـهموه بـذبحة امّـه لـيلة الـعيد و تجنّا=اتـهمته الـناس و صـدوف الـمقادير اتهمنّه

قـالوا اخـوانه تـرى مـنّا بمنك ولا انت منّا=يـفرق الله بـيننا و بـينك عـسى مالك مظنّه

لـك ثـلاث ايـام من ذلحين و ارحل من وطنّا=عـقبها تـخطر عـلى راسـك مضاريب الاسنّه

ودّع مـريته وتـوْ بـنته صـغيره مـا تحنّى=تـوّها ام اربـع شـهور و في لحَمها زود لنّه

ركْـب غـوجه و انـقلب قـبله بـليلٍ ما تونّى=والـحمايا مـن خـلافه ارخـوا حْـبال الاعنّه

الـمـطايا و الـسـبايا مـن خـلافه عـمدنّا=والـمـنايا سـجّـدٍ قــدّام عـينه يـحترنّه

كـل مـا عـنّز عـلى قـومٍ وطنّ الراس طنّا=قـالوا اذلـف ذابـح امّـه لـعنبونا لـو نحنّه

ذابـح امّـه لـو زبـنّا عـدّه انّـه مـا زبنّا=لـعـنبوك بْـيوت قـومٍ ذابـح امّـه زبـننّه

الـجمالة مـا تـجمّل فـي ولـد حـرٍّ تـدنّى=مـيـر دوّرغـيرنا وانـحش بـقلبك لا نـدنّه

وانـقلب مـن عـندهم كـنّه على محماس بنّا=يـمّة اهـل الـغوص عـجلات الركايب وجّهنّه

ركْـب بـابور الـبحر و دمـوع عـينه يذرفنّا=فــوق خــدّه كـنّهنّ اذواد بـدوٍ مـرثعنّه

يـوم حـلّ الـليل اشـرعة الـسفينه دودلـنّا=و الـهبايب مـا يـخلّنْ مـحبلٍ مـا دودلـنّه

قـام ربّـان الـسفينه قـال يـا نـاس امتحنّا=قـوموا ادعـوا ربّـكم عـلاّم ما وسط الاجنّه

قـال شـيخٍ مـنهم الا عـندي الـراي المطنّا=ضـحّوا بـواحد عـسى الله يـنقذ ايدينٍ رجنّه

و طـاحت الـقرعه على اللي ذابح امّه ما تتنّى=ثـم رمـوا بـه فـي ظلمات البحور المستكنّه

و ادبـحوا عـنّه وهـو في غبّة الموج يتثنّى=ثم عرض له من وحوش القرش جرجورٍ و صنّه

عـضّ جرجور البحر ساقه و صايح و استجنّا=ابـك لـولا الله كـلاه الـقرش مـا يسلم مطنّه

وفـي ديـارٍ مـن بـلاد الهند بين انسٍ و جنّا=مـن فـضل ربي عليه اطراف الامواج احذفنّه

ومـثل مـا قـبل امس متهومٍ بذبح امّه معنّى=اتـهـموه بـذبح سـلطان الـبلاد الـمطمئنّه

و فـي السجون المظلمه خمسة عشر عامٍ قضنّا=مـع ثـلاث مـا قـضنّ الا عـقب حاله قضنّه

لا سـمع ورقـاً تـغنّي جـرّ مسحوبه و غنّى=وكـلّ مـغنىً يـزعجه غـصبٍ يجي تاليه ونّه

ولا طـرته بْـيوت قـومٍ فـي الـخلايا يرفعنّا=دار دولاب الـدبـا الـدالوب دولابـه و زنّـه

وكـل مـا برقٍ سرى شرقٍ صدوق الغيث شنّا=كـن قـلبه فـوق سـبق طـيور بـرٍّ شطرنّه

عـقب مـدّه جـاه مـن داره نـذيرٍ مـرثعنّا=قـال انـا جـيتك بـعلمٍ والله انّـه والله انّـه

حـرمتك مـاتت لـها عـشر سنواتٍ قد مضنّا=و الـبنيّه مـعمسٍ تـقرع عـليك قـراع شنّه

عـمّها عـزّر بـها فـي وسـط بيته ما تهنّى=خـادمـة نـسوانه الـثنتين و الـلي ضـيفنّه

ثـم زوّجـها لـبو سـبعين عـامٍ مـا انقصنّا=شـايبٍ يـطرب خـفوقه لا سـمع للقرش رنّه

يـوم سـمْع هْروجهم فاضت عيونه و ازحرنّا=وسـط سـجنه كـنّّه الـلي ساكنٍ له في مجنّه

قـال يـا ربـعي افزعوا لي من سجونٍ غيضنّا=و قـبر قـلبي الـدمدم آغـادي يديكم يظهرنّه

قـالوا انّـا وش لـنا انّـا والله انّـا مـا شحنّا=غـير بـنتك والاّ مـثلك مـا قـربه بقرب جنّه

وانـتـحوا وعـيون قـايدهم جـنوبٍ خـايلنّا=وهـو ورا سـجنه عـيونه كـلّ نـجمٍ خايلنّه

وعـقب عـامٍ من مجيْ ربعه و سنٍّ عضّ سنّا=اعـفوا الـكفّار عـنّه مـن عـقب سودٍ دهنّه

يـوم فـكّوا قـيد رجـله وانـطلق خاطرْه منّا=و انـفلت يـبغى ديـارٍ مـن ورا نجد اشحننّه

حـثّ سـاقه مـا يـشوف الا بـنيته يوم قنّا=مـن عـقب عـشرين عامٍ في وطن قومٍ مصنّه

ومـن ردى حـظه نهار اغضنْ عيونه و ارقدنّا=فـزّ مـن نـومه عقب عضّه حنش دابٍ بسنّه

ومـن اثـر سم الحنش يونس ضلوعه يطبخنّا=و طـاح عـزّي لـواحدٍ سـود الافاعي طيحنّه

يـوم هـو فـكّر والـى فـوقه نـجومٍ يبرقنّا=وشـاف بـكية بـنته الـلي جـا يبيها بينهنّه

قـال يـا نجوم السما تكفين روحي صوب اهلنا=عـلّمي بـنتي عـن اللي صاب ابوها واستسنّه

اشـهد انّـا مـا بـحلنا فـي الليالي اشهد انّا=مـير حـظي خـانني ثـمْ مات ما به من يقنّه

ذاك وجـده وجـد حـالي فـي وطنّا من عطنّا=مـن هـنوفٍ خـدرها بـيض الهنادي يحتمنّه[/poem]

واسف على الاطاله ووعسى الموضوع يعجبكم[/align]