حلم الطفوله

عذراً لتواضعها وعذراً لقلة المشاركات في هذا المنتدى




[poem=font="Simplified Arabic,5,black,normal,normal" bkcolor="transparent" bkimage="backgrounds/6.gif" border="none,4,gray" type=1 line=0 align=center use=ex num="0,black"]
ماتت الأحلام مع حلم الطفولة=ماتت الأحلام كله في مهدها
من يضم الغيم في لحظة هطوله=كل ما حاول يفاجئ في بردها
وردةٍ ذابت قبل لحظة ذبولة=ما انتشينا من رحيقه او شهدها
اشتكي من جور حبك يا خجوله=اعطفي في حالتي وانهي نكدها
ليت وقتك بس تسمح لي فصوله=ازرع البسمات لعلي احصدها
وان تعذر يعتزيلك بالزحوله= "هل اللحيسا" مزبنن للي قصدها
الطنايا لابتي حازوا البطوله=يشهد التاريخ في نجد وبلدها
قالت ادري ان لكم صوله وجوله=ومن يخاف الله ما ظنه جحدها
الطنايا لابتك من هو يطوله=جمعكم يا كم قومن قد جلدها
اربكتني ثم نسيت اللي بقوله=شتت فكري ثم سارت وحدها
ماتت الاحلام مع حلم الطفوله؟=إلا انا اللي شفت موتي من بعدها[/poem]




دمتم.

[align=center]



وان تعذر يعتزيلـك بالزحولـه

......................ز"هل اللحيسا" مزبنن للي قصدها





صح لسانك على القصيده الجزله لاهنت



تحياتي

شرحان[/align]

[align=center]صح لسانك يالمنسم

والسبعة انعام بهل اللحيساء

لاهنت
وننتظر المزيد[/align]

[align=center]


تسلم يامنسم

رقم اني اشك في هذا اللقب


لان المنسم مايجيب قصيده مثل هالقصيده

هذي مايجيبها الاواحد ماهوب منسم


على كلن


وان تعذر يعتزيلـك بالزحولـه
"هل اللحيسا" مزبنن للي قصدها


ونعم بالجواد


ولكن ماكن البيت بوه ثقل ومغير انسجام القصيده

ياليت تحرص على انسجام البيوت معا بعضها

انا لا اقول الكلام هذا الا للمصلحه

صراحه القصيده ممتازه

وصح الله لسانك

ولاقصرت[/align]

صح لسانك .....وننتظرك بأكثر من مضيف :winking:

[align=center]
و النعم فيك و في كل الطنايا

المنسم999

من يضم الغيم في لحظة هطوله
كل ما حاول يفاجئ في بردهـا

وردةٍ ذابت قبل لحظـة ذبولـة
ما انتشينا من رحيقه او شهدهـا

من يقرأ هكذا شعر ،، كيف له أن يعذرك على قلة المشاركة

بل نطالبك بالمزيد و المزيد و المزيد


صح لسااانك يا عذب

الدهور[/align]

مشاء الله لايزال الشعر النبطي بخير اذا كان

مثل اخي الجزل الشاعر المنسم يكتب هكذا ابيات ابهرنا بها


رائع بما تحمله هذه الكلمة من معاني


في قوة الوصف وفي جزالة المعنى

قافيه شامخه جزله من قلب الوفاء اتحفتنا بها


لله درك ودر هذا الاحساس الجميل في بوحة الصادق


ونعم فيك اخوي ويسلم قلبك وراسك ..


اشكرك على اهدئنا هذه القصيدة المعبره ..


دمت بك صحة وسلامه بإذن الله ..



اختكم : بقاياا الشوق

سرحــان
شكرا على المرور والتعقيب

تقبل عاطر تحياتي

مشــــــعل
ماعليك زود شكرا على هذا المرور والاطراء

احمد الهاجرى
شكرا على هذا المرور والتنبيه
بخصوص الثقل في البيت المذكور ..ماعليك الا ان تنطقه بلهجه شمريه وتشوف
اما الملاحظه الثانيه فاشكرك عليها جزيل الشكر

تقبل فائق التحيه والاحترام ......