قصيده بالامير بندر الطلال
السلام عليكم ورحمة الله وبركاته
هذه القصيده قيلت بعد وفاة الامير طلال العبدلله الرشيد وتولي ابنه الاكبر بندر مقاليد الحكم للشاعر دخيل ابن سكته البناقي :
[poem=font="Simplified Arabic,4,indigo,normal,normal" bkcolor="royalblue" bkimage="" border="none,4,gray" type=0 line=0 align=center use=sp num="0,black"]
يالله ياللي تحيّ العشـــب لو مـــات= مـن مدلـهــم يجعل الســـيل رايـــب
ياعــالم بالــغيــب رب الســــمــــــوات = يامـــــدبر الأشياء مديــر الهبــــايــب
أمس الضحى ونــيت لي تســـع ونــات = والعـاشره منها ضلوعي حطايـب
ابكي على عصــر مضى عقب مافــات = زل الصبا واستقبل العمر شايـــب
قصر غــزير الشوف عن البعـــــيـدات = وغدا عن الهقوات بالقاع رايــــب
غـــدا يتاوم يــــــــوم يلجـــن عجـــلات = شربن زعوج الريح واقفن حطايب
وغـــدا يعاود تيسهـــن عقــب مافــات = وغديت كني من طردهن عــــــايب
ولا يذبح الرجــــال غـــير العفيفــــات = بيض الخدود متعففــــــات الذوايب
هضم الخواصر بالمراقـــد لبيــــــبات = ويدعن للقلب المشقى نــــــــهـايب
وتأخذ عليهن تالي اللــيل ســـاعــات = ومن حبهن يصبح لك البال طــايب
غر الثنايا منهن الــروح مســــــقات =والعقل من زين العماهيج ذايـــــب
ولابغــن شـــي يجـــي بالمـــراضـات = هصر بحد السيف من غـير طــايب
ولاعايزك قيــل ـتجــــيب المــــطمات = تفلج ليامـنك بغيت الطــــلايــــــــب
مثايـــلك عــنـــد القبـــايل عــــــذيات = قولك وقول الـناس ياشيخ صـــايب
مثل الحليب اللي له الـنفس مشهات = والا معــاشر ناقـــضات الـــــذوايب
مـير انــــت للشعــار ياشـــيخ ثــبات = كالجــدي للي يركـــــبون النجـــايب
معهم خيــــال تـالي اللـــيل مابــــات = كـــــونه دعــا ذود المعادي نهـــايب
تسمع رزيمه للجـمــــــوع الثقيــلات = زمايل بليل النظــــا والعـــــــــرايب
وصنع الفرنـــجي والسيوف المحنات = وضياغم يتلون عطـــب الضـــرايب
طلال مات وحـــكمـــه الــيوم مامات = وعسى الخلف بندر مقضي النوايب
مدعي صليب الهجن طول مغـــيرات = والخيـــل قدامــــه تـــدور النـهايب
وقــدر لــكم ماركـــبه كـــل مافــــات = ولاحط من ثقــــــله فليح القصـايب
كـــم فـــاطـــر بيــض فـقاره معــفات = تـــذبح لخطـــار الشيوخ العـــــرايب
بي مسحـــب معــــليه رب السموات = راعيه يوم الطــــيب ماهو بغـــــايب
والطيب لو يمـــوت راعيه مامــــات = والبخل عن راع المــــــروات غايب
ولايـــنفعك زادن كليته ليــــــــــافات = ولا ينــــفع المفـلوج عوج الطــلايب
[/poem]
(النص منقول )
