هذه الابيات رداً على الشاعر / ناصر القحطاني في قبيلة شمر .
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
شمس الوفا للوفا بالنور وهاجه=وزرع الوفا بالوفا لأهل الوفا ثمر
مندوبنا للجنوب خصوص منهاجه=يحمل سلام الوفا من لابتي شمر
للابه اللي مقام المجد هو تاجه=من وقت ركب المهار القب والضمر
قحطان حرار موت الحرب ياراجه=على العدو يشتكي للذل ويدمر
عدوهم ياذكرهم يكثر احراجه=الشاب واللي كبير السن ومعمر
منهم يشوف الوزاء والذل وازعاجه=يامن طبل الحرايب للقاء زمر
اليا حصل بالفعايل حرب ومواجه=حريبهم بالشجاعه ذل مانمر
فيه النواحي تضيق وصعب مخراجه=كان السبايا غباره بالسماء حمر
للفعل تسجيل مجد وفيه هراجه=ماقاله اللي كذب بالهرج ومقمر
وقيل الفعايل لراع الشك فلاجه=تاريخهم ناصع الوجهين ماسمر
ومنهم شهيم ٍ رموز المجد بحجاجه=وافي مبادي لقصر المرجله عمر
وسكن عوالي قصور المجد وابراجه=يبني قصور الشرف والمجد مادمر
رقى لقصر ٍ طويل وصعبه ادراجه=حتى وصل قمته بالدرب ماخمر
يفداه منهو ضعيف الناس هلباجه=اللي على الجود واهل الجود يتأمر
يوم غابت الشمس قام وولع اسراجه= وذكر خفوقه على برزان ومسمر
ولولا الوفاء ماذكرله بالمثل حاجه= وافي ويلقى الوفا منهو نصى شمر[/poem]
