من اصعب القصائد العاميه...(الحلحلية)
[align=center]قصيده أعتقد أنها من أصعب القصائد العامية وهي للشاعر فهد ابن أحمد من أهالي إقليم سدير في السعودية توفي قبل ثلاثين سنة تقريبا
وإليكم القصيدة
[poem=font="Simplified Arabic,5,white,normal,normal" bkcolor="transparent" bkimage="" border="outset,4,gray" type=1 line=0 align=center use=ex num="0,black"]
يقول ابن أحمد الحيدان،حالـي حالـة المجـروح=وألا ياأحوالهم ناحوا وناح الوقت ونحـت ونـاح
ألا يالوح قلبـي لـوح ليـحٍ صابـه اللاحـوح=لحاه الليح مع طول اللحـاح والهـوى بـه لاح
أنا من حين هاك الحين حوليـنٍ وأنـا مطـروح=طريح الحب حالي ناحلة مـن راحـل المـرواح
وياحاصولهم لا حوّلوا بالصـوح ولابالصـوح=يحول بالحبل والحبل حل مـن الحبيـب وطـاح
ذبحني حب حـال الحاليـة بالحاجـر المملـوح=حناني حنيها بين المحاجر مثـل حنـي رمـاح
حلوٍ شفاه حلا لينـة حـلا لينـة بحـل نجـوح=إلى وضِّاح مثـل وضـاح لاحـم ولا طفـاح
أنا إن حنيت ماحنيت وإن حنيـت شلـت النـوح=كما حنـة حيـام فـي حمـاد ناحريـن رمـاح
وألا ياروح روحي يابعد روحي وريح الـروح=تروح الروحة اللي راحت بروحي مـع الأرواح
تحمّـل لـه وحمّـل حرامـيٍّ بـلا مصلـوح=عسى جحيم الحامية إلـى حمـت فيهـا يـلاح
عسى من حال واحتال وتحيّل بالمهـا المكلـوح=يحرول ويتحرول حيل حيثه ماسعـى بإصـلاح
حرمنا مـن منيحتنـا منحهـا واحـدٍ ممنـوح=حلب لي حلبة حلوة وطاح إبها مِحْمِـد الأجنـاح
ألا ياصاحبي وإن حال بك حالٍ فـرح مسمـوح=حددني عنك حد الحد وأنت إحلـم علـى مـاراح
حلمت البارحة حلمٍ إلاي وصويحبـي بصطـوح=يحيي بي وأحيي به وأحبـه وأنشـق الأريـاح
دحل جرحي وكيف أوحي وكيف أحيا وأنا مذبوح=وأنا ما أحسب سهوم الحب تذبحني بغير سـلاح
وأنا حضي على حضي وحضي كالـحٍ مكلـوح=إلى حر الحباري حار حضي وأنحـر الملـواح
حلي الحص حصلته وحاص الحـض بالمملـوح=حذف به فوق حزمٍ ممحلٍ ماحـام بـه سـراح
وأنا إن حصلت لي حصه حرام إن تقتلب ذرنوح=وإلا حملت حمل الزل يقلب به وصـار سيـاح
وكد حضي يفرحني بحرب العدا وهـو مسـدوح=إلى منه تحزم واحتزم للحـرب صـاح وطـاح[/poem]
وسلااااااااامتكم[/align]
