شنهو رايكم بهالقصيده في( ابو الهش)
[size=5]منقـــــــــــــــــــــــــــــــــــــ ــــــــــــول من احد المواقع
للشاعر: خالد بن عبدالله القحطاني
كيف؟ ومتى؟ ومن اين؟ ويش العلم؟ وش تبغى؟ وليش؟؟؟؟؟؟
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صرت القضيه والحكايه يا ((هشام ابن الهويش))= يا عل ما نلقى خلاف ولا تجينـا بايره
في سبتك واللي معك في الذنب والفكر الغشيش=واللي على الارض الهياليَّه بنى عمايره
ابا أسألك باللـه يا مغــــرور وشهــولـه تعيش=وش فود عمرٍ من بداياته بدت خسايره
كيف؟ ومتى؟ ومن اين؟ ويش العلم؟ وش تبغى؟ وليش؟= والداعي المصخوط ليه تهيم في بشايره؟؟
لو ما هي إجهار احتمال نقول ( يالله ما عليش)=لكن مجاهركم حشد غيض النفوس الثايره
إي والله إلا الكاس الاشهل . والزقاره .والحشيش=إتدوِّر عقول ... وعلى هلها تدور الدايره
جعلك فدا اللي لا طرى . مشاعري صوبه تجيش=تبقى معي ثم إتّوادع داخلي وتسايره
اللي على الــعـز وهل الــعـزه ومنبعها عطيش=اللي ركز باعلى مشاريف العلا منايره
يا جعل راسٍ لا لفت الاخبـــار منّه ما يشيش=تلقاه هقواته على درب الشفوف مغايره
إجيوش تِبّاع الغوى تغزي علينا جيش.. جيش=تقودها روح العداوه والصدور الغايره
(إستار) ستر اهل الفضيحه والخفا عشّه نفيش=وستار يعني (ستر) لكن وين هي ستايره؟؟
والعاقل يصون الشرف والجاهل بغيّه يطيش=ياهل العقول الصاحيه واهل العقول الحايره
في الخاتمه يالله رد اللي على غفله وطيش=وتقدِّي الغــاوين وتدل النفوس الجايره
وتهَوِّن البلوى وهم المــوت والقـبـر الوحيش=والوجهه اللي كل نفسٍ في نحاهـا سايره [/poem]
اتمنى نيلها للاستحسان منكم
