-
سالفة سنجـــــــاره
[align=left]http://shmmr.net/vb/images/stamps/thread_bst.gif[/align]
بسم الله الرحمن الرحيم
حياكم الله ياخواني
ياخوان ان المعروف ان سنجاره هي من اكبر اقسام شمر ولكن كيف تكونت
انا حاولت الاستفسار والحصول على القصه الحقيقيه لتكونهم من اكثر من شخص
وهذا ماحصلت عليه ويعلم الله انه من اكثر من شخص
سواء من شيبان الغفيله اللي عندنا او من شيبان الزميل
وخاصة واحدن من الخمسان من الزميل توفى الله يرحمه
رجال معروف بمعرفته بتاريخ ربعه
هذي القصه اضعها بين ايديكم اي اضافات اي تعديل
اذا كان واحد من الاخوان سمعها بشكل اخر
مع العلم هذي القصه تكاد تكون هي الاقرب والماشيه مع الجميع
" سنجاره طلعوا من ظهر رجل واحد وهم عيال
محمد بن الحارث من اشراف قبيلة طي
وامهم هي سنجاره بنت العاطي من عنزه
محمد الحارث يوم تزوج سنجاره انجب منه خمسة اولاد هم :
علي وهو الاكبر وزميـــل وثابت ونابت وميمون>>>"وهناك من يقول ان نابت ولد ثابت"
على العموم طبعا توفي كل من محمد الحارث وسنجاره
وبقي هذولا العيال لحالهم
وصار كل يوم "يهتش" منهم واحد >>>>>> يهتش معناه طلب الرزق بالليل يقولون فلان هتاش
بحدى هالليال هتش علي وهو الاكبر وهو يطب على اكالديره
يمار كله نخيل وشجر"اللي اسمه هاللحين موقق من قرايا حايل"
وهي تجوز له الديره وهو يلقى اكالعجوز
ويجي يمه وهو ينشده من هي لوه هالديره
قالت العجوز هذي لمحمد الشريف كان ساكن به هو وزوجته اسمه غفيله
وجوهم "الارمن">>>>> "الشيبان يقولون الارمن وناس تقول الارمل عاد مادري منهم"
و طردوا الشريف منه وغفيله تزوجه شيخ الارمن بالغصب
قال علي: انا ودي بهالديره وشلون احول عليهم
قالت العجوز : اسمع يامنهم جو حول هالمغرب يجون وياخذون حريمهم ويطلعون بهن لهالجبال
ورقص ولهو يما يجي وجه الفجر وعقب يجون تعبانيين وبهالوقت تحولون عليهم وهم حول العشره
وهو يرجع علي لاخوانه قال يالربع لقيت لكم اكالديره بس ابيكم معي عليهم
انا ابي ريسهم وانتم عليكم الباقين وهم يسكتون
قال ميمون اصغرهم : عد ميمون وعد عشـره
يوم شافو بقية الاخوان رد ميمون قالوا وحنا معك
وهم ياصلون للديره قال علي يامنهم رجعوا ودخل رئيسهم على غفيله ابي ادخل وراه وانتم
عليكم بالباقين قالوا خير انشالله
بالفعل علي ذبح ريسهم واخوانه ذبحوا الباقين
جاء علي قال نبي نتقاسم هالديره مع بعض
قالوا اخوانه انت اللي لقيته وهي لك وحنا الكل منا يطلب رزقه
"وش صار بالاخوان"
هذا علي تزوج غفيله وانجب منه بشير وغنيم وغانم غنام وغالب وغلاب 000الخ
اكثر من ولد بس مااعرف اساميهم وسكن موقق وجو عياله "قبيلة الغفيله المعروفه حاليا"
هذا زميل يقولون انه نزل عند الاصفر من عبده على ماظن وقام يغزي معه
وتزوج بنت الاصفر "وجاب قبيلة الزميل المعروفه حاليا"
هذا ثابت ونابت يقولون سكنوا بهالنفود ولادري وش صار عليهم
بس ان ثابت جو عياله "الثابت" ونابت جاب "السويد وفداغه"
وهذا ميمون طبق لجزيره وهاللحين بالجزيره عربان يقالهم الميامين من ترثته
"هـــــــــــذا اللي عندنـــــــــــا ونبي اللي عنــــــــــدكم"
وعذرا على الاطاله
-
الله يعافيك يامشعل وبارك الله فيم ومشكور على اثارة هذا الموضوع المهم بس اختلف معك ان اللي كانو بموقق هم (الارمن) اعتقد انهم الجروم من طيء منهم الى الان ناس ساكنين موقق((والله اعلم واجل واكرم))
اخوي مشعل انت ذكرت ان علي له اخوان منهم ميمون ....الخ
المعروف عند اي غفيلي ان اخوت علي مافيهم واحد اسمه ميمون
لان ميمون ولد علي
عيال علي:
ميمون ـ جويعد ـ سعود ـ منيف
هذا ماسمعته من بعض اهالي موقق ومشكور يامشعل على هالموضوع المهم
اتمنى منك ياولد العم انك تكمل الموضوع لانه قيّم جدا ويتحدث عن عيال العم الغفيله
-
[align=center]حياك الله يابو فراج
وشاكر اهتمامك يالذيب
اختلف معك ان اللي كانو بموقق هم (الارمن) اعتقد انهم الجروم من طيء منهم الى الان ناس ساكنين موقق((والله اعلم واجل واكرم))
تسلم يابوفراج بس سمعت ان اللي طردوا الشريف ماهم عرب بالاساس
ومابقي منهم احد على العموم راح اسأل وانشالله ويجي العلم
اخوي مشعل انت ذكرت ان علي له اخوان منهم ميمون ....الخ
المعروف عند اي غفيلي ان اخوت علي مافيهم واحد اسمه ميمون
لان ميمون ولد علي
عيال علي:
ميمون ـ جويعد ـ سعود ـ منيف
ابو فراج الاختلاف اللي سمعته باخوان علي هم ثابت ونابت
ناس تقول نابت ولد ثابت وناس تقول اخوه
اما بالنسبه لميمون
اللحين لو تراعي لشجرة زوبع تلقى مع الصبحي ناس يقال لهم "الميامين"
يقال ان هذولا عياله وكلهم بالجزيره والله اعلم
اما اهل موقق على ماظن انهم ابناء بشير اللي هو من عيال علي
على العموم نبي نكمل ونسأل
شرفتنا يابو فراج [/align]
-
الاخ/مشعل ,,,,
تحياتي لكل ماتقدمه من مجهودات في البحث والتحري عن الاخبار
خالص الود مني لك
-
[align=center]اقول يازين العلم :)
مشعـــــل !!
تسلم يالطربة على هذهـ المشاركة:goooood:
مما قرأت انــ :
الغفيلة هو علي بن محمد بن حريث بن عبد جذيمة بن زهير بن ثعلبة
بن سلامان بن ثعل بن عمرو بن الغوث بن طي .
محمد الشريف
من تقصد بمحمد الشريف .؟
متى وقته او عصرهـ !؟
ابلشناك بالنشدهـ:)
تسلم عــزيــــــــــزي ولا هنت
والسلاااااام ...
..[/align]
-
الاخ العزيز مشعل
كلامك هذا سمعته من شايب خمساني يلبس عمامه بيضا ويصبغ لحيته وعمره يقارب مايةسنة وهذ الرجل ضاف عند واحد من الجماعة
ويسال عن ابن فنيدل بالرياض وتكلم مثل ماتكلمت به اخ مشعل والكلام هذا قبل 15سنة ,
وانا اقول علم الصاحب عند صاحبه ويجب ان التوضيح ياتي من الرمال نفسهم
اهل مكه اعرف بالشعابها
-
[align=center]حياك الله يالامسح
وتسلم يالبناخي
على هالتعقيب[/align]
-
[align=center]حياك الله ياراعي الوقيد
وتعقيبك اضافه لمشاركتي
بالنسبه للسلسله يعطك العافيه على اضافته
ولكن الاسم الثالث هلو حريث او الاحارث لاني سمعته الحارث
بالنسبه لمحمد الشريف
الى الان لاعرف منهو لان اسم محمد كثير بالاشراف
ولااعرف من المقصود
لكن من القصه موجوده اكثر من شخصيه موجوده
اذا عرفناهم عرفنا محمد الشريف
منهم الاصفر
وكذلك سمعت ان القصه على دور عامر الخفاجي
الله اعلم الكلام واجد لكن وين الصحيح[/align]
-
[align=center]يعطيك العافيه يالمهنا
ويمكن شايبك هو شايبي اللي انا ابي
بالنسه لاخر كلامك مافهمته اللي عن الرمال
الظاهر انك تحسب ان الغفيله بس الرمال
اخوي الغفيله عربان
وانا غفيلي ولاني من الرمال[/align]
-
[align=center]لاهنت يامشعل وجزاك الله ألف خير ،،
وعن سالفة الميامين ورجوعهم لغفيله هذه حقيقه سمعتها من أكثر من رجل من _ الميامين _ أنفسهم ، حيث يقولون في إحدى المرات كان رجل في مجلس الشيخ حواس الصديد _ شيخ الصبحي _ وكان الحوار يدور عن نسب الميامين وأجاب الشيخ حواس بقوله : الميامين من غفيله وهم ليسوا من آل صبحي .!!
وللعلم آل صبحي هم فخذان فقط :-
آل خمّاس : وعزوتهم عيال العـــود
آل حريره : وعزوتهم هل العليا
والشواريق حلف مع آل صبحي
هذا مالدي والله أعــــــلم ،،
،،
خالص الـــود [/align]
