جانا الخبر وصاح برزان بالامير طلال
السلام عليكم ورحمة الله وبركاته
قصيدتين اعجبنّي لشاعره تلّقبت بلقب (نوارة شمر) في الامير المرحوم طلال الرشيد احببت ان اضعها في مضيف الامير طلال رحمه الله
القصيده الاولى :
جـانـا الخـبـر واكـتـم سمـانـا بـدخّـان
وغـار السّعـد عقـب الـعـلا للطّمـانـي
وجادت عيونـي بـازرق الدمـع هتّـان
والحـزن عـمّ الـحـال واظـلـم مكـانـي
وجاوبـت ورقٍ بيـن ونّـات واشـجـان
وانـهـدّ حيـلـي وانعـقـد بـــي لـسـانـي
وجاوب معي من هم من الناس خلان
وحـتـى البعـايـد شـاركـونـي هـوانــي
واجـا شكـى حـزنٍ وسلـمـى ورمّــان
وحـتـى نـفـوده فـوقـه الـحـزن بـانــي
وحبـران والمسمـا شكـت وام سنمـان
واسـهـالـهـا وافـيـاضـهـا والـمـثـانــي
الحـزن عـم الخلـق بــدوٍ وحـضـران
وايضـا الطيـور وزاهـيـات البطـانـي
علـى عديـمٍ راح مـن طيـش عــدوان
عـاقــوه غـــدر معـوّجـيـن الـلـسـانـي
عسـى ديـارٍ بـه هفـى عـمـر حـيـدان
يجـزاه ربّـي فـي صـروف الزّمـانـي
وعسـى يجـي زوده دبــورٍ ونقـصـان
وتـفـنـى ديـــار لهـافـيـيـن الـمـجـانـي
الـلـي خــذو مظـنـون عيـنـي بليـهـان
وازرو علـى قلـبـي بـحـزنٍ غطـانـي
مرحوم يامن صاح له قصـر بـرزان
يالضيغـمـي يـاتـاج قـاصــي ودانـــي
لوا ابـن عمّـي راح مـن كيـد شيطـان
حزنـه رسـى بيـن الضلـوع المحانـي
ابــو الفضـايـل مشـبـعٍ كــل جـيـعـان
يامـا بـذل واسـعـد لـمـن جــاه عـانـي
ويامـا غــدا فــي طيبـتـه ويّ نيـشـان
داره كـمــا نـجــمٍ بــالاكــوان بــانــي
مـالـه شبـيـهٍ هــو سـلايــل كـحـيـلان
ويـلـي عـلـى فـرقـاه ذاك الحـصـانـي
عـزاي فــي فـرقـاه نــواف الازمــان
وعبد العزيز اللـي مـن الـروح دانـي
هم العـوض باللـي عـن النـوم جـزّان
حزن الفقيـد اللـي للاعـراض صانـي
يالله يامـن فــارضٍ خـمـس الاركــان
يـامـنـزّل الـتـوبـه وســبــع الـمـثـانـي
ترحـم طـلال وتاهبـه منـك رضــوان
وتغـفـر ذنـوبــه يـاجـزيـل الحـسـانـي
وصـلاة ربــي عــدّ صـبـحٍ لـنـا بــان
عـلـى شفـيـع الخـلـق يــوم امتحـانـي
___________________
القصيده الثانيه :
صــاح بـــرزان الـشـمـال وجـاوبـنّـه
موقـده حاتـم واجــا وافـيـاض حـايـل
والـمـقـام الـلــي بـنـجـدٍ جــــرّ ونّــــه
يبـكـي الـلــي متـعـبـه ذرب الفـعـايـل
يبـكـي الـلــي بالـجـنـازه جـــا مـغـنّـه
ضيغـمـيٍ مـيـزتـه ســـوق الـجـزايـل
العـضـيـد كـفــوف عــدوانــه هـفـنّــه
جـوه غــدر وبــوق هافـيـن النسـايـل
راح مقـطـوع النظـيـر ابـــلا مـظـنّـه
راح وابقـى الحـزن بالمعلـوق حـايـل
راح ابـــو نـــواف واعـيـونـي بـكـنّـه
طـول ليلـي بـعـد مكـمـول الخصـايـل
ليتـنـي دونــه واشـيـل الـمـوت عـنّــه
فدوتـه عمـري رضـى مـابـه دخـايـل
مـايـعــوّض شـيـخـنـا عــلّــه بـجـنّــه
غاب وابقـى الحـزن بشعـوب وقبايـل
الـكــرم والـطـيـب والـنـخــوه نـعـنّــه
والـقـوافـي حـزنـهـا بالـشـيـخ هـايــل
يــالــهـــي يــاكــريـــمٍ دون مــــنّــــه
ارحـم اللـي باللـحـد صفـحـك يسـايـل
الله يغفر له ويرحمه ويوسع له بقبره اللهم اجعل قبره روضه من رياض الجنه ولا تجعله حفرة من حفر النار
