شمقـــــــــــــــــــل.... بكرتونه
[align=left]اما قبل ( لذيذ لا اخر جغمه)
والله يالربع ادري ان بعضكم مابيخصن حيييل
ولامن هكالعرف
اللي تقول يجمل
مار هالحين ابلبط ( اببزخ )بينكم
وابهذ علومي كلهن ( استلمو ):
انا انسان (بالله)
عادي ( مو قير علاق)
لا لي ولا علي (لالي ولا ليا اهوا ولا لاللي حبيت ياعنيا)
ههههههههههههههههه
هههههههههههههههه
طوايل بما فيه الكفايه ونحيف يتصافقن عصاقيلي
احمل او اشيل شهادة دبلوم حاسب الي وبس هذا انا انقله معي
تقل بطانية عزوبي
ولامن اداره الا وتسفت عليه وقدمته عليهم تقل صك عسر بيدين يتيم
والحين لاجيتهم اسلم عليهم سلام عرف من كثر مااويدز بوجيههم
(اللي يبي له واسطه تروني اعرفهم كلهم ميانه)
اما يالربع الشيشه (البربوره) تسوى عندي عرب يرحلون وينزلون
اما الهوايات فهي عد واغلط ومن طرفهن البلوت( اوووف ذبحت ابوك بالودتس)
والكيرم والعتبه والزقطه وعظيم ساري لا عظيت شليلي ماتلحقن مطقوقه بالمسمار
ومالي تسبدن على جمع الولاعات ومتابعة قناة الجزيره واذعة لندن ولاهانت منتكارلو
ومن القراده مابه مستشفى مافتحت به ملف
والدغ (الاكل) اويلي يالجمريه لاصارت مفروده بحليب السعوديه ومخموعه بله دهينه
ولاهانت العويشه البيضا
اما المشروباي فما غير ألبين المحمض
اما امنياتي فهي كثر التراب (ماهو لوجيهكم)
فتحتل المرتبة الاولي
اني اكون ناطق بأسم (حتى لو لحدى العيال)
المرتبه الثانيه
اني اكون كابتن المنتخب (لوهي مباراتن وديه مع النيبال)
المرتبه الثالثه
غولة الملعون بوش
المرتبه الرابعه
ان الربع اللي كل ماهذا وانا جايهم يعطوني وجه لو ماوظفوني
المرتبه الخامسه
يالربع ماعندكم وظيفه بهالمضايف لو مشرف عام
اما بعد.....
اااااااااااه اوفي اول مره اكتبلكم
عسى اعجبتكم
والا انا ادري اني ماراح اعجبكم[/align]
