قصيده واقعيه اعجبتني

بسم الله الرحمن الرحيم
هذه القصيده للاخ محمد معاشي عصمان الهمزاني مهديها لبو فواز مرضي سالم عيد الهمزاني راعي سراء والقصيده تعبر عن نفسها :

بسـم الذي سـوى سماه المنيعـــه *** اللي فطر سبـع السموات الأطـوار
أبـداً الجــواب بقدرة ٍ أستطيـعــه *** وأكتب حروفٍ بالقلم فوق الاسطار
منـا مغصوب ٍ من قضاة الشريعه ***ولالي هـدف ولا إماري وقـمـار
ساقن هــواي وسقت نفسـي أطيعه ***أبمـدح الطـيب ولا بـه علـي عار
مرضي بنـا بيـت الشـعـر بالرفيعه ***شمال سراء مشرف غربي القار
يـامـا حـلا مبنـاه عنــد الطليـعـــه *** بالليل ليا شبت مصابيح الأنوار
بـه الـدلال اللي تبـارق لميعـــــــه *** وسط الوجار ومركيات على النار
يسحب لهن جمرٍ جها من وليعه *** من وقدة ٍ تأخذ من الوقت مقدار
دايــم ملايــا بالوجــار البديــعـــه ***أمولـمـاتٍ لأهــل الكيـف والكــار
يشري من حمول الحطب مايبيعه *** يبي يشب النــار للضيـف والجــار
وصيانين فوق الوقـم من صنيـعـه *** مـلايــنٍ مــن طلــع زينــات الأثمار
يشفق على الطيب ويترك ضعيعه *** يدفع به المطلوب وإن زاد الاسعـار
والزاد يزبر بالصـحون الوسيـعـه *** اللـي بتقديــري تجي ستــــة أشبـــار
وزيــادة ٍ للطـيب حلـو الطبيــعــه ***قـــول الحقايـق مـا يـزود بالأخبــار
مــا يتـقــي والحــق لازم يذيــعـــه *** يخــاف مــن رب ٍعليــم بالأســــرار
يحب صلح اثنيين وقطع النزيعه ***والمشــكلة يـنـزع فتيــلـه بالإصـرار
واللـي يشـوفه مـايلٍ ما يطـيـعـه ***يصــير ضـده يكتب الحـــق بــاقـرار
مـاهـو تطبـع مـار هذي طبيـعــه *** طبيعـة ســواه مـن شـــق الأبصــار
وصلوا على المختار محمد شفيعه *** عد الشجر وعداد ماأزهر من أزهار

[align=center]يابعدي والله يالهمزاني

اقسم بالله من احسن ماسمعت

صح لسان الشاعر
والف نعم بمرضي الهمزاني
وبالهمزان عموم

اختيار ولااحلى

ننتظر المزيد[/align]

شكرا يالهمزاني

الف الف نعم بمرضي سالم الهمزاني راعي قرية سراء

ومليون مليون نعم ببوه سالم العيد ( الله يرحمه )

[align=center]صح لسان الشاعر

اخوي الهمزاني

تسلم يمناك على النقل الرائع

لاهنت[/align]

صح لسان الشاعر

وتسلم اخوي الهمزاني

ولاااااااهنت

تسلم يالهمزاني وبارك الله فيك