.. الـعـذر مـكـتـوب ..

[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

العذر مكتوب لاصار الخطاء مقري "=" آسف على ضحكتي وآسف على احزاني
خطاي معذور والا غلطتي عذري "=" مرارة العذر في قلبي وفي لساني
مدري وش اللي ذكرت وضاق به صدري "=" مدري وش اللي نسيت ولاتنساني
لبست انا ثوب لاطولي ولا قصري "=" ياطيبه القلب وين القلب وداني
سنتين من عمرها مرت ومن عمري "=" سنتين احس الزمن فيها تعداني
سنتين مرت حياتي من ورا ظهري "=" والحب سجني ومسجوني وسجاني
والشعر مطرود من قلبي ومن فكري "=" سنتين ماني ب انا ماني باحد ثاني
غنيت للناس والدنياء على خبري "=" والشعر في دفتري مغرور وانساني
غنيت للحب يوم عيونها تغري "=" يوم الوفاء والكلام الطيب الحاني
غنيت للدمع يومن البكى كبري "=" واليوم انا اكبر من دموعي وحرماني
اليوم ماعاد يمدي اللي جرح يبري "=" مليت كثرت خطاياهم وغفراني
مليت انا الشعر مل الشعر من شعري "=" مليت انا الحب مل الحب وجداني
لو هي عليه عزيز النفس من صغري "=" ماشاور القلب في كرهي لعدواني
ان رحت ياكثرهم وان جيت ياكثري "=" ضاقت بي عيونهم لو كنت وحداني
تعبت وازريت مامليت من صبري "=" ليت الذي راح مني كثر ماجاني
احيان ودي اطيح من التعب وازري "=" تشيلني عزتي زسلزم جداني [/poem]المبدع دوماً
سعد الحريص
.
.
.

[align=center]السلام عليكم

لي الشرف بأن اكون أول المصافحين لك والمتصفحين لإبداعاتك الرائعة
صـــــــــــــــح لسانك مليار [/align]

[align=center] صح الله لسان شاعرها
وسلمت الانامل 00 على الاختيار
الرائع والذوق
دمت بخير
اختك 00 المهرة[/align]

[align=center]الله الله يابو شموخ


ذوقك شــــامــــخ

الله يعطيك العافيه على هالنقلة

الله لا يهينك ياليت لو تنقل لنا قصيدة هالشاعر سعد الحريص

اللي فيها أبراج وزالن بالضبط ماني متذكر البيت او الطر صح

بس اكيد بتعرف قصدي



دمت بخير [/align]